‘રવિરાજ રેફ્રિજરેશન’ની પેઢીમાં આવેલા કોલ્ડ સ્ટોરેજમાં આરોગ્ય વિભાગના દરોડા

‘શિવમ ફ્રુટ’નો સંગ્રહ કરેલો મેંગો અને સિતાફળ પલ્પ અખાદ્ય મળ્યા : નોટિસ ફટકારતું આરોગ્ય તંત્ર

ખાસ-ખબર ન્યૂઝ રાજકોટ

તહેવારોને અનુલક્ષીને રાજકોટ મહાનગરપાલિકાના ફૂડ વિભાગ દ્વારા ડેઝીગ્નેટેડ ઓફીસર ડો. હાર્દિક મેતા, સિનિ. ફૂડ સેફ્ટી ઓફીસર કે. જે. સરવૈયા, ફૂટ સેફ્ટી ઓફીસર કે. એમ. રાઠોડ, ફૂડ સેફ્ટી ઓફીસર સી. ડી. વાઘેલા તથા ફૂડ વિભાગની ટીમ સાથે સર્વેલન્સ ચેકીંગ દરમિયાન વલ્લભનગર શેરી નં. 1, આડો પેડક રોડ ખાતે આવેલી રવિરાજ રેફ્રીજરેશન પેઢીમાં આવેલા કોલ્ડ સ્ટોરેજની સ્થળ તપાસ કરવામાં આવી હતી. આ પેઢીમાં કોલ્ડ રૂમમાં વિવિધ બ્રાન્ડના આઈસ્ક્રીમ, મિલ્ક પ્રોડકટ, ફ્રુટ, ફ્રુટ પલ્પ વગેરેનો અલગ અલગ વેપારીઓની માલીકીનો જથ્થો સંગ્રહ કરતાં હોવાનું માલુમ પડ્યું હતું. વધુમાં પેઢીના કોલ્ડ રૂમની તપાસ કરતાં શિવમ ફ્રુટના માલીક રમેશભાઈ સિંધવ દ્વારા રાખેલ મીઠાઈના ઉત્પાદકો તથા જ્યુસ પાર્લરના ધંધાર્થીઓને વેચાણ કરવા માટે સંગ્રહ કરાયેલો મેંગો પલ્પ 850 કિ.ગ્રા. સીતાફળ પલ્પ 250 કિ.ગ્રા.નો જથ્થો લેબલ વગરનો, અનહાઈજીનીક રીતે તથા દુર્ગંધયુક્ત જોવા મળ્યો હતો. જે અખાદ્ય હોવાનું જથ્થાના માલીકે સ્વીકારેલું હતું તેમજ અન્ય ફ્રુટ જેવા કે દ્રાક્ષ તથા દાડમના દાણાનો 50 કિ.ગ્રા. જથ્થો વાસી થયેલો જોવા મળેલો હતો. કુલ મળીને અંદાજિત 1150 કિ.ગ્રા. અખાદ્ય જથ્થો (અંદાજિત કિંમત રૂા. 3,30,000)નો માનવ આહાર માટે ફરી વેચાણ- ઉત્પાદન માટે ઉપયોગ ન થાય તે હેતુથી સ્થળ પર કાર્યવાહી કરી એસ.ડબલ્યુ.એમ. વિભાગના વાહન દ્વારા સ્થળ પર નાશ કરવામાં આવ્યો હતો તેમજ પેઢીને યોગ્ય સ્ટોરેજ કરવા તથા સ્થળ પર હાઈજેનિક કંડીશન જાળવવા, ખાદ્યચીજો પર કાયદા મુજબ લેબલમાં વિગતો દર્શાવવા બાબતે નોટીસ આપવામાં આવી હતી.

