રાજકોટની રંગતમાં ઉમેરાયો નવો જાનદાર રંગ, ફ્રાન્સની સીટ્રોન કંપનીની નવી શાનદાર કાર-બેસોલ્ટ

આ સેગમેન્ટમાં શ્રેષ્ઠ કાર – એસયુવી કુપ બેસોલ્ટ : પાણીના રેલાની જેમ સરકતી અને સુરક્ષામાં અભૈધ કિલ્લા જેવી અતિઆધુનિક કાર

ખાસ-ખબર ન્યૂઝ રાજકોટ

છેલ્લા સો વર્ષ કરતા વધુ સમયથી ઓટોમોબાઇલ ક્ષેત્રે સંકળાયેલી, વિશ્વયુદ્ધોમાં ખડતલ સ્પેર પાર્ટ્સ બનાવવાનો અવિસ્મરણીય અનુભવ ધરાવતી, ફેશન અને ગ્લેમરની વૈશ્વિક રાજધાની ગણાતા ફ્રાન્સની આદરણીય કંપની સીટ્રોનનું નવું ક્લાસિક અવતરણ એટલે – બેસોલ્ટ. આ અદભૂત કારની ટેગલાઈન છે – ’મીટ ધ અનથિન્કેબલ’. અકલ્પનીય પ્રોડક્ટ. ગાડીઓની બાબતમાં જ્યાં બીજાનું વિચારવાનું પૂરું થાય ત્યાંથી સીટ્રોને વિચારવાનું શરૂ કર્યું અને એક મજબૂત વત્તા અદ્યતન એવી ઉત્તમોત્તમ ગાડી બનાવીને ભારતના રસ્તાઓ ઉપર મૂકી, જેનું નામ છે – સીટ્રોન બેસોલ્ટ.
જુદી જુદી ગાડીઓનું એક મસમોટું ગ્રુપ છે. સ્ટેલાન્ટીસ એનું નામ છે. વિશ્ર્વનું ચોથા નંબરનું સૌથી મોટું આ ગ્રુપ અબજો ડોલરનો કારોબાર 130 દેશોમાં કરે છે. જીપ, ફિયાટ, ક્રાયસલર, મેસેરેટી, ઓપેલ જેવી વર્લ્ડ ક્લાસ ગાડીઓ આ ગ્રુપની છે. એ ગ્રુપની સૌથી નોંધપાત્ર કંપની એટલે સીટ્રોન. જેની ગાડીનો વારસો એટલો સમૃદ્ધ છે અને ઇતિહાસ એટલો અભૂતપૂર્વ છે કે કોઈ પણ માણસ કે કંપની માટે તે જબરદસ્ત પ્રેરણાસ્ત્રોત બની રહે. ફ્રાન્સની આ એકસો વર્ષ જૂની સીટ્રોન એ કંપની છે જેણે દુનિયાની પહેલી ફ્રન્ટ વ્હીલ ડ્રાઇવ ધરાવતી માસ પ્રોડક્શન થઈ શકે એવી કાર બનાવી. એ જમાનામાં કાર ચેસિસ જુદુ બનતું અને બાકીના ભાગો એમાં જોડવામાં આવતા એટલે પેસેન્જરની સેફ્ટી ખાસ જળવાતી નહી.

હંમેશા નવું કરવાને સર્જાયેલી સીટ્રોને એક જ બોડીમાંથી આખી કાર બનાવવાની શરૂઆત કરીને નવો ચીલો ચાતર્યો અને ઓટોમોબાઇલના ઇતિહાસમાં પોતાનું નામ અમર કર્યું. પ્રથમ સેલ્ફ લેવલીંગ સસ્પેન્શન બનાવનાર પણ આ જ ફ્રેન્ચ કંપની. ડિસ્ક બ્રેકની શોધક એટલે આ કંપની જેનો શો-રૂમ રાજકોટ ખાતે છે. કેટકેટલી પેટન્ટો અને ઢગલાબંધ ઇન્ટરનેશનલ અવોર્ડ મેળવી ચૂકેલી સીટ્રોનનો કાર-વારસો અદ્રિતીય છે, અનન્ય છે, અભૂતપૂર્વ છે.

