ગુજરાતની સ્થાનિક સ્વરાજ્યની ચૂંટણીનું પરિણામ જાહેર કરવાની શરૂઆત થઈ ગઈ છે. રાજ્યની 15 મહા નગરપાલિકા, 84 નગર પાલિકા, 34 જિલ્લા પંચાયત અને 260 તાલુકા પંચાયતની કુલ 26,196 બેઠકો પર ચૂંટણી પરિણામો જાહેર થઈ રહ્યા છે. 26 એપ્રિલે આ બેઠકો પર સરેરાશ 57 ટકા મતદાન થયું હતું.
15 મહા નગરપાલિકા ( કુલ બેઠક- 1044 )
- Advertisement -
નામ ભાજપ કોંગ્રેસ અન્ય કુલ
અમદાવાદ 54 0 0 192
સુરત 20 0 0 120
- Advertisement -
વડોદરા 22 0 0 76
રાજકોટ 22 4 0 72
જામનગર 8 6 0 64
ભાવનગર 28 0 0 52
નવસારી 18 0 0 52
વાપી 24 4 0 52
આણંદ 16 0 0 52
નડિયાદ 15 0 0 52
મહેસાણા 14 0 0 52
સુરેન્દ્રનગર 16 3 0 52
મોરબી 18 0 0 52
પોરબંદર 35 0 0 52
ગાંધીધામ 5 0 0 52
84 નગર પાલિકા ( કુલ બેઠક- 2624 )
કુલ ભાજપ કોંગ્રેસ અન્ય
84 908 139 39
34 જિલ્લા પંચાયત ( કુલ બેઠક- 1090 )
કુલ ભાજપ કોંગ્રેસ અન્ય
34 164 10
260 તાલુકા પંચાયત ( કુલ બેઠક- 5234 )
કુલ- 260
ભાજપ-698
કોંગ્રેસ- 134
અન્ય- 56
અમદાવાદના બાપુનગર વૉર્ડમાં પેનલ તૂટી
કોંગ્રેસના બે ઉમેદવારો જીતતા બાપુનગરમાં પેનલ તૂટી હતી.
સુરતમાં ભાજપ અને કોંગ્રેસના કાર્યકરો વચ્ચે બબાલ
સુરતના વોર્ડ નંબર 19ના મતદાન કેન્દ્રની બહાર ભાજપ અને કોંગ્રેસના કાર્યકરો વચ્ચે મારામારી થઈ હતી. કોંગ્રેસ નેતા અસલમ સાઈકલવાલાના પુત્રની હાર બાદ ભાજપના કાર્યકરોએ “પંચર.. પંચર..”ની બૂમો પાડી હતી, જેના કારણે મામલો ઉગ્ર બન્યો હતો અને બંને પક્ષના કાર્યકરો વચ્ચે બબાલ થઈ હતી.
ધોળકા નગરપાલિકામાં ભાજપનો કેસરીયો
અમદાવાદ જિલ્લાની ધોળકા નગરપાલિકાની ચૂંટણીના પરિણામોમાં ભારતીય જનતા પાર્ટીએ એકહથ્થુ શાસન સ્થાપિત કર્યું છે. 36 બેઠકો ધરાવતી આ નગરપાલિકામાં ભાજપે બહુમતીનો જાદુઈ આંકડો પાર કરી લીધો છે. ચૂંટણીની મતગણતરી શરૂ થાય તે પહેલા જ ભાજપે 11 બેઠકો પર બિનહરીફ વિજય મેળવી લીધો હતો. આજે મતગણતરી દરમિયાન વધુ 10 બેઠકો પર ભાજપના ઉમેદવારો વિજેતા જાહેર થતા, પક્ષે કુલ 21 બેઠકો સાથે સ્પષ્ટ બહુમતી મેળવી લીધી છે. હજુ પણ બાકીની બેઠકો માટે મતગણતરી ચાલુ છે, પરંતુ ભાજપે બહુમતી હાંસલ કરી લેતા કાર્યકરોમાં ભારે ઉત્સાહ જોવા મળી રહ્યો છે. ધોળકા નગરપાલિકા પર ફરી એકવાર ભાજપનો ભગવો લહેરાયો છે અને વિપક્ષી છાવણીમાં સન્નાટો વ્યાપી ગયો છે.
શહેરા નગરપાલિકાની 11 બેઠકોની ચૂંટણીમાં ભાજપના તમામ બેઠકોની જીત થઈ
પંચમહાલના શહેરામાં ભાજપે દબદબો બતાવતા તમામ 11 બેઠકો પર કબજો જમાવી લીધો હતો. કોંગ્રેસના હાથમાં એક પણ બેઠક આવી શકી નહોતી.
