IPL 2026 પ્લેઓફનું ચિત્ર સ્પષ્ટ: ચાર ટીમો વચ્ચે અનોખો સંયોગ, દરેક પાસે છે માત્ર એક-એક ટ્રોફી

RCB, ગુજરાત ટાઇટન્સ, હૈદરાબાદ અને રાજસ્થાન વચ્ચે ખિતાબી જંગ: નવા સુકાનીઓ પર રહેશે નજર

ખાસ-ખબર ન્યૂઝ નવી દિલ્હી

આઈપીએલ 2026ની પ્લેઓફની રેસ હવે રોમાંચક વળાંક પર પહોંચી ગઈ છે. આ સિઝનમાં અંતિમ ચાર ટીમોનું ચિત્ર સ્પષ્ટ થઈ ચૂક્યું છે. રોયલ ચેલેન્જર્સ બેંગ્લોર (છઈઇ), ગુજરાત ટાઇટન્સ (ૠઝ), સનરાઇઝર્સ હૈદરાબાદ (જછઇં) અને રાજસ્થાન રોયલ્સ (છછ) પ્લેઓફમાં સ્થાન મેળવવામાં સફળ રહી છે. રસપ્રદ વાત એ છે કે, આ ચારેય ટીમોના ઈતિહાસમાં એક અનોખો સંયોગ જોવા મળી રહ્યો છે- આ ચારેય ટીમો અત્યાર સુધી માત્ર એક-એક વાર જ આઈપીએલ ટ્રોફી જીતી શકી છે. હવે આ ચારમાંથી કઈ ટીમ પોતાના બીજા ખિતાબ પર કબજો કરશે તેના પર આખી દુનિયાની નજર છે. અહીં નોંધવું જરૂરી છે કે, હૈદરાબાદની અગાઉની ફ્રેન્ચાઇઝી ડેક્કન ચાર્જર્સ નાણાકીય અનિયમિતતાઓને કારણે 2013માં વિસર્જન પામી હતી. જ્યારે વર્તમાન સનરાઇઝર્સ હૈદરાબાદ મારન પરિવારની માલિકીની નવી ફ્રેન્ચાઇઝી છે, આથી રેકોર્ડ બુકમાં ડેક્કન અને સનરાઇઝર્સના આંકડા અલગથી ગણવામાં આવે છે. આ તમામ ટીમો નવા કેપ્ટનો સાથે મેદાને ઉતરી રહી છે, જેમાં માત્ર આરસીબીના રજત પાટીદાર જ એવા કેપ્ટન છે જેઓ અગાઉના વિજેતા સુકાનીઓ (હાર્દિક પંડ્યા, ડેવિડ વોર્નર અને શેન વોર્ન) બાદ પોતાની ટીમને સતત બીજી વાર ચેમ્પિયન બનાવવાના ઈરાદા સાથે આગળ વધી રહ્યા છે.

