6 થી 12 ડિસેમ્બર સુધીનું રાશિફળ

સપ્તાહ દરમિયાન ગોચર ગ્રહોની સ્થિતિ:

સૂર્ય વૃશ્ર્ચિક રાશિમાં, મંગળ વૃશ્ચિક રાશિમાં, બુધ વૃશ્ર્ચિક / ધનુ રાશિમાં, ગુરુ કુંભ રાશિમાં, શુક્ર ધનુ/ મકર રાશિમાં, શનિ મકર રાશિમાં , રાહુ વૃષભ રાશિમાં અને ચંદ્ર ધનુથી મીન રાશિ સુધી પરિભ્રમણ કરે છે. ઉપરોક્ત ગ્રહોના પરિભ્રમણનો સાપ્તાહિક રાશિભવિષ્યમાં સમાવેશ કરવામાં આવ્યો છે.

મેષ (અ, લ, ઇ)
વ્યવહાર કુશળતાથી ધારેલું પરિણામ મેળવાય સાથે કાર્યક્ષેત્રમાં સંવાદિતા જણાય, આનંદ તથા મનોરંજનમાં દિવસો પસાર થતાં જણાય. સ્નેહીજનો સાથે યાત્રા કે પ્રવાસ સંભવ બને મિત્રો સાથે ગેરસમજ ના થાય તેની તકેદારી રાખવી, મનનાં મનોરથો સફળ થતા જણાય. મુશ્કેલીના સંજોગોમાંથી બહાર નીકળી શકશો. સાથે ગૃહજીવનની પરિસ્થિતિ મધુર જણાય, ધાર્મિક અને સામાજિક પ્રસંગોનું આયોજન સંભવ બને.સોમવારે શેરબજારમાં રોકાણ ફાયદો કરે. બુધવારે તબિયત સાચવવી. ગુરુવારે શાંતિથી કામ કરવું.

વૃષભ (બ,વ,ઉ)
આ સપ્તાહ દરમિયાન તમારી અગત્યની યોજનાઓનો અમલ થતો જણાય તથા કાર્યક્ષેત્રમાં પદોન્નતિની શક્યતા, માનસિક ચિંતા હળવી બની શકે. નોકરીમાં, કોઈ પ્રશ્નના લીધે ચિંતા થાય. ધંધામાં આર્થિક સમસ્યાનો હલ જોવા મળે, સામાજિક પ્રશ્નોનું નિરાકરણ સંભવ. નવા આયોજન પર કાર્ય આગળ વધે તથા પારિવારિક સમય આનંદમય રીતે પસાર થાય, આવકની ચિંતા જણાય. મંગળવારે કૌટુંબિક સંબંધો કામ આવે. ગુરુવારે આર્થિક રોકાણ સમજીને કરવું. શુક્રવારે સિનિયર સિટીઝન માટે તબિયત સાચવવી.

મિથુન (ક, છ, ઘ)
પારિવારિક પ્રશ્ર્નોમાં જીવ મોટો રાખવો. તમારા કાર્યક્ષેત્રમાં પ્રગતિ જણાય છે. નાણાકીય ભીડ દૂર થાય. ભાગ્યનો સાથ મળે પરંતુ ધીરજનાં ફળ મીઠાં એ ધ્યાનમાં રાખીને આગળ વધવું હિતાવહ છે. વેપાર ધંધામાં પ્રગતિ જણાય. પારિવારિક ટેકાના કારણે, મહત્ત્વના કાર્યમાં પ્રગતિ જણાય, નાણાકીય પ્રશ્નો ઉકેલાય, પ્રવાસનું મધુર ફળ ચાખવા મળે. શનિવારે શાંતિ રાખવી જોઈએ. રવિવાર આનંદમાં પસાર થાય. મંગળવારે બાળકોને લગતા પ્રશ્ર્નો અંગે ચર્ચા વિચારણા થાય.

