અમેરિકાના ડ્રોન-મિસાઈલ હુમલામાં 5નાં મોત, 50થી વધુ ઘાયલઃ ઈરાનનો જોર્ડન-બહેરીનમાં જવાબી હુમલો
અમેરિકાએ ઈરાન પર ૩ દિવસમાં બીજી વાર હુમલો કર્યો છે. અમેરિકી સેનાએ મંગળવારે રાત્રે સિરિક, ખુજસ્તાન, કેશ્મ દ્વીપ અને બંદર અબ્બાસ પર મિસાઈલ અને ડ્રોનથી હુમલા કર્યા. ઈરાન મુજબ સિરિકમાં એક લગ્ન સમારોહ
દરમિયાન મિસાઈલ છોડવામાં આવી. જેમાં ૫ લોકોના મોત થયા જ્યારે ૫૦થી વધુ લોકો ઘાયલ થયા. મેહર ન્યૂઝ મુજબ મૃતકોમાં ૪ વર્ષનો એક બાળક પણ સામેલ છે. હુમલા બાદ સામે આવેલા વીડિયો અને તસવીરોમાં
ઘાયલ બાળકો હોસ્પિટલમાં સારવાર લેતા દેખાઈ રહ્યા છે. બીજી તરફ, ખુજસ્તાન પ્રાંત પરના હુમલામાં ૭ લોકોના મોત થયા, જ્યારે ૮ લોકો ઘાયલ થયા. જોકે અમેરિકાનો દાવો છે કે તેમણે ઈરાનના સૈન્ય ઠેકાણાઓને નિશાન
બનાવ્યા છે. આ હુમલાઓના જવાબમાં ઈરાને જોર્ડન અને બહેરીનમાં અમેરિકી સૈન્ય ઠેકાણાઓને નિશાન બનાવવાનો દાવો કર્યો છે. જેમાં ઘણા લોકો માર્યા ગયા છે.
ઈરાને દાવો કર્યો છે કે ખુઝેસ્તાન પ્રાંતમાં અમેરિકી મિસાઈલ હુમલામાં ૭લોકોના મોત થયા છે, જ્યારે ૮ ઘાયલ થયા છે. ઈરાનની સરકારી ન્યૂઝ એજન્સી IRNAના જણાવ્યા અનુસાર, અમેરિકાએ પ્રાંતમાં ૩ જગ્યાઓને નિશાન
બનાવી. અમેરિકી નૌસેનાનું વિમાનવાહક જહાજ USS અબ્રાહમ લિંકન બુધવારે થાઈલેન્ડ પહોંચ્યું. આ યુદ્ધ જહાજ ૨૦૦ દિવસથી વધુ સમય સુધી સતત સમુદ્રમાં રહ્યા બાદ પાંચ દિવસના આરામ માટે અહીં રોકાયું છે. આ જહાજ
પર લગભગ ૫,૦૦૦ સૈનિકો અને કર્મચારીઓ તૈનાત છે. આ પશ્ચિમ એશિયામાં ઈરાન સાથે જોડાયેલા મિશન પર હતું. લાંબા સમય સુધી સમુદ્રમાં રહેવાના કારણે જહાજ પર તૈનાત લોકોને કોઈ બંદર પર રોકાવાની તક મળી
નહોતી. આ જ કારણે તેમના માનસિક સ્વાસ્થ્ય અને રહેવાની પરિસ્થિતિઓને લઈને પણ ચિંતા વ્યક્ત કરવામાં આવી છે.
- Advertisement -
