ગુજરાતમાં એકસાથે 20 બુટલેગર સામે ગુજસીટકો નોંધાઈ હોય તેવો પ્રથમ કિસ્સો રાજકોટનો

એસએમસીએ 70 લાખનો દારૂ પકડ્યા બાદ લિસ્ટેડ બુટલેગર ફિરોઝ સંધિ સહીત 20 સામે ગુજસીટોક

9 વર્ષમાં નોંધાયેલા 272 ગુના ધ્યાને લેવાયા : દસ આરોપીઓની ધરપકડ, છ જેલમાં : ચારની શોધખોળ

એસએમસીએ કુવાડવા રોડ પોલીસની હદમાંથી ફિરોઝનો 70 લાખનો દારૂ પકડી પાડ્યા બાદ પીઆઇ વસાવાને સસ્પેન્ડ કરવામાં આવ્યા હતા અને ત્યારથી જ શરુ થયેલી કાર્યવાહી અંતર્ગત ફિરોઝ સહીત 20 સામે ગુજસીટોક નોંધવામાં આવી છે દારૂની છુટક બોટલોનું વેંચાણ કર્યા બાદ સૌરાષ્ટ્રના મોટા ગજાના બુટલેગર કમ સપ્લાયર બની ગયેલા ફીરોઝ હાસમ મેણું અને તેના નેટવર્ક સાથે સંકળાયેલા 19 સભ્યો વિરુદ્ધ રાજકોટ ક્રાઇમ બ્રાંચે ગુજસીટોક હેઠળ ગુનો નોંધી દસ સભ્યોની ધરપકડ કરી છે. છ સભ્યોનો જેલમાંથી કબજો મેળવવા અને વોન્ટેડ ચારને ઝડપી લેવા તજવીજ શરૂ કરી છે. ગુજરાતમાં એક સાથે 20 બુટલેગરો સામે ગુજસીટોકનો આ પ્રથમ કેસ મનાય છે. સૌરાષ્ટ્રમાં હાલમાં દારૂ સપ્લાય કરતાં મોટાભાગના બુટલેગરોને આ ગુજસીટોકનાં ગુનામાં આવરી લઇ ક્રાઇમ બ્રાંચે અંગ્રેજી દારૂની સપ્લાય ચેનને તોડી નાખવાનો પ્રયાસ કર્યો છે.

ડીસીપી ક્રાઇમ જગદીશ બાંગરવાએ વિગતો આપતા જણાવ્યું હતું કે ફીરોઝ અને તેની ટોળકી વિરુદ્ધ રાજકોટ સહિત સૌરાષ્ટ્રભરમાં ખૂનની કોશિષ, હુમલા કરવા, ગેરકાયદે મંડળી રચી હુમલા કરવા, અપહરણ, ગોંધી રાખવું, એટ્રોસિટી, જાનથી મારી નાખવાની ધમકી આપવી, આર્મ્સ એક્ટ, બોગસ દસ્તાવેજો બનાવવાના અને બીજા રાજ્યોમાંથી મોટા પ્રમાણમાં અંગ્રેજી દારૂ મંગાવી તેનું સમગ્ર સૌરાષ્ટ્રમાં વેંચાણ કરવા અંગે અત્યાર સુધીમાં અધધ કહીં શકાય તેટલા ૩૦૦થી વધુ ગુના નોંધાયા છે. ક્રાઇમ બ્રાંચે નિયમ મુજબ ૨૦૧૭થી લઇ ૨૦૨૬ સુધીમાં નોંધાયેલા ૨૭૨ ગુના ધ્યાને લઇ ગુજસીટોકની દરખાસ્ત તૈયાર કરી હતી. આ ટોળકીની ગુનાઇત પ્રવૃતિને કારણે સમાજમાં ભય તો ફેલાતો હતો જ સાથોસાથ સૌરાષ્ટ્રમાં અનેક લોકોે નશાના રવાડે પણ ચડી ગયા હતા. ફીરોઝ અને તેના સાગરીતો વિરુદ્ધ સમયાંતરે પાસા અને સંગઠીત ક્રાઇમની કલમ ૧૧૧ હેઠળ પગલાં લેવાયા હતા. પરંતુ તેનાથી કોઇ ફર્ક પડયો ન હોય તેમ આ ટોળકીએ પોતાની ગુનાઇત પ્રવૃતિઓ ચાલુ રાખતા આખરે સંગઠીત ગુનાઓને અંકુશમાં લેવા માટે બનાવાયેલા પોલીસ પાસેના હાલના એક માત્ર શસ્ત્ર ગુજસીટોકનો ઉપયોગ કરાયો હતો 10 આરોપીઓની ધરપકડ કરવામાં આવી છે જયારે મુખ્ય સૂત્રધાર ફીરોઝ રાજકોટ જેલમાં, હર્ષદ ઉર્ફે મહાજન માણેકલાલ માંડલીયા નવસારી જેલમાં, ધવલ રસિક સાવલીયા જેતપુર સબ જેલમાં, ઇમરાન ઉર્ફે બોબડો ઉર્ફે ખલી હારૂન કાલવા ડીસા સબ જેલમાં, પ્રશાંત ઉર્ફે પાસો કિશોર પરમાર વડોદરા સેન્ટ્રલ જેલમાં અને યુસુફ ઉર્ફે ડાંગી હસન હીંગોરા ડીસા જેલમાં છે. આ આરોપીઓ અલગ-અલગ ગુનામાં જેલની હવા ખાઇ રહ્યા છે. જ્યાંથી હવે ક્રાઇમ બ્રાંચ કબજો મેળવશે. મુખ્ય આરોપી ફિરોઝ ઉર્ફે ફીરીયો સંધી સહીત 20 શખ્સો દ્વારા છેલ્લા 10 વર્ષમાં 272 ગુના આચરવામાં આવ્યા છે. આ ગુનામાં પોલીસે હાલ 10 આરોપીની ધરપકડ કરી છે

