રાજકોટ મનપાની સ્ટેન્ડિંગ કમિટીમાં 13.43 કરોડના વિકાસકામોને લીલી ઝંડીઃ 13માંથી 10 દરખાસ્તો સર્વાનુમતે મંજૂર: ભંગાર વાહનોના ઈ-ઓક્શનથી મનપાને 20 લાખની આવક થશે
રેસકોર્સ રીંગ રોડ પર ડેકોરેટીવ લાઇટીંગની દરખાસ્ત ફરીથી નામંજૂર અને અર્બન ગ્રીનીંગની દરખાસ્તને વધુ અભ્યાસાર્થે પેન્ડિંગ રખાઈ
- Advertisement -
રાજકોટ મહાનગરપાલિકાની સ્ટેન્ડિંગ કમિટીની મહત્વની બેઠક આજે રોજ યોજાઈ હતી. આ બેઠકમાં કુલ ૧૩ જુદા-જુદા વિષયો પર વિસ્તૃત ચર્ચા-વિચારણા કર્યા બાદ 10 દરખાસ્તોને મંજૂરી આપી દેવામાં આવી છે. આજની બેઠકમાં કુલ રૂ. 13.43 કરોડ ના વિકાસકામોને આખરી મંજૂરી આપવામાં આવી છે, જ્યારે ઈ-ઓક્શન મારફત મનપાને ૨૦,૦૧,૯૨૧ની આવક થશે. જ્યારે
રાજકોટ મહાનગરપાલિકા વિસ્તારમાં ઉનાળાની વર્તમાન સિઝન અને ભૌગોલિક વિસ્તારના થયેલા વ્યાપક વિસ્તરણને પગલે પાણીની માગમાં નોંધપાત્ર વધારો નોંધાયો છે. ‘નલ સે જલ’ના દાવાઓ વચ્ચે શહેરના જે વિસ્તારોમાં હજુ સુધી પાઇપલાઇનની નેટવર્ક સુવિધા ઉપલબ્ધ થઈ નથી, તેવા વિસ્તારોના નાગરિકોને મુશ્કેલી ન પડે તે માટે વહીવટીતંત્ર દ્વારા વૈકલ્પિક વ્યવસ્થા ઉભી કરાઈ છે. આ અંતર્ગત રાજકોટના ત્રણેય ઝોનમાં ૫૦૦૦ લીટરથી લઈને ૨૦,૦૦૦ લીટરની ક્ષમતા ધરાવતા ટેન્કરો અને ટ્રેક્ટરો મારફતે નિયમિત પાણી વિતરણ કરવા માટેના રૂ. ૧૧,૫૦,૦૨,૬૭૯ના જંગી ખર્ચની દરખાસ્તને સ્ટેન્ડિંગ કમિટી દ્વારા બહાલી આપવામાં આવી છે. અગાઉની બેઠકમાં મુલત્વી રાખવામાં આવેલી રેસકોર્સ રીંગ રોડ પર ડેકોરેટીવ લાઇટીંગની દરખાસ્ત પેન્ડિંગ રખાઈ છે તેમજ શહેરમાં અર્બન ગ્રીનીંગ પોલીસી તૈયાર કરવા માટની દરખાસ્તને નામંજૂર કરી દેવામાં આવી છે જ્યારે 51-MLD રૈયા STP અને ટ્રીટેડ વોટર પંમ્પિંગ સ્ટેશનના ૨ વર્ષના કૉમ્પ્રેહેન્સિવ O&M કામ માટે રૂ. ૧.૯૮ કરોડની દરખાસ્તને પેન્ડિંગ રાખવામાં આવી છે
શહેરના પશ્ચિમ વિસ્તાર એટલે કે વેસ્ટ ઝોનમાં ગગનચુંબી ઇમારતો અને હાઇરાઇઝ્ડ બિલ્ડિંગોની સંખ્યા ઝડપથી વધી રહી છે. પરંતુ આ વિસ્તારોમાં સોસાયટીઓ અને બિલ્ડિંગો દ્વારા કરવામાં આવેલા બોરવેલ કાં તો ડૂકી ગયા છે અથવા તો ભૂગર્ભ જળના સ્તર ખૂબ જ ઊંડા ઉતરી જવાને કારણે બોરના પાણી સંપૂર્ણપણે દૂષિત અને પીવા અયોગ્ય બની ગયા છે. હાલની સ્થિતિએ વેસ્ટ ઝોનના અલગ-અલગ 16 વિસ્તારોમાં આવેલી મહાનગરપાલિકાની આવાસ યોજનાઓ સહિત અંદાજે 28,277 ફ્લેટધારકોની તરસ છિપાવવા માટે દૈનિક ધોરણે 5000 લીટર ક્ષમતા ધરાવતા ટેન્કરોના 71 ફેરા કરવામાં આવી રહ્યા છે, જેના દ્વારા રોજનું 3,60,000 લીટર પાણી વિતરણ કરવામાં આવે છે.બેઠક દરમિયાન અધ્યક્ષસ્થાનેથી તમામ વિભાગોને સ્પષ્ટ સૂચના આપવામાં આવી હતી કે મનપાના વિવિધ વિભાગોમાં ચાલતા આઉટસોર્સિંગ વાહનોની વાસ્તવિક જરૂરિયાત નક્કી કરવામાં આવે અને જ્યાં જરૂરી ન હોય ત્યાં વાહનોમાં કાપ મૂકવામાં આવે. મનપાના ખર્ચમાં ઘટાડો અને કરકસરના ભાગરૂપે આ નિર્ણય લેવામાં આવ્યો હોવાનું જાણવા મળ્યું છે.
વોર્ડ નં. ૮ અને ૧૦માં ગટર ફરિયાદ નિકાલ માટે ૩૨ લાખ મંજૂર
મવડી, વાવડી, પુનિતનગર પંમ્પિંગ સ્ટેશનની જાળવણી અને સંચાલન માટે 1.16 કરોડ મંજૂર
વાવડી વિસ્તારમાં આવેલ રઘુકુળ સ્કૂલમાં ૧૩.૪૧ લાખના ખર્ચે પ્રાર્થનાખંડ બનશે
ભાવનગર ખાતે યોજાયેલ ઇન્ટર કોર્પોરેશન ક્રિકેટ ટુર્નામેન્ટના ૨૫ હજારનો ખર્ચ મંજૂર
- Advertisement -