દરેક પેરામીટરમાં આ ફ્રેન્ચ ટેકનોલોજી ધરાવતી ગાડી જ ગોલ્ડ મેડલ લઈ જાય છે. આ કેટેગરીમાં મેક્સીમમ વ્હીલ બેઝમાં પ્રથમ ક્રમ બેસોલ્ટનો, 3 સેટિંગ ધરાવતા સ્માર્ટ કુશન અને હેડરેસ્ટ ફક્ત બેસોલ્ટમાં મળે, સુપર્બ એડવાન્સડ સસ્પેન્શન ફક્ત બેસોલ્ટના છે, કારથી દૂર રહીને પણ ચાલીસ કરતા વધુ રિમોટ ફિચર્સની લેટેસ્ટ સવલત આપે છે બેસોલ્ટ, અલ્ટ્રા હાઈ સ્ટ્રેંથ સ્ટીલ એટલે કે સુરક્ષાના ધોરણોમાં નંબર વન – બેસોલ્ટ, સૌથી વધારે બુટ સ્પેસ એટલે કે ડેકીની ક્ષમતા કઈ કારની? જવાબ છે – બેસોલ્ટ; ટોર્ક પાવર હોય કે ફોગ લેમ્પ, ડ્રાઈવર ઇન્ફોર્મેશન ડિસ્પ્લેના જુદા જુદ મોડ હોય કે સિતેરથી વધુ સ્ટેન્ડ અલોન એસેસરીઝ – સીટ્રોન બેસોલ્ટ મેદાન મારી જાય છે, ફતેહ કરે છે, વિજેતા નીવડે છે.

કાર વિશે ઈંગ્લીશ ભાષામાં એવું કહેવાય છે કે – અ કાર શુડ મેક અ સ્ટેટમેન્ટ. હવે ગાડી જેવી નિર્જીવ વસ્તુ ‘સ્ટેટમેન્ટ’ કઈ રીતે રજૂ કરી શકે? આ કહેવતનો અર્થ એ થયો કે કાર એવી સ્ટાઇલિશ અને સુરક્ષિત હોવી જોઈએ કે દૂરથી કાર આવે, આવીને ઊભી રહે અને એન્જિન બંધ થયા પછી એમાંથી કારમાલિક ઉતરે એની પહેલા કાર જોઈને જ એને જોનારા તેના પ્રભાવમાં આવી ગયા હોય અને તે કાર માલિકને અહોભાવની દૃષ્ટિએ તાક્યા કરે. બેસોલ્ટ આ પર્સનાલિટી આપે છે. ગાડી આજના સમયની જરૂરિયાત છે, એક સમયે તે લક્ઝરી ગણાતી. સીટ્રોનની બેસોલ્ટ એ દરેક માણસની બધી જરૂરિયાતો તો પૂરી કરે જ છે પણ એનાથી વધુ તે જે લકઝરિયસ ફિલિંગ આપે છે.

સીટ્રોનની એક ફિલસૂફી છે જેને સિદ્ધાંત બનાવીને એ કંપની લગાતાર કામ કરી રહી છે: ‘ડુ વ્હોટ મેટર્સ.’ જેની જરૂર છે તે કરો, જે સપનું જોયું છે તેના માટે મચી પડો, જે પબ્લિકને આપવું જોઈએ તેનું સંશોધન કરીને રહી – અને ધી બેસ્ટ રિઝલ્ટ આપો જે બીજે ક્યાંય ન મળે. એક્સ્ટ્રા ઓર્ડીનરી રિઝલ્ટ આપવાની આદત આ કંપનીને છેલ્લા સો વર્ષથી છે જેમાં પાંચથી છ પેઢીઓ પસાર થઈ ગઈ. બેસોલ્ટ તો એસયુવી કૂપ સેગમેન્ટની સોલીડ કાર છે જે કોમ્પેક્ટ સેડાનનો સટિક લુક આપે છે.
સો વાતની એક વાત. કોઈ પણ કારમાલિક એની કાર પાસે આ ત્રણ ગુણોની અપેક્ષા રાખે – (1) કમ્ફર્ટ (2)પરફોર્મન્સ અને (3) ટેકનોલોજી. આ ત્રણેય ચોકઠામાં સીટ્રોનની બેસોલ્ટ ગોલ્ડ મેડલ જીતી લાવે છે તથા આન, બાન અને શાનથી ગાડીની હરોળમાં પ્રથમ ક્રમે બિરાજે છે. સીટ્રોન કારનો સાક્ષાત અનુભવ કરવા માટે : સીટ્રોન શો-રૂમ, આન ગ્રુપ, ગોંડલ રોડ, રાજકોટ.