બાળકને ઘરેથી ઉઠાવી મોતને ઘાટ ઉતાર્યો બાદ વૃદ્ધાને ગંભીર રીતે ઘાયલ કર્યા
ખાસ-ખબર સંવાદદાતા
ગીર સોમનાથ જિલ્લાના સુત્રાપાડા પંથકના મટાણા ગામમાં ગણતરીના કલાકના સમયમાં જ દીપડા એવો તે હાહાકાર મચાવ્યો કે ગામ લોકો ભયભીત થવા લાગ્યા. મોડી રાત્રે મટાણા ગામના રમેશભાઈ જાદવ નામનો પરિવાર પોતાના પરિવાર સાથે ભોજન લઈ અને ઘર માં બેઠા હતા અને તે દરમિયાન રમેશભાઈ જાદવ નામના ખેડુતનો બે થી અઢી વર્ષનો બાળક પોતાના જ ફળિયામાં રમી રહ્યો હતો અને તેવામાં અચાનક આદમખોર દીપડાએ બાળક પર હુમલો કરી પોતાના જ પરિવારની નજર સામે બાળકને ઉઠાવી જતો રહ્યો. જો કે અચાનક બાળકના પરિવારની નજર જતા બૂમાબૂમ કરવા લાગ્યા અને આસપાસના લોકો એકઠા થઈ બાળકની શોધખોળ કરવા લાગ્યા. જોકે કલાકો ની શોધ ખોળ બાદ માનવી રમેશભાઈ નામનો બે વર્ષના બાળક નું મૃતદેહ દૂર એક શેરડીના ખેતરમાંથી મળી આવ્યો. જો કે તમામ ઘટના બાદ વન વિભાગ ને જાણ થતા વન વિભાગ એક્શનમાં આવી અને બાળકને પીએમ અર્થે ખસેડાયો. અને આદમખોર દીપડાને પકડવા ચાર જેટલા પાંજરા મંગાવી દીપડાને પકડવાની કામગીરી હાથ ધરાઈ.
- Advertisement -
જોકે હજુ આ બાળકનું મૃતદેહને પીએમ પણ થયું ન હતું ત્યાં જ વહેલી સવારમાં મટાણા જ ગામના અન્ય એક વૃદ્ધા પોતાની જ ઓસરીમાં સૂઈ રહ્યા હતા અને ફરી એક વખત આદમખોર દીપડો આ વૃદ્ધા પર હુમલો કરી કર્યો.
જોકે ત્યારે પણ વૃદ્ધાના ઘરના લોકોની નજર પડતા દીપડો ત્યાંથી પલાયન થઈ નાચી ભાગ્યો. પરંતુ 75 વર્ષના વૃદ્ધાને ગંભીર રીતે ઇજાઓ પહોંચાડી જેના કારણે આ પરિવાર વૃદ્ધા ને લઈ કોડીનાર સરકારી હોસ્પિટલ ખાતે સારવાર અર્થે ખસેડાયા. સમગ્ર મામલે વન વિભાગને જાણ થતા અને ગણતરીના સમયમાં મટાણા ગામની અંદર આદમખોર દીપડા એ બે જેટલા લોકો ઉપર હુમલો કર્યા છે તેને લઈ વન વિભાગ પણ અચંભીત થઈ ગયું હતું કારણ કે હજુ તો મોડી રાત્રે બે વર્ષના બાળક પર હુમલાને કલાકનો જ સમય વીત્યો હતો ત્યાં ફરી એક વખત વૃદ્ધા પર હુમલાને લઈ ગામમાં વન વિભાગ સામે રોષ સાથે ભયનો માહોલ સર્જાયો છે.