કર્ક (ડ, હ)
પરિસ્થિતિના કારણે સામાન્ય બેચેની જણાય પરંતુ, ધંધામાં નવા કરાર સંભવ, જૂના રોકાણથી ફાયદો જણાય. નોકરીમાં પ્રતિસ્પર્ધાથી દૂર રહેવું હિતાવહ છે. લાંબી મુસાફરી ટાળવી, આર્થિક પ્રશ્નોનું સમાધાન જણાય. પારિવારિક ગંભીર પ્રશ્નોમાં હાશ અનુભવાય. પરંતુ આર્થિકક્ષેત્રે વિચારીને પગલું ભરવું, દિવસો ધીરજાથી પસાર કરવા હિતાવહ છે. રવિવારે સમય આનંદમય પસાર થાય. મંગળવારે વાહન સંભાળીને ચલાવવું. ગુરુવારે આર્થિક વિકાસ માટે સમજુતી થાય.

સિંહ (મ, ટ)
તમારા કાર્યો આગળ વધે, પરંતુ સામાજિક વિવાદથી અંતર જાળવવું હિતાવહ રહે, આર્થિક વ્યય અને બિનજરૂરી ખર્ચ ટાળવો હિતાવહ રહે. તમારી સમસ્યાઓનો ઉકેલ આવતો જણાય. નોકરીના કાર્યક્ષેત્રમાં અધિકારીઓ આપના પર મહેરબાન રહેશે, પરીવાર માટે નવા નિર્ણયો લઈ શકાય. મહત્ત્વના નિર્ણયમાં ઉતાવળ ન કરવી. તમારી આર્થિક મહત્ત્વાકાંક્ષા સફળ થતી જણાય, ધંધાના કાર્યક્ષેત્રમાં પણ સંવાદિતા જણાય છે. સોમવારે નવું ઘર કે મકાનના કામ ટાળવા. બુધવારે શેર સટ્ટાના કામમાં ફાયદો થાય. શનિવાર લાભદાયી નીવડે.

કન્યા (પ, ઠ, ણ)
મનમાં ઉત્સાહ જણાય તેમ જ નોકરીના ક્ષેત્રના પ્રશ્નોનું સકારાત્મક પરિણામ જોવા મળે, ધર્મકાર્ય અર્થે નાણાં ખર્ચાય જે લાભદાયી નીવડે. તમારા આર્થિક પ્રશ્ર્નો ગૂંચવાતા જણાય છે. જે કુળદેવીની કૃપાથી હળવા થશે. માંગલિક કાર્યો આગળ વધે, મોસાળ પક્ષથી સારા સમાચારની પ્રાપ્તિ સંભવ. તમારી સામાજિક જવાબદારીમાં વધારો જણાય છે. મુસાફરી સંભવ બને, જમીન કે મકાનનાં પ્રશ્નોનું નિરાકરણ થતું જોવા મળે. શનિવારે આર્થિક વિકાસની વાત લાભદાયી નીવડે.

તુલા (ર, ત)
મનમાં ધારેલું કામ પાર પડતું જણાય પરિવાર કે જમીન સંબંધી જૂના વાદ-વિવાદ સમાપ્ત થતા જણાય, નોકરીમાં બઢતી બદલી સંભવ બને. ધંધાના કાર્યક્ષેત્રમાં ઉતાર-ચઢાવ સંભવ છે. અટકાયેલાં કાર્યો પૂર્ણ થતા જણાય, અંગત સંબંધોમાં નવો વળાંક આવી શકે છે . અશાંતિના વાદળ વિખરતા જણાય. પરિવારમાં અણબનાવ ટાળવો, પ્રવાસ અથવા પર્યટનનું આયોજન સંભવ બને. રવિવારે શાંતિ જણાય. મંગળવારે આર્થિક લાભ. ગુરુવારે સંતાન ના અભ્યાસ માટે ધ્યાન આપવાની જરૂર છે.

વૃશ્ર્ચિક (ન, ય)
કૌટુંબિક કે અંગત સંબંધોમાં મધુરતા જળવાઈ રહે તેમ જ નવસર્જનના વિચારો આવે, પારિવારિક શાંતિ જળવાઈ રહેશે. સામાજિક જવાબદારીમાં વધારો જણાય. આર્થિક વ્યવહાર સાચવીને કરવો, પ્રવાસમાં વિઘ્નો બાદ સફળતા જણાય. ઊજળું એટલું દૂધ નહિ તે બાબત ધ્યાનમાં રાખી ચાલવું. રચનાત્મક પ્રવૃત્તિમાં વધારો જણાય, આર્થિક રોકાણ લાભદાયી જણાય. મંગળવારે મિત્રો દ્વારા મદદ મલે. બુધવારે આર્થિક સમસ્યાનો ઉકેલ નિકળે. શુક્રવાર શાંતિ અને સહકાર સાથે પસાર કરવો.