ચારેય દાવેદારોનું મજબૂત પાસું અને નબળાઈ

રોયલ ચેલેન્જર્સ બેંગ્લોર (છઈઇ): ગયા વર્ષે 2025માં જ પોતાનું પ્રથમ ટાઇટલ જીતનારી આરસીબીની ટીમ આ સિઝનમાં પણ સૌથી સંતુલિત અને મજબૂત દાવેદાર છે. વિરાટ કોહલી શાનદાર ફોર્મમાં છે. ફિલ સોલ્ટ, કેપ્ટન રજત પાટીદાર, વેંકટેશ ઐયર અને દેવદત્ત પડિકલે કટોકટીની પળોમાં અસાધારણ બેટિંગ કરી છે. ફિનિશર તરીકે ટિમ ડેવિડ અને કૃણાલ પંડ્યા એક્સ-ફેક્ટર છે. બોલિંગમાં જોશ હેઝલવુડ અને ભુવનેશ્વર કુમારની જોડી કમાલ કરી રહી છે. જોકે, નોકઆઉટના અતિશય દબાણમાં અગાઉની સિઝનની જેમ કોઈ મોટી ભૂલ ન થાય તે જોવાનું રહેશે.
સનરાઇઝર્સ હૈદરાબાદ (જછઇં): 2016ની ચેમ્પિયન હૈદરાબાદ આ સિઝનની સૌથી ખતરનાક અને વિસ્ફોટક ટીમ સાબિત થઈ છે. પ્લેઓફમાં પહોંચતા પહેલા જ તેમણે આરસીબીને હરાવીને પોતાના ઈરાદા સ્પષ્ટ કરી દીધા છે. અભિષેક શર્મા, ઇશાન કિશન અને હેનરિક ક્લાસેનની ત્રિપુટી કોઈપણ બોલિંગ આક્રમણને ધ્વસ્ત કરવા સક્ષમ છે. બોલિંગમાં યુવા સન્સેશન શાકિબ હુસૈન અને ઇશાન મલિંગાએ અદભુત પ્રદર્શન કર્યું છે, જ્યારે કેપ્ટન પેટ કમિન્સે ઈજામાંથી વાપસી કરીને ટીમને મજબૂતી આપી છે.
ગુજરાત ટાઇટન્સ (ૠઝ): 2022માં પોતાની ડેબ્યૂ સિઝનમાં જ ચેમ્પિયન બનનારી ગુજરાતની ટીમ આ વર્ષે પણ પોતાના દમદાર સાતત્ય (ઈજ્ઞક્ષતશતયિંક્ષભુ)ને કારણે પ્લેઓફમાં પહોંચી છે. સાઈ સુદર્શન અને કેપ્ટન શુભમન ગિલની ઓપનિંગ જોડીએ ટીમને અદભુત શરૂઆત અપાવી છે, જ્યારે જોસ બટલરે પણ ઘણી મેચવિનિંગ ઇનિંગ્સ રમી છે. બોલિંગમાં કાગીસો રબાડા અને મોહમ્મદ સિરાજની પેસ બેટરી તેમજ રશીદ ખાન વિરોધીઓ માટે મુશ્કેલી ઉભી કરી રહ્યા છે. હૈદરાબાદની જેમ ગુજરાતના મિડલ ઓર્ડરની આ સિઝનમાં પૂરી કસોટી થઈ નથી, જે ચિંતાનો વિષય બની શકે છે.
રાજસ્થાન રોયલ્સ (છછ): આઈપીએલના ઈતિહાસની સૌપ્રથમ (2008) વિજેતા રાજસ્થાન રોયલ્સે ગત નબળી સિઝન બાદ આ વર્ષે પ્લેઓફમાં સ્થાન મેળવીને જોરદાર વાપસી કરી છે. યશસ્વી જયસ્વાલે ટીમને મજબૂત શરૂઆત અપાવી છે અને કેપ્ટન તરીકે રિયાન પરાગનો આત્મવિશ્વાસ વધ્યો છે. ધ્રુવ જુરેલ અને નાંદ્રે બર્ગરે અગત્યનું યોગદાન આપ્યું છે, જ્યારે સ્ટાર બોલર જોફ્રા આર્ચર યોગ્ય સમયે ફોર્મમાં પરત ફર્યા છે. જોકે, સમગ્ર સિઝન દરમિયાન આ ટીમમાં સુસંગતતાનો ભારે અભાવ જોવા મળ્યો છે.

‘T20માં પહેલી બેવડી સદી ફટકારીશ’ ભારતના વૈભવ સૂર્યવંશીએ કર્યો મોટો દાવો’

15 વર્ષના યુવા બેટ્સમેનની જાહેરાતથી બોલરોમાં ફફડાટ; ક્રિસ ગેલનો 175 રનનો વર્લ્ડ રેકોર્ડ તોડવાનો લક્ષ્યાંક

ભારતના 15 વર્ષના વિસ્ફોટક બેટ્સમેન વૈભવ સૂર્યવંશીએ ઝ20 ક્રિકેટમાં ઇતિહાસની પહેલી બેવડી સદી (200 રન) ફટકારવાનો દાવો કરીને ક્રિકેટ જગતમાં સળવળાટ મચાવ્યો છે. ઇંગ્લેન્ડના પૂર્વ ક્રિકેટર કેવિન પીટરસનના યુટ્યુબ શો ’ધ સ્વિચ’માં વૈભવે આ આત્મવિશ્વાસભરી જાહેરાત કરી હતી. ઝ20 ક્રિકેટમાં સર્વોચ્ચ વ્યક્તિગત સ્કોરનો વર્લ્ડ રેકોર્ડ ક્રિસ ગેલ (175 રન) ના નામે છે, જેને 13 વર્ષથી કોઈ તોડી શક્યું નથી. પીટરસને જ્યારે ગેલના રેકોર્ડની યાદ અપાવી ત્યારે વૈભવે જણાવ્યું કે, ‘હું ક્રિસ ગેલનો રેકોર્ડ તોડીને પહેલી બેવડી સદી બનાવવા માંગુ છું. જો હું મેચમાં પૂરેપૂરી 20 ઓવર રમી જઈશ, તો આ રેકોર્ડ ચોક્કસપણે તોડી નાખીશ.’ આ નિવેદનથી વિરોધી બોલરોમાં ફફડાટ ફેલાયો છે.