આર્જેન્ટિનાના વિલા ગેસેલમાં 10 માળની હોટલ ડુબ્રોવનિક ધરાશાયી થઈ ગઈ. આ હોટલ ધરાશાયી થવાને કારણે અત્યાર સુધીમાં એક વ્યક્તિના મોતની માહિતી સામે આવી છે, જ્યારે કાટમાળ નીચે અનેક લોકો ફસાયા હોવાનું કહેવાય છે.
લોકોને બચાવવા ચાલી રહ્યું છે રેસ્ક્યુ ઓપરેશન
- Advertisement -
બ્યુનોસ આયર્સ પ્રાંતના સુરક્ષા મંત્રી જેવિયર એલોન્સોએ જણાવ્યું કે, મૃતક પડોશી ઇમારતનો 80 વર્ષીય વ્યક્તિ હોઈ શકે છે. એલોન્સોએ જણાવ્યું કે તેમના પાર્ટનરને બચાવી લેવામાં આવ્યા, પરંતુ તે સ્પષ્ટ નથી થયું કે દુર્ઘટના સમયે તેમનો પુત્ર હાજર હતો કે નહીં. ફાયર બ્રિગેડ,પેરામેડિક્સ અને પોલીસ સહિતની ઇમરજન્સી રિસ્પોન્સ ટીમો કાટમાળ નીચે દબાયેલા, બચી ગયેલા લોકોને બહાર કાઢવા માટે કાટમાળ હટાવવાનું કામ કરી રહી છે.
કાટમાળને કારણે આસપાસની મિલકતોને નોંધપાત્ર નુકસાન
એક અહેવાલમાં સત્તાવાર નિવેદનને ટાંકીને જણાવવામાં આવ્યું કે ગુમ થયેલા લોકોમાં બાંધકામ કામદારો સામેલ છે, જેઓ કથિત રીતે “મ્યુનિસિપલ નિયમોનું પાલન કર્યા વિના, ગુપ્ત રીતે” કામ કરી રહ્યા હતા. આસપાસની ઇમારતોને નોંધપાત્ર નુકસાન થયું છે, કાટમાળને કારણે આસપાસની મિલકતોને ઘણું નુકસાન થયું. ધરાશાયી ઇમારતના સામે આવેલા વીડિયો ફૂટેજમાં કાટમાળના ઢગલા અને સળિયાઓ જોવા મળ્યા.
- Advertisement -
આ હોટલમાં ચાલી રહ્યા હતા અનેક પ્રકારના રિનોવેશનના કામો
વર્ષ 1986માં ખુલેલી આ હોટલમાં વિવિધ પ્રકારના રિનોવેશનનું કામ ચાલી રહ્યું હતું. અધિકારીઓએ જણાવ્યું કે યોગ્ય પરવાનગીના અભાવને કારણે ઓગસ્ટમાં પહેલા પણ કામની જાણકારી મળી હતી અને કામ રોકી દેવામાં આવ્યું હતું. આર્જેન્ટિનાના સુરક્ષા મંત્રી પેટ્રિશિયા બુલરિચે સોશિયલ મીડિયા પ્લેટફોર્મ X પર જાહેરાત કરી કે ફેડરલ પોલીસની વિશેષ ટીમોને સ્થળ પર તૈનાત કરવામાં આવી રહી છે, જેમાં સ્ટ્રક્ચરલ એન્જિનિયર્સ અને કેનાઇન યુનિટનો સમાવેશ થાય છે.