વડોદરામાં મતગણતરી મોડી શરૂ થતાં હોબાળો
વડોદરા મ્યુનિસિપલ કોર્પોરેશનની ચૂંટણી બાદ આજે હાથ ધરાયેલી મતગણતરીમાં વોર્ડ નંબર એકમાં ઈવીએમ દ્વારા મતગણતરી મોડી શરૂ થતા ઉમેદવારો અને એજન્ટોએ હોબાળો મચાવ્યો હતો. વોર્ડ નંબર એક, બે અને ત્રણની રૂમ નંબર 25મા મતગણતરી હાથ ધરવામાં આવી હતી. કુલ 78 બેલેટ પેપરની ગણતરી એક કલાક સુધી ચાલતા ઉમેદવારો અને એજન્ટોએ હોબાળો મચાવ્યો હતો. સવારે 10:05 વાગ્યે ઇવીએમ આવ્યા બાદ મત ગણતરી શરૂ થઈ હતી.
પૂર્વ ધારાસભ્ય ભૂપત ભાયાણીની હાર
આપમાંથી પક્ષપલટો કરીને આવેલા પૂર્વ ધારાસભ્ય ભુપત ભાયાણી પર હારી ગયા છે. ભેસાણ બેઠક પર તેમની 1500 વોટથી હાર થઇ.
ગુજરાતમાં સપાની એન્ટ્રી, ખેડાના કઠલાલ નપાના વૉર્ડ નંબર 4માં જીત
અખિલેશ યાદવની પાર્ટી સમાજવાદી પાર્ટી માટે એક સારા સમાચાર આવ્યા છે. ખેડાના કઠલાલ નગરપાલિકામાં વૉર્ડ નંબર 4માં તેમની પાર્ટીના ઉમેદવારે જીત મેળવી છે.
નગરપાલિકાઓમાં ભાજપનો દબદબો કાયમ
વાવ થરાદ નપામાં કેસરિયો, 9માંથી 7 બેઠક જીતી
મહેસાણા મનપાના વૉર્ડ 6 માં ભાજપની પેનલ જીતી
રાજકોટના વૉર્ડ 7 અને 10માં ભાજપની પેનલ જીતી
કડી નપાના વૉર્ડ 2 અને 5માં કોંગ્રેસના ઉમેદવારો જીત્યા
નવસારી મનપામાં ભાજપે સપાટો બોલાવ્યો, 50માંથી 14 પર જીત, વિપક્ષનું ખાતું હજુ નથી ખુલ્યું
સુરતમાં મતગણતરી કેન્દ્રની બહાર કોંગ્રેસ-ભાજપ કાર્યકરો બાખડ્યાં
શહેરા નગરપાલિકાની 11 બેઠકોની ચૂંટણીમાં ભાજપના તમામ બેઠકોની જીત થઈ
સુરતમાં ઉલટફેરની આશંકા
સુરતમાં કોંગ્રેસ વૉર્ડ નંબર 19 પર લીડમાં છે. અહીં તેના 3 ઉમેદવારો જીત તરફ આગળ વધી રહ્યા છે. જ્યારે એક બેઠક જ ભાજપને મળતી દેખાઈ રહી છે.
ગાંધીનગરની મોટી ભોયણી બેઠક પર કોંગ્રેસનો કબજો
ગાંધીનગરમાં મોટી ભોયણી બેઠક પર કોંગ્રેસના ઉમેદવાર મંજુલાબેન ઠાકોર જીત્યાં
AAPને ઝટકો મનોજ સોરઠિયા હાર્યા
સુરતમાં આપને મોટો ઝટકો લાગ્યો હતો. અહીં આપ ઉમેદવાર મનોજ સોરઠિયા હારી ગયા છે.
ભુજ નપામાં AIMIMની એન્ટ્રી
ભુજથી નપામાં AIMIM એન્ટ્રી થઇ છે. અહીં વૉર્ડ 1 માં AIMIMના 3 ઉમેદવારો જીતી ગયા છે. જ્યારે અન્ય 1 બેઠક પર કોંગ્રેસને જીત મળી છે.
