ગુજરાતના CM સાથે ઉત્તરાખંડના મુખ્યમંત્રીની મુલાકાત

વાયબ્રન્ટ સહિતના મુદ્દે ચર્ચા કરાઈ
ખાસ-ખબર સંવાદદાતા
ઉત્તરાખંડના મુખ્યંમત્રી પુષ્કરસિંહ ધામી હાલ ગુજરાતમાં છે. આજે તેમણે ગાંધીનગર ખાતે રાજ્યના મુખ્યમંત્રી ભૂપેન્દ્ર પટેલ સાથે શુભેચ્છા મુલાકાત કરી હતી. આ મુલાકાત દરમિયાન બન્ને મુખ્યમંત્રી વચ્ચે વાયબ્રન્ટ સમિટ સહિતના અનેક મુદ્દાઓમાં પર ચર્ચા કરવામાં આવી હતી.
ઉત્તરાખંડ રાજ્યમાં આગામી દિવસોમાં યોજાનારી વાયબ્રન્ટ સમિટના પ્રમોશન માટે મુખ્યમંત્રી પુષ્કર સિંહ ધામી ગુજરાત આવેલા છે. આ દરમ્યાન તેમણે ગુજરાતના મુખ્યમંત્રી ભૂપેન્દ્ર પટેલ સાથે આ મુલાકાત યોજી હતી.
મુખ્યમંત્રી ભૂપેન્દ્ર પટેલે ગુજરાતે વડાપ્રધાન નરેન્દ્ર મોદીના માર્ગદર્શન અને પ્રેરણાથી વાયબ્રન્ટ સમિ ના બે દાયકા ઉત્તરોત્તર વૈશ્વિક પ્રગતિની દિશા સાથે પૂર્ણ કર્યા છે તે અંગેની વિગતો ઉત્તરાખંડના મુખ્યમંત્રીને આપી હતી. આગામી જાન્યુઆરી મહિનામાં યોજાનારી વાયબ્રન્ટ સમિટની 10મી એડીશનની અંગે ગુજરાતે વિવિધ રાજ્યોમાં રોડ શોનું આયોજન કર્યું છે. તે સંદર્ભમાં પણ આ મુલાકાત બેઠકમાં ચર્ચા પરામર્શ થયા હતા. ઉત્તરાખંડના મુખ્યમંત્રી પુષ્કર સિંહ ધામીએ અમદાવાદના અટલ બ્રિજની મુલાકાત લીધી હતી અને અમદાવાદના અર્બન ડેવલપમેન્ટ પ્લાનિંગ અને વર્લ્ડ ક્લાસ ઈન્ફ્રાસ્ટ્રક્ચરથી તેઓ પ્રભાવિત થયા હોવાની લાગણી પણ તેમણે મુખ્યમંત્રી ભૂપેન્દ્ર પટેલ સમક્ષ વ્યક્ત કરી હતી.