આરોપી પર 11 ચોરી સહિતના ગુના નોંધાયેલા છે, એ ડિવિઝન પોલીસે હોસ્પિટલ ચોક પાસેથી બાતમીના આધારે પકડાયો
ખાસ-ખબર સંવાદદાતા
રાજકોટ એ ડિવિઝન પોલીસે 50થી વધુ બાઈક ચોરી તથા મોટર સાઈકલના સ્પેર પાર્ટસની ચોરીના 11 અનડિટેક્ટ ગુનાને ડિટેક્ટ કરી 5.75 લાખના મુદ્દામાલ સાથે આરોપીને ઝડપી પાડ્યો છે. પોલીસ કમિશનર તથા અધીક પોલીસ કમિશનર તથા નાયબ પોલીસ કમિશનર (ઝોન-2) તથા મદદનીશ પોલીસ કમિશનર (દક્ષીણ વિભાગ) દ્વારા મિલ્કત સંબધી ગુન્હા અટકાવવા તેમજ પોલીસ સ્ટેશન વિસ્તારમાં થયેલ વાહનચોરી, મોબાઇલ ચોરી, ઘરફોડ ચોરી, ચીલઝડપ, લુંટ વિગેરે જેવા અનડીટેકટ ગુન્હોઓને શોધી કાઢવાનું આયોજન કરેલ અને વધુમાં વધુ અસરકારક કામગીરી કરવા સુચના કરેલ હોય જે અન્વયે એ ડિવિઝનના પોલીસ ઇન્સ્પેકટર કે.એન.ભુકણના માર્ગદર્શન હેઠળ પો.સબ.ઇન્સ. જી.એન.વાધેલા ડી-સ્ટાફના કર્મચારીઓ સાથે પોલીસ સ્ટેશન વિસ્તારમાં પેટ્રોલીંગમાં હતા તે દરમ્યાન સાથેના સર્વેલસ સ્ટાફના માણસોને ચોક્કસ હકીકત મળેલ કે હોસ્પિટલ ચોક સર્વીસ રોડ તરફ પુલ નીચે એક શખ્સ જેણે લાલ કલરનું ટી-શર્ટ તથા કાળા કલરનું પેન્ટ પહેરેલ છે તેની પાસે કાળા કલરનું સ્પ્લેન્ડર પ્લસ મો.સા છે જે ચોરીનું છે.
જેથી તુરંત હકીકત વાળી જગ્યાએ આવતા હકીકત વાળો એક ઇસમ મો.સા સાથે મળી આવતા જેને કોર્ડન કરી પકડી લઇ ઇસમ પાસે રહેલ મો.સા.ના કાગળો તથા આધાર પુરાવા માંગતા મજકુર પોતાની પાસે નહી હોવાનું જણાવી અને ગલ્લા તલ્લા કરતો હોય શખ્સે મો.સા. ચોરીથી મેળવેલ હોવાનું જણાઇ આવતા તેની પાસે રહેલ નં.(1) એક હિરો કંપનીનું સ્પ્લેન્ડર પ્લસ મો.સા.જેના રજી.નં. ૠઉં-03-ઇંચ-1099 વાળુ કબ્જે કરી પુછપરછ કરતા મો.સા ત્રણ-ચાર દિવસ પહેલા કરણસિંહજી રોડ બાલાજી મંદિર કરણસિંહજી સ્કુલના પાર્કીંગ માંથી ચોરી કરેલની કબુલાત આપેલ હોય જે બાબતે ઇ-ગુજકોપ તથા પોકેટકોપ મોબાઇલ દ્વારા તેમજ પો.સ્ટે. ખરાઇ કરતા અનડીટેકટ ગુન્હો ડીટેકટ કરેલ છે અલગ-અલગ કંપનીના કુલ-(11) જેટલા મો.સા.ઓ તેમજ મો.સા. ના સ્પેરપાર્ટસ તથા એન્જીન તથા ચેસીસ રાખેલ જોવામાં આવેલ છે જે મો.સા તેમજ મો.સા.ના સ્પેરપાર્ટસ તથા એન્જીન તેમજ ચેસીસ વિગેરે વસ્તુઓ ઇસમે ચોરી કરી રાખેલ હોવાનું જણાવે છે જે જોતા નીચે મુજબ છે. અને ઇસમ વિરૂધ્ધ કાયદેસરની કાર્યવાહી કરવા તજવીજ કરેલ છે.