20મી જાન્યુઆરીએ પદવીદાન સમારોહ યોજાશે: રાજ્યપાલની ઉપસ્થિતિ
કુલ 43,062 વિદ્યાર્થીને ડિગ્રી એનાયત જ્યારે જુદી જુદી વિદ્યાશાખામાં સૌથી વધુ ગુણ મેળવનાર 126 વિદ્યાર્થીને રાજ્યપાલના હસ્તે 147 ગોલ્ડ મેડલ અપાશે
- Advertisement -
ખાસ-ખબર સંવાદદાતા
સૌરાષ્ટ્ર યુનિવર્સિટીનો 20મી જાન્યુઆરીએ પદવીદાન સમારોહ યોજાશે. સમારોહમાં રાજ્યપાલની ઉપસ્થિતિમાં 43,062 વિદ્યાર્થીને ડિગ્રી એનાયત કરાશે. જુદી જુદી 14 વિદ્યાશાખામાં સૌથી વધુ ગુણ મેળવનાર 126 વિદ્યાર્થીને રાજ્યપાલના હસ્તે 147 ગોલ્ડ મેડલ અપાશે જેમાં સૌથી વધુ મેડિકલ ફેકલ્ટીના વિદ્યાર્થીઓ છે. જ્યારે કોમર્સમાં ડિગ્રી મેળવનારા 13995 અને આર્ટસ શાખામાં 12159 વિદ્યાર્થીઓ નોંધાયા છે.
સૌરાષ્ટ્ર યુનિવર્સિટી દર વર્ષે ગોલ્ડ મેડાલિસ્ટ વિદ્યાર્થીઓને સામાન્ય ફાઈલમાં બંધ કરીને પદવી તથા સર્ટિફિકેટ એનાયત આપે છે પરંતુ આ વર્ષે યુનિવર્સિટીએ સિસ્ટમમાં ચેન્જ કરી વૂડનના બોક્સ બનાવવામાં આવ્યા છે. તેમાં જે 126 વિદ્યાર્થીને ગોલ્ડ મેડલ મળવાના છે તેને આ વિશેષ વૂડન બોક્સમાં ડિગ્રી અપાશે. દાતાના દાનમાંથી 152 વિદ્યાર્થીને રૂ.1500નો રોકડ પુરસ્કાર અપાશે. 14 વિદ્યાશાખાના જે વિદ્યાર્થીઓ આ પદવીદાન સમારોહમાં રૂબરૂ પદવી સ્વીકારવા ઈચ્છતા હોય તે વિદ્યાર્થીઓએ ઓનલાઈન નોંધણી કરવી પડશે જે તારીખ 21મી ડિસેમ્બરથી યુનિવર્સિટીની વેબસાઈટ વિિંાંત://મયલયિય.તફીફિતવિફિીંક્ષશદયતિશિું.યમી પર કરી શકાશે.
કોમર્સના 13995 અને આર્ટસના 12159 વિદ્યાર્થી
વિદ્યાશાખા સંખ્યા
વિનયન વિદ્યાશાખા 12,159
શિક્ષણ વિદ્યાશાખા 4043
વિજ્ઞાન વિદ્યાશાખા 6733
ઈજનેરી વિદ્યાશાખા 2
કાયદા વિદ્યાશાખા 1879
તબીબી વિદ્યાશાખા 1754
વાણિજ્ય વિદ્યાશાખા 13,995
ગ્રામવિદ્યા વિદ્યાશાખા 172
ગૃહવિજ્ઞાન વિદ્યાશાખા 212
હોમિયોપેથી વિદ્યાશાખા 79
આર્કિટેક્ચર વિદ્યાશાખા 40
બિઝનેસ મેનેજમેન્ટ 1863
ફાર્મસી વિદ્યાશાખા 103
પર્ફોર્મિંગ આર્ટસ વિદ્યાશાખા 28
કુલ 43062