ફૂડ સેફ્ટી પખવાડીયાની ઉજવણીના ભાગ સ્વરૂપે તથા તે અંતર્ગતના એસ.ઓ.પી. મુજબ આવી રહેલા તહેવારોને અનુલક્ષીને અલગ અલગ ફૂડ કેટેગરીના ફૂડ બિઝનેશ ઓપરેટરોની પેઢીમાં સઘન ચેકીંગ ડ્રાઈવ હાથ ધરવામાં આવેલું છે જે અંતર્ગત ફૂડ સેફ્ટી સ્ટાન્ડર્ડ એક્ટ 2006 હેઠળ કુલ 32 નમૂના પૃથ્થકરણ માટે લેવામાં આવ્યા હતાં, જેમાં સીતારામ વિજય પટેલ આઈસ્ક્રીમ એન્ડ ડેરી ફાર્મ (ભેંસનું શુદ્ધ ઘી), સુખસાગર ડેરી ફાર્મ (શુદ્ધ ઘી લુઝ), પટેલ એજન્સી (અમૂલ પ્યોર ઘી, માહી દાણેદાર ઘી), સીતારામ વિજય પટેલ આઈસ્ક્રીમ એન્ડ ડેરી ફાર્મ (ગાયનું શુદ્ધ ઘી), વોલ્ગા ઘી ડીપો (ભેંસનું શુદ્ધ ઘી), બાર્બેક્યુ નેશન હોસ્પિટાલિટી લિમિટિેડ (સિહોરી પનીર ટીકા, ચીકન હોટ એન્ડ સોર સૂપ), ધ ગ્રેટ પંજાબી ધાબા (વેજીટેબલ જયપુરી સબ્જી, પનીર ટીકા મસાલા સબ્જી), રાધે રાધે એજન્સી (રીફાઈન્ડ કપાસિયા તેલ), સદ્ગુરુ પ્રોવિઝન એન્ડ જનરલ સ્ટોર (મરચું પાવડર), ધ્રુવી એન્ટરપ્રાઈઝ (મરચું પાવડર), ઠા. ભરતકુમાર મગનલાલ (મરચું પાવડર), રઘુવીર મસાલા ભંડાર (મરચું પાવડર), ઠા. પ્રવીણચંદ્ર-અરુણકુમાર મગનલાલ (લાલ મરચા પાવડર), જયંતીલાલ વિનયકાંત એન્ડ બ્રધર્સ (લાલ મરચા પાવડર), ગિરિરાજ મલ્ટીકુસીન રેસ્ટોરન્ટમાંથી પનીર (લુઝ)નો નમૂનો તેમજ એસ.કે. ફૂડ્સ, કે. કે. હોસ્પિટાલિટી સર્વિસ પ્રા.લિ., કે. ક્રન્ચી હોટેલ, સાઈઝ ઝીરો કાફે રેસ્ટો. ઓમ ચાઈનીઝ પંજાબી, શિવમ ડેરી ફાર્મ, બાપા સીતારામ ડેરી ફાર્મ, ન્યુભારત ડેરી ફાર્મ અને મહેશ ડેરી ફાર્મ સહિતનામાંથી પનીરના નમૂના લેવામાં આવ્યા હતા.

ફૂડ વિભાગની ટીમ તથા એફએસડબલ્યુ વાન સાથે સર્વેલન્સ ચેકીંગ દરમિયાન મોરબી રોડ જકાતનાકાથી ભગવતીપરા બ્રીજ સુધી તથા રૈયા ચોકડીથી પ્રમુખ સ્વામિ ઓડિટોરિયમ વિસ્તારમાં આવેલા ખાદ્યચીજોનું વેચાણ કરતા કુલ 21 ધંધાર્થીઓની ચકાસણી હાથ ધરવામાં આવી હતી, જેમાં 7 ધંધાર્થીઓને લાઈસન્સ બાબતે સૂચના આપી અવેરનેસ ડ્રાઈવ કરવામાં આવેલી હતી તેમજ ખાદ્યચીજોના કુલ 34 નમૂનાની સ્થળ પર ચકાસણી કરવામાં આવી હતી તેમજ શ્રી મેડિકલ, સતનામ આઈસ્ક્રીમ, દ્વારકેશ સોડા શોપ, શ્રી ચામુંડા ચાપડી ઊંધિયું, રોયલ ભૂંગળા બટેટા, રેવતી મદ્રાસ કાફે અને શ્રી ફૂડ ઝોનને લાઈસન્સ મેળવવા બાબતે સૂચના આપવામાં આવી હતી તથા લક્ષ્મી ફરસાણ, દ્વારકાધીશ ઢોસા, ઈશિતા ચાઈનીઝ પંજાબ, સોહમ ટ્રેડીંગ, ચામુંડા ફરસાણ, શિવ જનરલ સ્ટોર, ખોડીયાર રાજ ચાઈનીઝ પંજાબી, દિલખુશ પાણીપુરી, શ્રી ગણેશ વડાપાઉં, અભી ફાસ્ટફૂડ, રાજસ્થાન ભેળ, જય ખોડીયાર ફૂડ ઝોન, જોકર ગાંઠીયા, પરિશ્રમ ફૂડ ઝોનની ચકાસણી કરવામાં આવી હતી.