ખાસ-ખબર સંવાદદાતા
મોરબીની બુનિયાદી ક્ધયા શાળા ખાતે અન્ય જીલ્લામાંથી મોરબી જિલ્લામાં બદલીને આવવા માંગતા શિક્ષકોનો બદલી કેમ્પ યોજાયો હતો જેમાં શરૂઆતમાં જીલ્લા પ્રાથમિક શિક્ષણાધિકારી પ્રવિણભાઈ અંબારીયાએ અન્ય જિલ્લામાંથી મોરબી જિલ્લામાં આવવા માંગતા શિક્ષકોનું અભિવાદન કર્યું હતું અને બદલીના નિયમોની સમજ આપી હતી.
મોરબી જિલ્લા શિક્ષણ સમિતિના ચેરમેન પ્રવિણભાઈ સોનગ્રાએ સૌને આવકારતા જણાવ્યું હતું કે, આપ સૌ મોરબીમાં આવો અને મોરબીના બાળકોને આપના જ્ઞાનનો લાભ આપો એવી શુભેચ્છાઓ પાઠવી હતી. ધો. 1 થી 5 માં કુલ 57 શિક્ષકોએ જીલ્લા ફેરબદલી માંગેલ હતી એ પૈકી 34 શિક્ષકો હાજર હતા અને ધો. 6 થી 8 માં ભાષામાં 49 શિક્ષકો પૈકી 30, સામાજિક વિજ્ઞાનની 66 જગ્યાઓમાંથી 4 જગ્યાઓ અને ગણિત વિજ્ઞાનની 100 ટકા એટલે કે 43 શિક્ષકો એમ કુલ મળી 111 શિક્ષકોએ પોતાની મનગમતી જગ્યાઓ માંગીને મોરબી જિલ્લામાં બદલીના હુકમ પ્રાપ્ત કર્યા હતા.
