તાલુકા પોલીસના ખાઉધરા P.I. ગોંડલિયા અને PSI પી. પી. ચાવડાનું પરાક્રમ
દારૂની પરમિટ ધરાવતાં 4 મહારાષ્ટ્રીયનો પાસેથી તાલુકા પોલીસે 1 લાખનો તોડ કર્યો!
- Advertisement -
ચાર મહારાષ્ટ્રીયન શખ્સો લીકર પરમિટ ધરાવતા હોવા છતાં કોકોનટ પાર્ટી પ્લોટથી તેમને ઉઠાવી લેવાયા:
એક નિર્દોષ ગુજરાતીને પણ હડફેટે લઈ લીધો
વાવડી ચોકડીએ પાંચેય શખ્સોને ચાર કલાક ગોંધી રાખ્યા: ચાર કલાક સુધી મોબાઈલ પણ લઈ લીધા
ખાસ-ખબર સંવાદદાતા
રાજકોટ તાલુકા પોલીસ સ્ટેશનના વિવાદાસ્પદ પી.આઈ મેહુલ ગોંડલિયાની વધુ એક વિવાદાસ્પદ કામગીરી છાપરે ચડી પોકારવા લાગી છે. થોડાથોડા સમયે કાયદાનો દુરુપયોગ કરી તોડતાડ કરવામાં માહેર મેહુલ ગોંડલિયાએ આ વખતે 4 મહારાષ્ટ્રીયન અને 1 ગુજરાતી શખ્સને પોતાના શિકાર બનાવી એકાદ લાખનો તોડ કર્યો છે. આ કાળી કામગીરીમાં તાલુકા પોલીસ સ્ટેશનના પી.આઈ મેહુલ ગોંડલિયા સાથે વાવડી ચોકીના પી.એસ.આઈ પી.પી. ચાવડા પણ સામેલ છે.
બનાવની વિગત મુજબ ગત રાત્રીએ બીજા રિંગરોડ પર આવેલા કોકોનેટ પાર્ટીપ્લોટમાં ચાર મહારાષ્ટ્રીયન શખ્સો દારૂ પી રહ્યા હતા. ચારેય નોનગુજરાતી મહારાષ્ટ્રીયન શખ્સો પાસે લિકર પરમિટ હતી. આ સમયે એક વ્યક્તિએ તાલુકા પોલીસ સ્ટેશનમાં ફોન કરીને કોકોનેટ પાર્ટી પ્લોટમાં ચાર શખ્સ દારૂ પી રહ્યા હોવાની જાણ કરી હતી. અને પછી તાલુકા પોલીસ સ્ટેશનના પી.આઈ. મેહુલ ગોંડલિયાએ વાવડી ચોકડીના પી.એસ.આઈ પી.પી. ચાવડાને દારૂ પીતા શખ્સોને પકડી પાડવા સૂચના આપી હતી.
- Advertisement -
રાજકોટ તાલુકા પોલીસ સ્ટેશનના પી.આઈ ગોંડલિયાની સૂચનાથી વાવડી ચોકીના પી.એસ.આઈ ચાવડા કોકોનેટ પાર્ટી પ્લોટ પહોંચ્યા હતા. જ્યાં ચાર નોનગુજરાતી મહારાષ્ટ્રીયન શખ્સો દારૂ પી રહ્યા હતા. તેમની પાસે લિકર પરમિટ અને એક દારૂની બોટલ મળી આવી હતી. મહારાષ્ટ્રીયન શખ્સો પાસે લિકર પરમિટ હોવા છતાં વાવડી ચોકીના પી.પી. ચાવડાએ ચારેય શખ્સો ઉપરાંત ત્યાં હાજર રહેલા એક ગુજરાતી શખ્સ જેણે દારૂ પીધો નહતો તેને પણ ઉપાડી વાવડી પોલીસ ચોકી ઉપાડી આવ્યા હતા અને બાદમાં આ શખ્સો પાસેથી એક લાખ રૂપિયાનો તોડ કરી તેમને છોડી મૂક્યા હતા. તાલુકા પોલીસ સ્ટેશસના પી.આઈ ગોંડલિયા અને વાવડી ચોકીના પી.એસ.આઈ ચાવડાની કાળી કરતૂતોનો ભોગ બનેલા ચારેય મહારાષ્ટ્રીયન શખ્સોએ સમગ્ર બનાવની જાણ મહારાષ્ટ્રીયન ધારાસભ્ય તેમજ ગૃહમંત્રી હર્ષ સંઘવીને કરી છે.
મહારાષ્ટ્રના શખ્સો પાસેથી તોડ કરનારા પોલીસવાળાઓની ફરિયાદ મહારાષ્ટ્રીયન ખકઅ અને હર્ષ સંઘવી કરાઈ
રાજકોટ તાલુકા પોલીસ સ્ટેશનના પી.આઈ મેહુલ ગોંડલિયાની સૂચનાથી વાવડી ચોકીના પી.એસ.આઈ પી.પી ચાવડાએ લિકર પરમીટ સાથે દારૂ પીતા ચાર મહારાષ્ટ્રીયન શખ્સોને એક દારૂની અડધી બોટલ સાથે પકડી પાડી તેમજ એક દારૂ ન પીધેલા ગુજરાતીને પણ પકડી વાવડી ચોકીએ લઈ જઈ આશરે એકાદ લાખ રૂપિયાનો તોડ કરવાના મામલે પોલીસના તોડકાંડનો ભોગ બનેલા પીડિતોએ ગુજરાતના એક મહારાષ્ટ્રીયન ધારાસભ્ય તેમજ ગૃહમંત્રી હર્ષ સંઘવીને ફરિયાદ કરી સમગ્ર મામલે કડક પગલાં ભરવા માંગણી કરી છે.