ધનુ (ભ, ધ, ઢ, ફ)
આર્થિક અવરોધો દૂર થાય. પરંતુ મહત્ત્વના કાર્યમાં ધીરજથી કામ લેવાની જરૂર છે , નવી તકને ઝડપવામાં વિલંબ ના કરવો. વિચારેલા કાર્ય પૂર્ણ થતાં જણાય. પરંતુ નવું સાહસ વિચારીને કરવું હિતાવહ રહે, લાંબા સમયની પડતર સમસ્યાનો ઉકેલ આવતો જણાય. પારિવારિક વિવાદનું નિરાકરણ આવતું જણાય. પરંતુ આર્થિક પ્રશ્ર્નોમાં કસોટી થતી જણાય. તમારા વિચારો સકારાત્મક રાખવા હિતાવહ રહે. બુધવારે કૌટુંબિક મિલકત અંગે સહકાર મળી રહે. શુક્રવારે નવું રોકાણ ન કરવું.

મકર (ખ, જ)
નવા આર્થિક રોકાણમાં સાચવવું, ધંધાના નવસર્જનના વિચાર આવે જે લાંબા ગાળે ઉપયોગી સાબિત થાય. સામાજિક કોઈ જવાબદારી માથે લેતા પહેલાં વિચાર કરવો હિતાવહ છે. તમારી આવક-જાવકનું પલ્લું જળવાઈ રહે. સાથે સાથે પારિવારિક શાંતિ પણ જળવાઈ રહેશે. તમારી વ્યવહારકુશળતાથી ધારેલું પરિણામ મેળવી શકાય. નવી ભાગીદારીમાં સાચવવું, આર્થિક રીતે, જૂના રોકાણથી ફાયદો જણાય છે. રવિવારે જૂના મિત્રો સાથે સમય પસાર થાય. મંગળવારે આર્થિક રોકાણ લાભદાયી બની રહે. બુધવારે ઉઘરાણી માટે સમજાવી કામ લેવું.

કુંભ (ગ, શ, સ)
તમને અમુક કાર્યોમાં વ્યર્થ કોશિશ જણાય, પરંતુ પારિવારિક પ્રશ્ર્નોમાં સાનુકૂળતા જણાય છે. માત પિતા કે વડીલો સાથે મનદુ:ખ ટાળવું. તમારી પ્રગતિ માટે ક્રોધને દૂર રાખવો હિતવાહ છે. આ જ રીતે નવી તકને ઝડપવામાં વિલંબ ના કરવો. કૌટુંબિક માંગલિક પ્રસંગનુ કામ આગળ વધે. આર્થિક બાબતોમાં નવીન તક આવતી જણાય છે, નોકરી ધંધાના કાર્યક્ષેત્રમાં સાથ સહકાર મળી રહે, તમારી લાગણીઓ પર કાબૂ રાખવો જોઈએ. શનિવારે શાંતિ રાખવી. મંગળવારે વડિલની સલાહ ઉપયોગી સાબિત થાય. ગુરુવારે ઉતાવળમાં નિર્ણય ન લેવો.

મીન (દ, ચ, ઝ, થ)
અગત્યની આર્થિક યોજનાઓનો અમલ થતો જણાય, પરંતુ ગેરસમજ ના થાય તેની તકેદારી રાખવી, તમારા મનના મનોરથો સફળ થતા જણાય. માંગલિક કાર્યોમાં ગણેશ મંડાય તેની સાથે જ કોઈ નવા સારા નિર્ણયો લઈ શકાય, તમારા સ્થાવર મિલકતના પ્રશ્ર્નોનું નિરાકરણ જણાય છે. પરિવારના કે સામાજિક કાર્યોમાં બરકત જણાય છે તે સાથે ચિંતાનાં વાદળ હટતાં જણાય, સપ્તાહ આનંદમય રીતે પસાર થાય. સોમવારે આવકનાં સ્રોતમાં સુધારો જોવા મળે. બુધવારે મિત્રોથી લાભ. શુક્રવારે સ્થાવર મિલકત માટે નિર્ણાયક સમય.