રિઝર્વ બેંકે તૈયાર કરી વળતરની ફોર્મ્યુલા: 50,000 સુધીની ડિજિટલ છેતરપિંડી પર મળશે વળતર: 1 જુલાઈથી અમલ: પાંચ દિવસમાં કરવી પડશે ફરિયાદ: નિયમ બધી બેંકોને લાગુ પડશે: પીન-પાસવર્ડ-ઓટીપી આપવા-બેંકને જાણ ન કરવી એ ગ્રાહકની લાપરવાહી ગણાશે: ફરિયાદ 1930 હેલ્પલાઈન કે પોર્ટલ પર કરી શકાશે
ખાસ-ખબર ન્યૂઝ નવી દિલ્હી
- Advertisement -
આજના યુગમાં, જ્યારે આપણે નાની કે મોટી દરેક ખરીદી માટે ડિજિટલ પેમેન્ટનો ઉપયોગ કરીએ છીએ, ત્યારે આપણા મનમાં એક સતત ડર રહે છે. તે ડર એ છે કે કોઈ વ્યવહાર ખોટો થઈ શકે છે અથવા છેતરપિડી થઈ શકે છે.અત્યાર સુધી, ગ્રાહકોને આવી પરિસ્થિતિઓમાં આમતેમ દોડવું પડતું હતું, પરંતુ હવે ભારતીય રિઝર્વ બેંક (છઇઈં) એ એક નવો ડ્રાફટ રજૂ કર્યો છે જે સામાન્ય માણસ માટે વરદાનથી ઓછો નથી. હવે, જો તમે ડિજિટલ છેતરપિંડીનો ભોગ બનો છો, તો તમારે ચિતા કરવાની જરૂર નથી, કારણ કે બેંકો તમારી સુરક્ષા માટે વધુ જવાબદાર રહેશે.રિઝર્વ બેંક ઓફ ઈન્ડિયા (છઇઈં) એ નાના મૂલ્યના ડિજિટલ બેંકિગ છેતરપિડીથી પ્રભાવિત ગ્રાહકોને રાહત આપવા માટે એક નવું માળખું પ્રસ્તાવિત કર્યું છે. આ દરખાસ્ત હેઠળ, રૂ.50,000 સુધીના ઓનલાઈન બેંકિગ છેતરપિડીનો ભોગ બનનાર વ્યકિતઓને 85% સુધીનું વળતર મળી શકે છે, જેની મહત્તમ મર્યાદા રૂ.25,000 છે. છઇઈં અનુસાર, આ વળતર વ્યકિતના જીવનમાં ફકત એક જ વાર મળશે. ગ્રાહકોએ છેતરપિડીના પાંચ દિવસની અંદર ફરિયાદ નોંધાવવી આવશ્ર્યક છે.
રિઝર્વ બેંક ઓફ ઈન્ડિયા (છઇઈં) એ શુક્રવારે એક મહત્વપૂર્ણ ડ્રાફટ જારી કર્યો છે, જેમાં ઓનલાઈન છેતરપિડીનો ભોગ બનનારા બેંક ગ્રાહકોને રાહત આપવામાં આવી છે. આ અંતર્ગત, ગ્રાહકો હવે સાયબર છેતરપિડી માટે રૂ.50,000 સુધીનું વળતર મેળવી શકશે. જો છેતરપિડીનું નુકસાન રૂ.50,000 સુધીનું હોય, તો ગ્રાહકને 85% સુધીનું વળતર મળશે, જેની મહત્તમ મર્યાદા રૂ 25,000 છે. આ નિયમો 1 જુલાઈ, 2026 થી તમામ વાણિજ્યિક, પ્રાદેશિક ગ્રામીણ અને નાની ફાઇનાન્સ બેંકો પર લાગુ થશે.
ઓનલાઈન છેતરપિડીના ભોગ બનેલા લોકોને વળતર આપવામાં આવશે. જો છેતરપિડીને કારણે થયેલ નુકસાન રૂ.50,000 સુધીનું હોય, તો ગ્રાહકને 85% સુધીનું વળતર મળશે. આ મહત્તમ રૂ.25,000 સુધીનું હશે, મહત્તમ રૂ.25,000 સુધીનું હશે, અને જો ફરિયાદ પાંચ દિવસની અંદર દાખલ કરવામાં આવે તો જ. વધુમાં, છેતરપિડીની જાણ સાયબર ક્રાઈમ પોર્ટલ અથવા 1930 હેલ્પલાઈન પર કરવી આવશ્ર્યક છે. ઓનલાઈન વ્યવહારોમાં ડેબિટ અને ક્રેડિટ કાર્ડ, ઈન્ટરનેટ બેંકિગ, મોબાઈલ બેંકિગ અને અઝખનો સમાવેશ થાય છે. ગ્રાહકોને આ સુવિધા ફકત એક જ વાર મળશે.
જો છેતરપિંડીની ખોટ રૂ.29,412 થી ઓછી હોય, તો વળતર 85% સુધીનું હશે. આ ખર્ચનો 65% રિઝર્વ બેંક, 10% ગ્રાહકની બેંક અને 10% લાભાર્થી બેંક ભોગવશે. જો નુકસાન રૂ.29,412થી ઓછું અથવા મહત્તમ રૂ.50,000 થી વધુ હોય, તો વળતર રૂ.25,000 સુધીનું હોઈ શકે છે.
ભારતીય રિઝર્વ બેંક (છઇઈં) એ શુક્રવારે અનધિકૃત ઇલેકટ્રોનિક બેંકિગ વ્યવહારો માટે ગ્રાહકની જવાબદારી મર્યાદિત કરતી માર્ગદર્શિકાનો ડ્રાફટ બહાર પાડ્યો. આ નિયમો 1 જુલાઈથી અમલમાં આવશે. આ માર્ગદર્શિકા વાણિજ્યિક બેંકો, નાની નાણાકીય બેંકો અને પ્રાદેશિક ગ્રામીણ બેંકોને પણ લાગુ પડશે.
બેંકોએ ફરિયાદો પર કાર્યવાહી કરવી આવશ્યક
ગ્રાહકને ફરિયાદ મળ્યા પછી તાત્કાલિક ફરિયાદ નંબર અને સમય મોકલવામાં આવશે. બેંકને વધુ અનધિકૃત વ્યવહારો અટકાવવા માટે પગલાં લેવાની જરૂર રહેશે. બેંક છેતરપિડીમાં ગ્રાહકની ભૂલ સાબિત કરવા માટે જવાબદાર રહેશે. જો બેંક અથવા તૃતીય પક્ષ બેદરકારી દાખવે છે અને ગ્રાહક 5 દિવસની અંદર રિપોર્ટ કરે છે, તો ગ્રાહક જવાબદાર રહેશે નહીં.
