ખાસ-ખબર ન્યૂઝ રાજકોટ
ગુજરાત અર્બન કો-ઓપરેટીવ બેંકસ ફેડરેશન અને ગુજરાત સ્ટેટ કો-ઓપરેટીવ બેંકસના સંયુક્ત ઉપક્રમે આયોજિત સહકાર રમતોત્સવ 2024નો ભવ્ય શુભારંભ થયો છે. તેમાં વિવિધ રમતો જેવી કે ક્રિકેટ, કબડ્ડી, ચેસ, કેરમ, ટેબલટેનિસ, બેડમિન્ટનનો સમાવેશ થાય છે.
- Advertisement -
તાજેતરમાં રાજકોટ ખાતે રમાયેલ ક્રિકેટમાં રાજકોટ નાગરિક સહકારી બેંક લિ., ગોંડલ નાગરિક સહકારી બેંક લિ., જીવન કોમર્શિયલ કો-ઓપરેટીવ બેંક લિ., ધ સુરેન્દ્રનગર ડિસ્ટ્રીક્ટ કો-ઓપરેટીવ બેંક લિ., ધ જામનગર ડિસ્ટ્રીક્ટ કો-ઓપરેટીવ બેંક લિ., ધ જૂનાગઢ જિલ્લા સહકારી બેંક લિ., રાજકોટ પીપલ્સ કો-ઓપરેટીવ બેંક લિ., ધ ભાવનગર ડિસ્ટ્રીક્ટ કો-ઓપરેટીવ બેંક લિ., ધ ગાંધીધામ મર્કન્ટાઈલ કો-ઓપરેટીવ બેંક લિ., ધ કચ્છ ડિસ્ટ્રીક્ટ સેન્ટ્રલ કો-ઓપરેટીવ બેંક લિ., ધ અમરેલી જિલ્લા મધ્યસ્થ સહકારી બેંક લિ.ની વચ્ચે ક્રિકેટ મેચ યોજાયેલ હતો. તેમાં બે રાઉન્ડ બાદ ધ જૂનાગઢ જિલ્લા સહકારી બેંક લિ. અને ધ અમરેલી જિલ્લા મધ્યસ્થ સહકારી બેંક લિ. વિજેતા બની હતી. આ બંનેનો હવેનો મેચ અમદાવાદ ખાતે રમાશે.
ગુજરાત અર્બન કો-ઓપરેટીવ બેંકસ ફેડરેશનના ચેરમેન જયોતીન્દ્રભાઈ મહેતાએ જણાવ્યું હતું કે છઠ્ઠો સહકાર રમતોત્સવનો ઉત્સાહભેર ચાલી રહ્યો છે. સહકારી ક્ષેત્રમાં કાર્ય કરતા કર્મચારીઓ વિવિધ રમતો થકી એકબીજાની નજીક આવે છે અને પારિવારીક ભાવના વધુ મજબૂત બને છે. રમતના પાયામાં જ ખેલદિલી છે. હાર-જીતને ભૂલી સાચી ખેલદિલી સાથે આગળ વધે છે અને બાકીના દિવસોમાં પણ એક સંબંધ કેળવાયેલો રહે છે. રાજકોટ ખાતે રમાયેલ ક્રિકેટ મેચમાં રાજકોટ નાગરિક સહકારી બેંકમાંથી દિનેશભાઈ પાઠક (ચેરમેન), અશોકભાઈ ગાંધી (ડિરેકટર), વિક્રમસિંહ પરમાર (ડિરેકટર), વિપુલભાઈ દવે (પ્રમુખ જાગૃત કર્મચારી મંડળ) વિશેષ ઉપસ્થિત રહી સહુનો ઉત્સાહ વધારેલો હતો.
અન્ય રમતો પૈકી કબડ્ડીમાં પ્રાઈમ કો-ઓપરેટીવ બેંક (સુરત), ટેબલટેનિસમાં 40 વર્ષથી ઉપરના ગ્રુપમાં ધ અમરેલી જિલ્લા મધ્યસ્થ સહકારી બેંક લિ., 40 વર્ષથી નીચેની વય ગ્રુપમાં કેયુરભાઈ મોદી- અમદાવાદ મર્કન્ટાઈલ કો-ઓપરેટીવ બેંક, બીજા નંબર ઉપર કાલુપુર કો-ઓપરેટીવ બેંક લિ., ત્રીજા નંબર પર મહેશભાઈ ચુડાસમા- રાજકોટ નાગરિક સહકારી બેંક લિ., બેડમિન્ટનમાં પ્રથમ નંબર ઉપર વિશ્ર્વાબેન દવે- અમદાવાદ ડીસ્ટ્રીક્ટ કો-ઓપરેટીવ બેંક, બીજા નંબર ઉપર પલકબેન બક્ષી- રાજકોટ નાગરિક સહકારી બેંક લિ. વિજેતા બન્યા હતા.
