11 ઓગસ્ટથી પ્રતિકિલો ફેટ 850 રૂપિયા ચુકવાશે
ખાસ-ખબર સંવાદદાતા
અમૂલ ડેરીદ્વારા પશુપાલકોના હિતમાં મહત્વપૂર્ણ નિર્ણય કરાયો છે. અમૂલ દ્વારા દૂધના ખરીદભાવમાં વધારોકરાયો છે. આપને જણાવીએ કે, પ્રતિ કિલો ફેટે રૂપિયા 30નો વધારો કરાયો છે. જેને લઈ અમૂલ સાથે જોડાયેલા 7 લાખ પશુપાલકોને ફાયદો થશે.
- Advertisement -
અત્રે ઉલ્લેખનીય છે કે, આ ભાવ વધારો 11 ઓગસ્ટથી લાગુ કરવામાં આવશે અને હવે નવો ભાવ પ્રતિકિલો ફેટ 850 રૂપિયા કરાયો છે. ગાયના દૂધમાં પણ પ્રતિકિલો ફેટે 13.70 રૂપિયાનો વધારો કરાયો છે.
અમૂલ ડેરીમાં દરરોજ લાખો લિટર દૂધની આવક નોંધાય છે. જેની જગ વિખ્યાત વિવિધ પ્રોડ્કટ ધૂમ મચાવી રહી છે. ત્યારે સતત દૂધની માંગ અને વપરાશ વચ્ચે અમૂલ ડેરીએ પશુપાલકોના હિતમાં મોટો નિર્ણય લીધો છે. ડેરી દ્વારા દૂધનાભાવમાં વધારોકરવામાં આવ્યો છે.
પહેલા દૂધનો ભાવ પ્રતિ કિલો ફેટે 820 રૂપિયા હતો જેમાં 30 રૂપિયાનો વધારો કરી 850 રૂપિયા પ્રતિ કિલો ફેટે કરાયો છે. આ જાહેરાત બાદ પશુપાલકો આનંદની લાગણી અનુભવી રહ્યા છે. અમૂલ ડેરીના આ નિર્ણયથી 7 લાખ પશુપાલકોને ફાયદો થશે.
