રાજ્યમાં હાર્ટ એટેકના સૌથી વધુ કેસ અમદાવાદમાં નોધાયા
ખાસ-ખબર સંવાદદાતા
રાજ્યમાં નવરાત્રી પર્વ પૂર્ણ થયો અને દશેરાની ઉજવણી પણ કરવામાં આવી. નવરાત્રી પર્વમાં ચિંતાજનક બાબત એ હતી કે ગરબા રમતા રમતા યુવાનોમાં હાર્ટ એટેક આવવાની ઘટનાઓ વધી હતી. નવરાત્રી દરમિયાન 10 કરતાં વધુ યુવાનો ગરબા રમતા રમતા હાર્ટ એટેકને લીધે મૃત્યુ પામ્યા હતા. આ ઉપરાંત રાજ્યમાં નવરાત્રીના નવ દિવસમાં સાંજના 6 વાગ્યાથી સવારના 2 વાગ્યા સુધીમાં હાર્ટ એટકને 800 જેટલા કેસ નોધાયા છે. આમ યુવાનોમાં હાર્ટ એટેકની બિમારીનું પ્રમાણ વધી રહ્યુ છે જે ચિંતા ઉપજાવે તેવી બાબત છે.
રાજ્યમાં નવરાત્રી દરમિયાના હાર્ટ એટેકની સૌથી વધુ કેસ અમદાવાદ શહેરમાં નોધાયા હતા. અમદાવાદ શહેરમાં હાર્ટ એટેક, બ્લડ પ્રેસર સહિતના 201 કેસ નોધાયા હતા. ગાધીનગરમાં 17, જામનગરમાં 44, જૂનાગઢમાં 24, ભાવનગરમાં 29, રાજકોટમાં 62, સુરતમાં 68, વડોદરામાં 39 કેસ નવરાત્રી દરમિયાના સાંજે 6 થી 2 વાગ્ય સુધીમાં નોધાયા હતા. રાજયમાં નવરાત્રી દરમિયાના હાર્ટને લગતી બિમારીમાં સરેરાશ દરરોજ 85 જેટલા કેસ નોધાતા હતા. રાજ્યની ઇમરજન્સી સેવા એવી 108 દ્વારા આ માહિતી જાહેર કરવામાં આવી છે.
યુવાનોમાં હાર્ટ એટેક આવવાના કારણોમાં શરીર પ્રત્યેની બેદરકારી, કામનું ભારણ, માનસિક તણાવ, ભોતિક સુવિધાઓ પાછળ દોડધામ, અનિયમિત ખોરાક, પૂરતી ઊઘ ન લેવી, નિયમિત શરીરનું ચેકઅપ ન કરાવવું, જેના કારણે બ્લડ પ્રેસર, શુગર અને હદયની લગતી બિમારીનું પ્રમાણ વધી રહ્યુ છે. નવરાત્રી દરમિયાન ગરબામાં શરીરને વધુ પ્રમાણમાં ડ્રેસ પડે છે જેના કારણે બ્લડ પ્રેસરનું પ્રમાણ વધે છે. રાજ્યમાં ખાસ કરીને સૌરાષ્ટ્ર અને મધ્ય ગુજરાતમાં અમદાવાદમાં હાર્ટ એટેકની ઘટનાઓ વધુ પ્રકાશમાં આવી છે.
- Advertisement -
પ્રથમ નોરતું: 73
બીજુ નોરતું: 92
ત્રીજુ નોરતું: 69
ચોથુ નોરતું: 109
પાંચમુ નોરતું: 102
છઠ્ઠું નોરતું: 76
સાતમુ નોરતું: 70
આઠમુ નોરતું: 82
નવમુ નોરતું: 93
