જ્યારે પણ તમે કારથી કોઈ યાત્રા પર જાવ તો નીચે જણાવેલા સ્ટેપ ફોલો કરો.
કાર ચલાવતા એક જ દિવસમાં શીખી નથી શકાતું. તેને હંમેશાં પ્રેકટીસ કરતુ રહેવું પડે છે. ઘણા લોકો થોડા જ સમયમાં શીખી લે છે, ત્યારે ઘણા લોકોને ડર લાગતો હોય છે તેને વધુ સમય શીખવામાં લગાડવો પડે છે. કાર ડ્રાઇવિંગ કેટલાક લોકો માટે મુશ્કેલ કાર્ય હોઈ શકે છે. જોકે કેટલીક ટિપ્સ દ્વારા તેને સરળ બનાવી શકાય છે. જ્યારે પણ તમે કારથી કોઈ યાત્રા પર જાવ તો નીચે જણાવેલા 3 સ્ટેપ ફોલો કરો. આનાથી તમારા માટે વાહન ચલાવવું સરળ બનશે, એટલું જ નહીં, તમે ચલણથી પણ બચી શકશો. આવો જાણીએ કયા છે તે 3 સ્ટેપ્સ
- Advertisement -
ડ્રાઈવિંગની યોગ્ય પોઝિશન સેટ કરો
કારમાં બેઠા બાદ ડ્રાઈવિંગની યોગ્ય પોઝિશન સેટ કરી લો. આ માટે તમે ડ્રાઇવિંગ સીટને આગળ-પાછળ કરી શકો છો. સીટ વધુ પડતી પાછળ કે આગળ પણ ના હોવી જોઈએ. બેક સાઈડને પણ તમે સાચા એન્ગલમાં કરી શકો છો. મોટાભાગના વાહનોમાં સીટની ઊંચાઈ પણ એડજસ્ટ કરી શકાય છે. ઉપરાંત, તમે તમારા પોતાના અનુસાર સ્ટીયરિંગ સેટ કરી શકો છો. ડ્રાઇવિંગ પોઝિશન એવી હોવી જોઈએ કે તમને રસ્તા અને કાર આગળના ભાગનો સાચો ખ્યાલ આવે.
મિરરને સેટ કરો
ડ્રાઈવિંગ પોઝિશન સેટ કર્યા બાદ હવે મિરર સેટ કરવાનો સમય આવી ગયો છે. બહારનાં બંને મિરરને ઓઆરવીએમ (ORVMs) અને અંદરના મિરરને આઇઆરવીએમ (IRVMs) કહે છે. આ ત્રણ મિરર્સ દ્વારા તમે પાછળ આવતા વાહન પર નજર રાખી શકો છો. તેમને યોગ્ય સ્થિતિમાં ગોઠવો.
- Advertisement -
જરૂરી દસ્તાવેજો સાથે રાખો
જો તમે ચલણથી બચવા માંગતા હો, તો જરૂરી દસ્તાવેજો રાખો. દસ્તાવેજો વિના વાહન ચલાવવું તમને મોંઘું પડી શકે છે. કાયદા મુજબ 4 જરૂરી દસ્તાવેજો છે જે તમારે કાર ચલાવતા પહેલા સાથે રાખવા પડશે. જેમાં ડ્રાઇવિંગ લાઇસન્સ, વાહનનું રજિસ્ટ્રેશન સર્ટિફિકેટ, પ્રદૂષણ નિયંત્રણ દસ્તાવેજ અને વાહનની વીમા પોલિસીનો સમાવેશ થાય છે.