ઓગસ્ટ-2026માં રોડ સેફ્ટી અંતર્ગત રાજકોટ આરટીઓની કડક કાર્યવાહી
ઓવરડાઇમેન્શનના 123, ફિટનેસ વગરના 161 અને ઓવરલોડના 17 કેસ નોંધાયા
- Advertisement -
રાજકોટ શહેર અને જિલ્લામાં માર્ગ સલામતીના નિયમોનું પાલન કરાવવા માટે પ્રાદેશિક વાહન વ્યવહાર કચેરી (RTO) દ્વારા ઓગસ્ટ-2026 દરમિયાન વિવિધ પ્રકારના ટ્રાફિક અને વાહન વ્યવહારના નિયમભંગ સામે વ્યાપક
એન્ફોર્સમેન્ટ કાર્યવાહી હાથ ધરવામાં આવી હતી. સમગ્ર મહિના દરમિયાન વિવિધ ગુનાઓ હેઠળ કુલ 2,017 કેસ નોંધવામાં આવ્યા હતા, જેમાંથી કુલ રૂ.63,34,808ની વસુલાત કરવામાં આવી છે. આ કાર્યવાહી દરમિયાન ખાસ
કરીને ભારે અને માલવાહક વાહનોના નિયમભંગ, વાહનની ક્ષમતા કરતાં વધુ ભાર વહન, ઓવરડાઇમેન્શન, જરૂરી ફિટનેસ વિના વાહન ચલાવવું, ડ્રાઇવિંગ લાઇસન્સ સંબંધિત નિયમભંગ તેમજ ઝડપ અને જોખમી ડ્રાઇવિંગ
જેવા મુદ્દાઓ પર તંત્ર દ્વારા ધ્યાન કેન્દ્રિત કરવામાં આવ્યું હતું.
ઓવરલોડના 17 કેસ, રૂ.1.91 લાખની વસુલાત : ઓગસ્ટ મહિનામાં ઓવરલોડ એટલે કે નિયત મર્યાદા કરતાં વધુ ભાર વહન કરતા વાહનો સામે કાર્યવાહી કરવામાં આવી હતી. આવા કુલ 17 કેસ નોંધાયા જેમાં રૂ.1,91,808ની
વસુલાત કરવામાં આવી હતી.
ઓવરડાઇમેન્શનના 123 કેસ : નિયત માપદંડ કરતાં વધુ કદ ધરાવતા વાહનો સામે પણ કાર્યવાહી કરવામાં આવી હતી. ઓવરડાઇમેન્શનના કુલ 123 કેસ નોંધાયા હતા અને તેમાંથી રૂ.6,89,000નો દંડ વસૂલવામાં આવ્યો હતો.
- Advertisement -
ક્લેન્ડેસ્ટાઇન ઓપરેશન હેઠળ 42 કેસ : એન્ફોર્સમેન્ટ કામગીરીમાં ક્લેન્ડેસ્ટાઇન ઓપરેશન હેઠળ 42 કેસ નોંધાયા હતા, જેમાંથી રૂ.4,20,000ની વસુલાત કરવામાં આવી હતી. આ ઉપરાંત વાહનોમાં લગાવવામાં આવતા
અનધિકૃત અથવા નિયમવિરુદ્ધ White Light LED સંબંધિત નિયમભંગ સામે પણ કાર્યવાહી કરવામાં આવી હતી.
સૌથી વધુ કેસ RUPD-SUPD સંબંધિત : RUPD-SUPD સંબંધિત નિયમભંગના 529 કેસ નોંધાયા હતા અને રૂ.5,29,000ની વસુલાત કરવામાં આવી હતી. ત્યારબાદ અન્ડર એજ ડ્રાઇવિંગના 249 કેસ નોંધાયા હતા, જેમાં
રૂ.2,49,000નો દંડ વસૂલવામાં આવ્યો હતો.
ડ્રાઇવિંગ લાઇસન્સ સંબંધિત 185 કેસ : ડ્રાઇવિંગ માટે જરૂરી લાઇસન્સ સંબંધિત નિયમોના ભંગ સામે 185 કેસ નોંધાયા હતા અને રૂ.5,55,000ની વસુલાત કરવામાં આવી હતી.
મોબાઇલ પર વાત કરવા બદલ 7 કેસ : ડ્રાઇવિંગ દરમિયાન મોબાઇલ ફોનનો ઉપયોગ અકસ્માતનું જોખમ વધારતો હોવાથી તેની સામે પણ કાર્યવાહી કરવામાં આવી હતી. ઓગસ્ટ દરમિયાન મોબાઇલ પર વાત કરવાના 7
કેસ નોંધાયા હતા અને રૂ.3,500નો દંડ વસૂલવામાં આવ્યો હતો.
ફિટનેસ વગરના વાહનો સામે પણ કાર્યવાહી
વાહનની યોગ્ય સ્થિતિ અને સલામતી સુનિશ્ચિત કરવા માટે જરૂરી ફિટનેસ વિના વાહન ચલાવવાના કિસ્સાઓમાં પણ કાર્યવાહી કરવામાં આવી હતી. ફિટનેસ વગર વાહન ચલાવવાના 161 કેસ નોંધાયા હતા અને આ કાર્યવાહી
હેઠળ રૂ.8,05,000ની વસુલાત કરવામાં આવી હતી. આ ઉપરાંત પી.યુ.સી. ચેકિંગ હેઠળ 237 કેસ નોંધાયા હતા અને રૂ.1,18,500નો દંડ વસૂલાયો હતો. વાહનોમાંથી થતા પ્રદૂષણને નિયંત્રણમાં રાખવા માટે માન્ય PUC
પ્રમાણપત્ર હોવું ફરજિયાત છે.
સ્પીડિંગના 128 અને જોખમી ડ્રાઇવિંગના 3 કેસ
માર્ગ સલામતી માટે જોખમી બની શકે તેવા ડ્રાઇવિંગ સામે પણ કાર્યવાહી કરવામાં આવી હતી. બેફામ ઝડપે વાહન ચલાવવાના 128 કેસ નોંધાયા હતા અને રૂ.2,56,000ની વસુલાત કરવામાં આવી હતી. જ્યારે ભયજનક રીતે
વાહન ચલાવવાના 3 કેસ નોંધાયા હતા, જેમાં રૂ.9,000નો દંડ વસૂલવામાં આવ્યો હતો.
