શહેરની કાદરી રેસ્ટોરન્ટ, ગોશિયા કેટરર્સ અને કોલકતા બિરયાનીનું ફૂડ તમારું સ્વાસ્થ્ય બગાડશે

ફૂડ વિભાગે ખાદ્યચીજોનું વેચાણ કરતાં ધંધાર્થીઓને ત્યાં દરોડા પાડી સ્થળ પર જ અખાદ્ય ચીજવસ્તુનો જથ્થો નાશ કર્યો

ખાસ-ખબર ન્યૂઝ રાજકોટ

રાજકોટ મનપાની આરોગ્ય શાખાની ટીમ દ્વારા ખાદ્યચીજોનું વેચાણ કરતાં વેપારીઓને ત્યાં ચકાસણી હાથ ધરવામાં આવી હતી. આ દરમિયાન ગોશિયા કેટરર્સ, કાદરી રેસ્ટોરન્ટ અને કેજીએન કેટરર્સ (ન્યુ બોમ્બે બિરિયાની), કોલકતા બિરયાનીની પેઢીમાં ચકાસણી હાથ ધરાતા આ તમામ જગ્યાઓ પર વાસી અખાદ્ય ફૂડનો જથ્થો મળી આવતાં સ્થળ પર જ નાશ કરવામાં આવ્યો હતો.
વધુમાં ચેકીંગ દરમિયાન ભારત પાન સામે, ભગવતીપરા મેઈન રોડ પાસે આવેલા ગોશિયા કેટરર્સ પેઢીની તપાસ કરતાં સ્થળ પર સંગ્રહ કરેલા વાસી અખાદ્ય નોનવેજ પ્રિપેર્ડ ફૂડ તથા દાઝ્યુ તેલ મળી આવતાં અંદાજિત કુલ 12 કિ.ગ્રા. વાસી અખાદ્ય જથ્થાનો સ્થળ પર નાશ કરવામાં આવ્યો. આ ઉપરાંત ભગવતીપરા મેઈન રોડ પાસે આવેલી કાદરી રેસ્ટોરન્ટ પેઢીની તપાસ કરતાં સ્થળ પર સંગ્રહ કરેલ એક્સપાયરી થયેલ બેકરી પ્રોડકટ્સ તથા વાસી અખાદ્ય પ્રિપેર્ડ ફૂડ મળી આવતા અંદાજિત કુલ 6 કિ.ગ્રા. વાસી અખાદ્ય જથ્થો અને કેજીએન કેટરર્સ (ન્યુ બોમ્બે બિરિયાની) પેઢીની તપાસ કરતાં સ્થળ પર સંગ્રહ કરેલું વાસી અખાદ્ય નોનવેજ પ્રિપેર્ડ ફૂડ મળી આવતા અંદાજિત કુલ 3 કિ.ગ્રા. વાસી અખાદ્ય જથ્થો નાશ કરવામાં આવ્યો હતો. કોલકતા બિરિયાની પેઢીની તપાસ કરતાં સ્થળ પર યોગ્ય સ્ટોરેજ કરવા, હાઈજેનિક કંડીશન જાળવવા તથા લાયસન્સ મેળવવા બાબતે નોટીસ આપવામાં આવી હતી.

ફૂડ વિભાગની ટીમ તથા એફએસડબલ્યુ વાન સાથે શહેરના માયાણી ચોક- રાજનગર ચોક ચંદ્રેશનગર મેઈન રોડ વિસ્તારમાં આવેલા ખાદ્યચીજોનું વેચાણ કરતાં કુલ 26 ધંધાર્થીઓની ચકાસણી હાથ ધરવામાં આવેલી હતી. જેમાં 11 ધંધાર્થીઓને લાયસન્સ બાબતે સૂચના આપવામાં આવેલી તેમજ ખાદ્યચીજોના કુલ 9 નમૂનાની સ્થળ પર ચકાસણી કરવામાં આવી હતી. ફૂડ વિભાગની ટીમ તથા એફએસડબલ્યુ વાન સાથે શહેરના ચંદ્રેશનગર મેઈન રોડ વિસ્તારમાં આવેલા ક્રિષ્ના મારવાડી પાણીપુરી, પ્રિન્સ શીંગ એન્ડ બેકરી, શ્રી હરિ ભોજનાલય, પટેલ ફાસ્ટફૂડ, બાલાજી પાન એન્ડ કોલ્ડ્રિંક્સ, બાલાજી ખમણ, રાધે ડેરી, ગાંધી સોડા શોપ, જલારામ દાળ પકવાન, ડીલક્સ દાળ પકવાન અને બાલાજી સાઉથ ઈન્ડિયનને લાયસન્સ મેળવવા બાબતે સૂચના આપવામાં આવી હતી તથા ગણેશ મદ્રાસ કાફે, પ્રમુખ સોડા શોપ, પીઝા સ્ટુડિયો, શ્રીનાથજી ગાંઠીયા, સંતોષ ડેરી, મધુર સોડા શોપ, ઢોસા બાઈટ, બાબુભાઈ રગડાવાળા, જેનીસ ડાઈનીંગ હોલ, હરીઓમ ઢોસા, લીંબુ સોડા, જય સરદાર રેસ્ટોરન્ટ, શ્રીરામ ચાઈનીઝ પંજાબી, રજવાડી આઈસ્ક્રીમ, હેવન રેસ્ટોરન્ટની ચકાસણી કરવામાં આવી હતી.

ફૂડ સેફટી સ્ટાન્ડર્ડ એક્ટ 2006 હેઠળ સ્પેશ્યલ ડ્રાઈવ અંતર્ગત કુલ 4 નમૂના લેવામાં આવ્યા હતા. જેમાં બીલશાન પેક્ડ ડ્રિકીંગ વોટર (1 લીટર પેક બોટલ) બીલશાન બેવરેજીસ 9-સમ્રાટ ઈન્ડ. એરિયા, કનેરિયા ઓઈલ પાસે, ગોકુલ ધામ સામે, બીલકીંગ પેક્ેજડ ડ્રિકીંગ વોટર (500 એમ.એલ. પેક્ડ બોટલ) ક્રાઈટલ બેવરેજીસ પરશુરામ ઈન્ડ. એરિયા-1, શેરી નં. 1, માંડા ડુંગર, અજય વે બ્રિજ સામે, ચીક ઓઝોનીસેડ પેકેજડ ડ્રિકીંગ વોટર (500 એમ.એલ. પેક્ટ બોટલ) કેકેઆર ટ્રેડીંગ પ્લોટ નં. 10, સી-1, ભગવતી કોલસા સામે, જય સિયારામ ઈન્ડ. એસ્ટેટ-2, આજી જીઆઈડીસી પાસે અને બ્રીસવેલ પેકેજડ ડ્રિંકીંગ વોટર (1 લીટર પેક્ડ બોટલ) બ્રીસવેલ બેવરેજીસ પ્લોટ નં. 45, મારુતિ ઈન્ડ. એરિયા, ગોંડલ રોડ પાછળ આમ કુલ 4 નમૂના લેવામાં આવ્યા હતા.