વડાપ્રધાન નરેન્દ્ર મોદીનું ઑસ્ટ્રેલિયામાં ભવ્ય સ્વાગત: સિડનીના આકાશમાં અનોખી રીતે લખ્યું ‘વેલકમ મોદી’

વડાપ્રધાન નરેન્દ્ર મોદીનું ઑસ્ટ્રેલિયામાં ભવ્ય સ્વાગત કરવામાં આવ્યું છે. સિડની પહોંચેલા વડાપ્રધાનનું સ્વાગત આકાશમાં એરક્રાફ્ટ દ્વારા WELCOME MODI લખીને કરવામાં આવ્યું હતું. જુઓ.

વડાપ્રધાન નરેન્દ્ર મોદી હાલમાં ઑસ્ટ્રેલિયામાં છે. આજે તેમનો સિડનીમાં મોટો કાર્યક્રમ શિડ્યૂલ થયો છે. વડાપ્રધાનનું સિડનીમાં ધમાકેદાર સ્વાગત કરવામાં આવ્યું હતું જેમાં રિક્રિયેશ્નલ એરક્રાફ્ટની મદદથી વડાપ્રધાનનું સ્વાગત આકાશમાં WELCOME MODI લખીને કરવામાં આવ્યું. જુઓ વીડિયો.

#WATCH | ‘Welcome Modi’ spelt by a recreational aircraft’s contrails before the community event in Sydney, Australia. pic.twitter.com/d5KhGm6Nm8

— ANI (@ANI) May 23, 2023

સિડનીનાં સ્ટેડિયમમાં વડાપ્રધાન મોદીનું કાર્યક્રમ
વડાપ્રધાન નરેન્દ્ર મોદી સિડનીમાં કુડોસ બેંક એરિના સ્ટેડિયમમાં કાર્યકર્મ કરશે. જ્યાં તેઓ ભારતીય પ્રવાસીઓને સંબોધિત કરશે. આ દરમિયાન ઑસ્ટ્રેલિયન વડાપ્રધાન એંથની અલ્બાનીઝ પણ હાજર રહેશે. રિપોર્ટ અનુસાર 20 હજાર સીટવાળા આ સ્ટેડિયમની તમામ સીટો બુક થઈ ગઈ છે. આ કાર્યક્રમને ઓસ્ટ્રેલિયન ડાયસ્પોરા ફાઉન્ડેશન દ્વારા હોસ્ટ કરવામાં આવી રહ્યું છે.

વડાપ્રધાન નરેન્દ્ર મોદીએ આજે ઓસ્ટ્રેલિયાનાં મોટા ઉદ્યોગપતિઓ પોલ શ્રોડર, એન્ડ્ર્યૂ ફોરેસ્ટ, જીના રાઈનહાર્ટ સાથે મુલાકાત કરી હતી. આ સિવાય આજે ઓસ્ટ્રેલિયાનાં કેટલાક પ્રભાવશાળી લોકો સાથે પણ વડાપ્રધાન મોદી મુલાકાત કરશે.