ખાસ-ખબર સંવાદદાતા
જૂનાગઢની કલેકટર કચેરી સ્થિત એમ.સી.એમ.સી સેન્ટર અને માહિતી કચેરી ખાતે કાર્યરત વહીવટી કાર્યાલયની મુલાકાત લઇ માર્ગદર્શન આપતા ચૂંટણી ખર્ચ ઓબ્ઝર્વર પીયૂષ ભારદ્વાજ દ્વારા 87-વિસાવદર અને 89-માંગરોળ વિધાનસભા બેઠકના ખર્ચ ઓબ્ઝર્વર પીયૂષ ભારદ્વાજે મીડિયા સર્ટીફિકેશન એન્ડ મોનીટરીંગ કમિટીના વિવિધ ઘટકની મુલાકાત કરી જાત નિરીક્ષણ કર્યું હતું. જૂનાગઢ કલેક્ટર કચેરી ખાતે કાર્યરત ઇલેકટ્રોનીક મીડિયા મોનીટરીંગ કક્ષની મુલાકાત કરી હતી. તેમણે અહીંયા ઇલેક્ટ્રોનીક મીડિયા એટલે કે, વિવિધ ન્યૂઝ ચેનલ પર મોનીટર કરતા કર્મચારીઓ પાસેથી ચૂંટણી સંબંધિ પ્રસારીત થતા ન્યૂઝ અંગે પરામર્શ કર્યો હતો. ઉપરાંત તેમણે મીડિયા મોનીટરીંગ સંબંધિત રીપોર્ટ તપાસ્યા હતા.
સાથે જ તેમણે જરૂરી માર્ગદર્શન આપ્યું હતું. ત્યારબાદ પીયૂષ ભારદ્વાજે જિલ્લા માહિતી કચેરી જૂનાગઢની મુલાકાત કરી, પ્રિન્ટ મીડિયામાં પ્રચારીત થતા ચૂંટણી સંબંધિત અહેવાલો અને જાહેરખબરની કામગીરીની સમીક્ષા કરી હતી.