પકડાયેલા 10 આરોપીનો ગુનાહિત ઇતિહાસ
ચંદ્રેશ ઉર્ફે કાળિયો ચાઉં વિરુધ્ધ 17 ગુના
ધવલ ઉર્ફે શિવ વડનગરા વિરુધ્ધ 17 ગુના
યશપાલસિંહ જાડેજા વિરુધ્ધ 13 ગુના
મનોજ ઉર્ફે શિવો પોબારુ વિરુધ્ધ 5 ગુના
મોહસીન ઉર્ફે ચીનલો કુરેશી વિરુધ્ધ 7 ગુના
જય ઉર્ફે જયશન સાવલિયા વિરુધ્ધ 10 ગુના
મોહસીન ભાયા વિરુધ્ધ 6 ગુના
બકુલ ઉર્ફે જગદિશ નંદેસણીયા વિરુધ્ધ 5 ગુના
રાહુલ વકાતર વિરુધ્ધ 7 ગુના
નિર્મળ માણેક વિરુધ્ધ 9 ગુના

જેલમાં બંધ 6 આરોપીનો ગુનાહિત ઇતિહાસ
ફિરોઝ વિરુધ્ધ 20 વર્ષમાં 35 ગુના, 7 વખત પાસા
ધવલ સાવલિયા વિરુધ્ધ 28 ગુના
ઇમરાન ઉર્ફે બોબડો ઉર્ફે ખલી કાલવા વિરુધ્ધ 26 ગુના
પ્રશાંત ઉર્ફે પાસો પરમાર વિરુધ્ધ 13 ગુના
હર્ષદ ઉર્ફે મહાજન માંડલિયા વિરુધ્ધ 26 ગુના
યુસુફ ઉર્ફે ડાંગી હિંગોરા વિરુદ્ધ 18 ગુના

ફીરોઝ આણી ટોળકીએ લાખો-કરોડોની મિલ્કતો વસાવી
ફીરોઝ અને તેની ટોળકીએ દારૂ સહિતની ગુનાઇત પ્રવૃતિઓ દ્વારા લાખો-કરોડોની મિલ્કતો એકત્રિત કર્યાનું મનાય છે. હવે નિયમ મુજબ ક્રાઇમ બ્રાંચ આ તમામ મિલ્કતો અંગે તપાસ કરી તેને ટાંચમાં લેવાની કાર્યવાહી કરવામાં આવશે આ ગેંગ સાથે સંકળાયેલા અન્ય આરોપીઓ, ગેંગને આર્થિક મદદ કરનારાઓ અંગે તપાસ થશે.