રોહિત-રિકેલ્ટને શાનદાર ફિફ્ટી ફટકારી
ખાસ-ખબર ન્યૂઝ નવી દિલ્હી
- Advertisement -
રોહિત શર્મા અને રાયન રિકેલ્ટન વચ્ચે શાનદાર ભાગીદારીની મદદથી મુંબઈ ઈન્ડિયન્સે લખનૌ સુપરજાયન્ટ્સને છ વિકેટથી હરાવ્યું. લખનૌએ શાનદાર બેટિંગ કરી અને 20 ઓવરમાં પાંચ વિકેટે 228 રન બનાવ્યા. જવાબમાં, મુંબઈ માટે રોહિત અને રિકેલ્ટને અડધી સદી ફટકારી, જેના કારણે ટીમે 18.4 ઓવરમાં ચાર વિકેટે 229 રન બનાવીને મેચ જીતી લીધી. ઈંઙકમાં મુંબઈ ઈન્ડિયન્સનો આ સૌથી મોટો રન ચેઝ છે. આ સિઝનની શરૂઆતમાં, મુંબઈએ કોલકાતા નાઈટ રાઈડર્સ સામે 221 રનનો લક્ષ્યાંક હાંસલ કર્યો હતો. મુંબઈ સતત ત્રણ હાર બાદ જીત્યું, પરંતુ પોઈન્ટ ટેબલમાં નવમા સ્થાને છે. મુંબઈના 10 મેચમાં ત્રણ જીત અને સાત હાર સાથે છ પોઈન્ટ છે. દરમિયાન, લખનૌ સુપર જાયન્ટ્સ નવ મેચમાં બે જીત અને સાત હાર સાથે ચાર પોઈન્ટ સાથે 10મા સ્થાને છે.
લક્ષ્યનો પીછો કરતા, રોહિત અને રિકેલ્ટને મજબૂત શરૂઆત આપી. આ મેચમાં રોહિત, જે ઇમ્પેક્ટ પ્લેયર તરીકે રમી રહ્યો હતો, તે સારા ફોર્મમાં હતો. મુંબઈ માટે, રોહિતે 44 બોલમાં 84 રન બનાવ્યા, જેમાં છ ચોગ્ગા અને સાત છગ્ગાનો સમાવેશ થાય છે, જ્યારે રિકેલ્ટન 32 બોલમાં 83 રન બનાવીને આઉટ થયો, જેમાં છ ચોગ્ગા અને આઠ છગ્ગાનો સમાવેશ થાય છે.
રિકેલ્ટન અને રોહિતે 143 રનની ઓપનિંગ ભાગીદારી કરી. જોકે, રોહિત અને રિકેલ્ટન સિવાય અન્ય કોઈ બેટ્સમેન નોંધપાત્ર ઇનિંગ રમી શક્યો નહીં. સૂર્યકુમાર યાદવે 12 અને તિલક વર્માએ 11 રન બનાવ્યા. નમન ધીર 23 રન બનાવીને અણનમ રહ્યા, અને વિલ જેક્સ 10 રન બનાવીને અણનમ રહ્યા. લખનૌ માટે મણિમારન સિદ્ધાર્થે બે વિકેટ લીધી, જ્યારે મોહમ્મદ શમી અને મોહસીન ખાને એક-એક વિકેટ લીધી. અગાઉ, મુંબઈએ ટોસ જીતીને પ્રથમ બોલિંગ કરવાનો નિર્ણય લીધો. આ મેચમાં લખનૌની બેટિંગ શાનદાર રહી. લખનૌએ ત્રીજી ઓવરમાં જોશ ઇંગ્લિસ (13) ની વિકેટ ગુમાવી દીધી. ત્યારબાદ મિશેલ માર્શ અને નિકોલસ પૂરને શાનદાર બેટિંગ કરી. પૂરને માત્ર અડધી સદી જ નહીં પરંતુ ઓપનર મિશેલ માર્શ સાથે બીજી વિકેટ માટે 94 રન પણ ઉમેર્યા, જેનાથી સુપર જાયન્ટ્સ માટે મજબૂત પાયો પડ્યો. પૂરને ચાહરના બોલ પર ફાઈન લેગ પર છગ્ગો મારીને માત્ર 16 બોલમાં પોતાની અડધી સદી પૂરી કરી. જોકે, પૂરન પછી બોશના બોલ પર વિકેટકીપર રાયન રિકેલ્ટનના હાથે કેચ આઉટ થયો. કોર્બિન બોશે તે જ ઓવરમાં માર્શને નમનના હાથે કેચ આઉટ કરાવીને સુપર જાયન્ટ્સને બેવડો ફટકો આપ્યો. નિકોલસ પૂરને 21 બોલમાં સૌથી વધુ 63 રન બનાવ્યા, જેમાં એક ચોગ્ગો અને આઠ છગ્ગો ફટકાર્યો. આ દરમિયાન મિશેલ માર્શે 25 બોલમાં 44 રન બનાવ્યા, જેમાં ચાર ચોગ્ગા અને ત્રણ છગ્ગા ફટકાર્યા.
