ખાસ-ખબર ન્યૂઝ જૂનાગઢ, તા.7
જુનાગઢ જિલ્લાના વંથલી તાલુકાના શાપુર ગામની કુમાર પે સેન્ટર શાળામાં “ઇકો ફ્રેન્ડલી મોડેલ મતદાન મથક”માં મતદાન કરવા યુવાનોથી લઈ વૃદ્ધ મતદારો ઉત્સાહપૂર્વક મતદાન માટે ઉમટયા છે. અહી ખાસ કરીને અનેક વૃદ્ધ મહિલાઓ લાકડીના સહારે મતદાન કરવા મતદાન મથકોએ પહોંચી પોતાના મતાધિકારનો ઉપયોગ કરી અન્યોને પણ મતદાન કરવાની પ્રેરણા પૂરી પાડી હતી અને મતદારોએ શાંતિ પૂર્ણ માહોલ વચ્ચે મતદાન કરી લોકશાહીના મહાપર્વની ઉજવણી કરી હતી અને અન્ય લોકોને વધુ મતદાન કરીને આ પર્વ માં સહભાગી થવા અપીલ કરી હતી.
