મોરબીમાં ફેરીયો રાખડી ભરેલો થેલો રિક્ષામાં ભૂલી ગયો, પોલીસે ગણતરીની કલાકોમાં શોધી કાઢ્યો

ખાસ-ખબર સંવાદદાતા
મોરબીના હાઉસિંગ બોર્ડમાં રહેતા દિલીપભાઇ નટવરલાલ પટણી નામના વ્યક્તિ રક્ષાબંધન નિમીતે રાખડી વેચવાનો છૂટક વ્યવસાય મોરબી ખાતે કરતા હોય જે વ્યવસાય અર્થે તેઓ રાખડી ભરેલ થેલાઓ લઈ નટરાજ ફાટકથી ત્રાજપર ચોકડી તરફ રીક્ષામાં જતાં હતા તે દરમિયાન રૂ. 90,000 ની કિંમતનો રાખડી ભરેલો એક થેલો તેઓ રિક્ષામાં ભૂલી ગયેલ હતા જેથી તેઓએ મોરબી સીટી બી ડીવીઝન પોલીસ સ્ટેશન ખાતે અરજી કરી હતી જે અરજી અનુસંધાને પોલીસે કમાન્ડ એન્ડ કંટ્રોલ સેન્ટર નેત્રમ-મોરબીના વિશ્વાસ પ્રોજેક્ટ અંતર્ગત લાગેલા સીસીટીવી કેમેરા ચેક કરતા નેત્રમ ટીમ દ્વારા રીક્ષાને શોધીને રીક્ષા માલીકનો સંપર્ક કરી રાખડી ભરેલ થેલો પરત મેળવી મૂળ માલીકને ગણતરીની કલાકોમાં પરત અપાવ્યો હતો જેથી પોલીસ દ્વારા કરવામાં આવેલ ત્વરીત કાર્યવાહી બદલ અરજદારે મોરબી પોલીસનો આભાર વ્યકત કર્યો હતો.