ભાજપનો વિજયરથ આગળ વધ્યો, ઈટાલિયાના ગઢમાં આપ મજબૂત
બહુચરાજી નપાના વૉર્ડ 1 માં ભાજપની જીત
નવસારી મનપાના વૉર્ડ 9માં ભાજપનો વિજય
અમદાવાદ મનપાના જોધપુર વૉર્ડમાં ભાજપ વિજયી
ઈટાલિયાના ગઢ સમાન વિસાવદરમાં આપનો દબદબો
અમદાવાદના ગોતા વૉર્ડમાં ભાજપને લીડ
કલોલ નપામાં વૉર્ડ નંબર 1 અને 7માં ભાજપ વિજયી
ગોંડલ નપાના વૉર્ડ નંબર 2 માં ભાજપની જીત
ધારી નપાના વૉર્ડ 1 માં આપનો સપાટો. અહીં ભાજપ એક તો આપ ત્રણ બેઠક જીત્યું.
રાજકોટમાં વૉર્ડ 16માં કોંગ્રેસની પેનલ જીતી
રાજકોટ મનપાના ઈતિહાસમાં સૌથી મોટું જંગલેશ્વર ડિમોલિશન બાદ ભાજપને નુકસાન થયું છે. અહીં વૉર્ડ 16માં કોંગ્રેસની પેનલ જીતી ગઈ છે.
મનપા-નપામાં ભાજપનો દબદબો
આણંદમાં બોરસદ નપાના વૉર્ડ 4માં ભાજપની જીત
પાલનપુર નપાના વૉર્ડ 1 માં ભાજપની પેનલ જીતી
અંકલેશ્વર નપાના વૉર્ડ 1માં ભાજપની પેનલ જીતી
મહેસાણા નપાના વૉર્ડ 1 અને 6 માં ભાજપને લીડ
તારાપુર નપાના વોર્ડ 1માં ભાજપની પેનલ જીતી
લુણાવાડા નપાના વોર્ડ નંબર 5માં ભાજપની જીત
વલસાડ મનપાના વૉર્ડ નંબર 1,5,9 માં ભાજપની જીત
કેશોદ નપાના વૉર્ડ 1માં ભાજપની જીત
સુરતમાં મનપાના વૉર્ડ 14માં બે બેઠક પર આપ આગળ
પોરબંદરમાં મનપાના વૉર્ડ નંબર 9માં ભાજપની જીત
વડોદરા મનપાના વૉર્ડ 6માં કોંગ્રેસની પેનલને લીડ
છોટા ઉદેપુરમાં શહેરા નપાના વૉર્ડ 2 માં ભાજપની જીત
દાંતામાં કોંગ્રેસના કાર્યકરો અને પોલીસ વચ્ચે ઘર્ષણ
દાંતામાં મણગતરી કેન્દ્ર પર કોંગ્રેસના કાર્યકરો અને પોલીસ વચ્ચે ઝપાઝપી જેવી સ્થિતિ સર્જાઈ હતી. સરકાર સામે શંકા અને વ્યવસ્થા સામે કોંગ્રેસના કાર્યકરોએ વિરોધ નોંધાવ્યો હતો.
ઉમરગામ નપાના વૉર્ડ નંબર 1 માં ભાજપની પેનલ જીતી
ઉમરગામ નગરપાલિકામાં વૉર્ડ નંબર 1માં ભાજપની પેનલનો વિજય થયો છે.
રાજકોટમાં કટ્ટર હરીફાઈ
રાજકોટમાં વૉર્ડ નંબર 16 માં કોંગ્રેસ તો વૉર્ડ નંબર 7માં ભાજપ બેલેટ પેપરની મતગણતરીમાં આગળ હોવાની જાણકારી સામે આવી છે.
વાપી મનપામાં વૉર્ડ નંબર 9માં ભાજપની પેનલ જીતી
વાપીથી ભાજપ માટે ગુડ ન્યૂઝ આવ્યા છે. અહીં ભાજપની વૉર્ડ નંબર 9ની પેનલ જીતી ગઈ છે. જેમાં ભૂપેન્દ્રભાઇ, મિતલબેન, વિપુલચંદ્ર અને મિતેષ નામના ઉમેદવારો જીત્યા છે.
વડોદરામાં ભાજપનું ખાતું ખુલ્યું
વડોદરાના સાવલી નગરપાલિકામાં વોર્ડ નંબર 1 માં ભાજપની પેનલનો વિજય થયો.
રાજકોટથી કોંગ્રેસ માટે ગુડ ન્યૂઝ
રાજકોટ મનપાના વોર્ડ નંબર 16માં કોંગ્રેસના ચારેય ઉમેદવાર આગળ
આમોદ નપાના વૉર્ડ 1માં કોંગ્રેસ વિજયી
આમોદ નગરપાલિકાના વૉર્ડ નંબર 1 માં કોંગ્રેસના ચારેય ઉમેદવારો જીત્યા.
