પાંચ રાજ્યોની ચૂંટણીમાં બે સૌથી મહત્વના રાજ્યમાં આજે મતદાન
મુર્શિદાબાદમાં હુમાયુ કબીરના સમર્થકો અને TMC કાર્યકરો વચ્ચે મારામારી, પથ્થરમારો
- Advertisement -
બંગાળમાં બપોર સુધીમાં જ 62.18% જંગી મતદાન
તમિલનાડુની તમામ 234 બેઠકો પર બપોર સુધીમાં 45%થી વધુ મત પડ્યા
ખાસ-ખબર ન્યૂઝ નવી દિલ્હી
- Advertisement -
પશ્ર્ચિમ બંગાળના દક્ષિણ મિદનાપુરમાં કુમારગંજ બેઠક પરથી ભાજપના ઉમેદવાર સુવેન્દુ સરકાર પર હુમલો થયો છે. વીડિયોમાં દેખાય છે કે સુવેન્દુ હુમલાથી બચવા માટે ભાગી રહ્યા છે. તેમના સિક્યુરિટી ગાર્ડ પણ તેમની સાથે છે, તેમ છતા ભીડ સુવેન્દુ સાથે મારામારી કરે છે. બંગાળમાં અનેક જગ્યાએ ભાજપ અને ટીએમસીના કાર્યકરો વચ્ચે ઘર્ષણના અહેવાલો મળી રહ્યા છે. અનેક જગ્યાએ ઊટખમાં ખામી સર્જાયાના અહેવાલો પણ છે. દિનાજપુરના કુમારગંજમાં ભાજપના ઉમેદવાર પર હુમલો થયાના અહેવાલો છે. મુર્શિદાબાદના નૌદામાં મતદાન પહેલા મોડી રાત્રે એક દેશી બોમ્બ ફેંકવામાં આવ્યો હતો, જેમાં ઘણા લોકો ઘાયલ થયા હતા. આ પછી, આમ જનતા ઉન્નયન પાર્ટી (અઉંઞઙ)ના ચીફ હુમાયુ કબીર ઘટનાસ્થળે પહોંચ્યા અને તેમનો વિરોધ થયો. આ દરમિયાન ઝખઈ કાર્યકરો સાથે તેમનું ઘર્ષણ થયું. બાદમાં હુમાયુ કબીર ધરણા પર બેઠા હતા. પશ્ર્ચિમ બંગાળમાં પહેલા તબક્કામાં 152 બેઠકો અને તમિલનાડુની તમામ 234 બેઠકો માટે મતદાન ચાલી રહ્યું છે. બપોરે 1 વાગ્યા સુધી બંગાળમાં 62.18% અને તમિલનાડુમાં 56.81% મતદાન થયું છે. માલદામાં એક મતદાન મથક પર ઊટખ ખામી સર્જાતા હોબાળો મચી ગયો. લોકોએ ચૂંટણી અધિકારીને ઘેરી લીધા અને વિરોધ કર્યો.
તમિલનાડુ અને પશ્ચિમ બંગાળમાં ઘણા મતદાન મથકો પર લાંબી કતારો જોવા મળી હતી. બંગાળના માલદા, બીરભૂમ અને આસનસોલમાં મતદાન મથકો પર વહેલી સવારથી જ લાંબી લાઈનો જોવા મળી હતી. અહીં મહિલાઓની સંખ્યા સૌથી વધુ છે. તમિલનાડુમાં પણ આવી જ સ્થિતિ જોવા મળી હતી. આ દરમિયાન, ચેન્નાઈમાં, અભિનેતા અજિત કુમાર અને ઝટઊં ચીફ વિજયે મતદાન કર્યું. તેની એક ઝલક જોવા માટે ભીડ એકઠી થઈ ગઈ, જેના કારણે મતદાન મથકોની બહાર અંધાધૂંધી ફેલાઈ ગઈ.
બંગાળમાં, મુખ્ય મુકાબલો ટીએમસી અને ભાજપ વચ્ચે છે. ચૂંટણી પંચ વેબકાસ્ટિંગ (લાઈવ મોનિટરિંગ) દ્વારા અહીં મતદાન મથકોનું નિરીક્ષણ કરી રહ્યું છે. રાજ્યમાં બાકીની 142 બેઠકો માટે મતદાન બીજા તબક્કામાં 29 એપ્રિલે થશે. પરિણામો 4 મેના રોજ જાહેર કરવામાં આવશે.
આજે સવારે 7 વાગ્યે બન્ને રાજયમાં મતદાન શરૂ થયુ હતું. જેમાં તામિલનાડુની તમામ 234 બેઠકોમાં બપોરે એક વાગ્યા સુધીમાં 45% મતદાન થયું છે અને તમામ મતદાન મથકો પર મહિલા સહિતના મતદારોની લાંબી કતાર જોવા મળી છે. તામિલનાડુમાં ફિલ્મ સીતારોના મતદાને લોકોમાં આકર્ષણ જગાવ્યુ છે. ટીવીકે પક્ષ મારફત ચુંટણી લડી રહેલા અભિનેતા વિજય સુપરસ્ટાર રજનીકાંત તથા રાજયના મુખ્યમંત્રી એમ.કે. સ્ટાલિનએ પરિવાર સહિત પ્રારંભીક કલાકમાં જ મતદાન કર્યું હતું.
