સલમાન ખાન પર Ex ગર્લફ્રેન્ડનો સનસનીખેજ આરોપ! મારપીટ કરવાનો આરોપ પણ લગાવ્યો

સોમી અલીએ બોલિવૂડના દબંગ સલમાન ખાન પર નિશાન સાધતાં એક થ્રોબેક ફોટો શેર કર્યો હતો અને આ સાથે જ તેના પર મારપીટ કરવાનો આરોપ પણ લગાવ્યો હતો.

ઘણી બોલિવૂડ ફિલ્મોમાં કામ કરી ચુકેલી અભિનેત્રી સોમી અલી ફરી એકવાર ચર્ચામાં આવી છે. જણાવી દઈએ કે સોમી અલીએ ફરી એકવાર બોલિવૂડના દબંગ હીરો સલમાન ખાન પર નિશાન સાધતાં તેને સલમાન સાથેનો એક થ્રોબેક ફોટો શેર કર્યો હતો અને આ સાથે જ તેના પર મારપીટ કરવાનો આરોપ પણ લગાવ્યો હતો. પણ થોડા સમય પછી પછી સોમીએ આ પોસ્ટ ડિલીટ કરી દીધી હતી.

સોમી અલીએ સલમાન પર આરોપ લગાવ્યો હતો
જણાવી દઈએ કે સોમી અલી એક એક્ટ્રેસની સાથે સાથે સલમાન ખાનની એક્સ ગર્લફ્રેન્ડ પણ રહી ચુકી છે. જો કે બંને વચ્ચેનો સંબંધ લાંબો સમય ટકી શક્યો નહતો પણ આજે એ બંનેના અફેરની ચર્ચા ચાલી રહી છે. હાલ ટો સોમી અને સલમાન ખાનના સંબંધોમાં ઘણું અંતર આવી ગયું છે અને એ જ કારણે સોમી ઘણીવાર પોતાની પોસ્ટમાં સલમાન ખાન પર નિશાનો સાધતી જોવા મળે છે અને આ વખતે પણ સોમી અલીએ પોતાની નવી પોસ્ટમાં દબંગ ખાન પર ઘણા આરોપો લગાવ્યા છે.

હાલ જ સોમીએ સલમાન ખાન સાથેનો એક થ્રોબેક ફોટો શેર કર્યો હતો અને એ તસવીરમાં સલમાન તેને ગુલાબનું ફૂલ આપતા જોવા મળે છે. આ ફોટો શેર કરતાંની સાથે જ સોમીએ પોસ્ટ સાથે કેપ્શનમાં લખ્યું હતું કે -‘ હજુ ઘણું બધું થવાનું છે. મારા શોને ભારતમાં બેન કરી દીધો અને પછી મારા પર કેસ કરવાની ધમકી આપવામાં આવી હતી. તું એક ડરપોક વ્યક્તિ છે. અંહિયા મને પ્રોટેક્ટ કરવા માટે 50 વકીલો ઉભા છે જેઓ મને સિગારેટ દ્વારા સળગાવવાથી અને શારીરિક શોષણથી બચાવશે જે તમે મારી સાથે વર્ષો સુધી કર્યું હતું.’ સોમીએ આગળ લખ્યું હતું કે, ‘તે તમામ મહિલા અભિનેત્રીઓ પર શરમ આવે છે જેઓ મહિલાઓ પર હુમલો કરનારા આ માણસનું સમર્થન કરે છે. આવા કલાકારોને પણ શરમ આવવી જોઈએ, જેમણે તેનું સમર્થન કર્યું. હવે લડવાનો સમય છે.

સલમાન વિશેની સોમીની પોસ્ટ સોશિયલ મીડિયા પર વાયરલ થઈ ગઈ હતી પણ ત્યારબાદ અભિનેત્રીએ આ પોસ્ટને ડિલીટ કરી દીધી હતી. પોસ્ટ ડિલીટ કરવાનું કારણ શું છે, તે તો સોમી જ કહી શકે છે, પરંતુ તેની પોસ્ટે ચોક્કસપણે બોલિવૂડમાં હલચલ મચાવી દીધી છે.

જો કે સોમી અલીએ આ પહેલા પણ ઘણી વખત સલમાન ખાન પર નિશાન સાધ્યું હતું અને અનેક પોસ્ટમાં સલમાન પર ગંભીર આરોપ લગાવતી જોવા મળે છે. એક સમય હતો જ્યારે સોમી અલી સલમાન ખાનની ઘણી મોટી ફેન હતી. બંને લાંબા સમય સુધી એકબીજાને ડેટ પણ કરતા હતા પણ પછી બંનેનું બ્રેકઅપ થઈ ગયું હતું. જણાવી દઈએ કે સોમીએ પોતાના જૂના ઈન્ટરવ્યુમાં સલમાન ખાન સાથે બ્રેકઅપનું કારણ જણાવતા કહ્યું હતું કે સલમાને તેને ચિટ કરી હતી તેથી તેને સલમાનને છોડી દીધો હતો.