ગુજરાત કોલેજ પર વિવાદ, ભાજપના કાર્યકરો બગડ્યાં
અમદાવાદમાં ગુજરાત કોલેજના મતગણતરી કેન્દ્ર પર વિવાદ થયો છે. ત્યાં કોંગ્રેસના કાર્યકરો ખેસ પહેરીને આવતા ભાજપના કાર્યકરોએ હોબાળો મચાવ્યો હતો. તેમણે પોલીસ સામે પક્ષપાત કરવાનો આરોપ પણ મૂક્યો હતો.
નગરપાલિકાઓમાં શું છે સ્થિતિ?
મતગણતરી શરૂ, થોડીવારમાં વલણો થશે જાહેર
મતગણતરી શરૂ થઇ ચૂકી છે. સૌથી પહેલા પોસ્ટલ બેલેટની ગણતરી કરવામાં આવી રહી છે. આંકડાઓ ટૂંક સમયમાં જાહેર થશે.
મતગણતરી શરૂ થતાં જ સૌથી પહેલા પોસ્ટલ બેલેટ ગણાશે
સ્થાનિક સ્વરાજની ચૂંટણીના પરિણામો આવવાનું શરૂ થઈ ગયું છે. સૌથી પહેલા પોસ્ટલ બેલેટની મતગણતરી શરૂ કરવામાં આવશે. 9 વાગ્યાથી ગણતરી શરૂ થશે.
ગુજરાતમાં ભાજપનો વિજય નક્કી, નેતૃત્વ વિહોણી કોંગ્રેસની બેઠકો વધશે
ભાજપે 700થી વધુ બેઠકોનો તો મતદાન પહેલાં જ બિનહરિફ જીતી લીધી હતી. આજે ચુંટણી પરિણામ આવી રહ્યા છે ત્યારે લોકોને અત્યારથી રાજકીય આકલન શરૂ કરી દીધું છે. એક તરફ ભાજપ અબ કી બાર બધી જ પારના નારા સાથે મેદાને છે તો બીજી તરફ વિપક્ષ અસ્તિત્વની લડાઈ લડી રહ્યો છે. જોકે સત્તા અને પૈસાના જોરે ભાજપ વિપક્ષને ખરીદવામાં માહેર હોવાથી કોંગ્રેસ અને આપ માટે ગુજરાતમાં સત્તામાં આવવું મુશ્કેલ દેખાય છે.
બુકીઓના મતે ચાર મહાનગરોમાં ફરી ભગવો
જો બુકી બજારનું માનીએ તો આજે અમદાવાદ, સુરત, વડોદરા અને રાજકોટ મહાનગરપાલિકામાં ફરીથી ભગવો જ લહેરાવા જઈ રહ્યો છે. જોકે એક વાત એ છે કે આ ચારેય મનપામાં ભાજપ જીતશે તો ખરું પણ તેની બેઠકોમાં નક્કીપણે ઘટાડો થવાનો છે. એટલે કે અમદાવાદ, વડોદરા, સુરત અને રાજકોટ જેવા મહાનગરોમાં વિપક્ષનું જોર વધશે.
ભાજપ સામે ગઢમાં સત્તા જાળવવાનો પડકાર
ઉલ્લેખનીય છે કે આ વખતે ભાજપનો ઠેર ઠેર વિરોધ કરવામાં આવ્યો હતો. અનેક સોસાયટીના રહીશોએ પ્રચાર કરવા આવેલા ભાજપના ઉમેદવારો અને સમર્થકોને કાઢી મૂક્યા હતા અને તેમની સાથે ઝપાઝપી પણ કરી હતી. ભાજપ અહીં દાયકાઓથી સત્તામાં છે. ત્યારે આ વખતે એન્ટી ઈન્કમબન્સી ભાજપને નડી શકે છે. જે આપ અને કોંગ્રેસ જેવા પક્ષો માટે એક ચાન્સ બની રહેશે કે તેઓ ભાજપના સૌથી મજબૂત ગઢમાં ગાબડું પાડી શકે.
ગુજરાતની કુલ 17 મહા નગર પાલિકા
અમદાવાદ
સુરત
વડોદરા
રાજકોટ
જામનગર
ભાવનગર
નવસારી
વાપી
કરમસદ-આણંદ
નડિયાદ
મહેસાણા
સુરેન્દ્રનગર
મોરબી
પોરબંદર
ગાંધીધામ
નોંધ: ગાંધીનગર અને જૂનાગઢમાં મહા નગર પાલિકાની ટર્મ ચાલુ હોવાથી ત્યાં ચૂંટણી નહીં યોજાય.
