વિપુલ-ગૌરવનું સુપીરીયર ફિલ્ડવર્કરની કાયમી ભરતીમાં પણ કૌભાંડ!
ગૌરવ અજમેરા અને વિપુલ ઘોણિયાની ‘મિલ-બાંટ કે ખાયેંગે’ની નીતિ ભાગ-8
અજમેરા એજન્સીમાં કોન્ટ્રાક્ટ પર કામ કરતી એક સેનેટરી ઈન્સ્પેક્ટર મહિલાએ ગૌરવની પોલ ખોલી
‘ખાસ-ખબર’એ મેળવેલી એક ઓડિયો ક્લિપમાં અજમેરા મેનપાવર એજન્સીમાં કોન્ટ્રાક્ટ પર કામ કરતી એક સેનેટરી ઈન્સ્પેક્ટર મહિલાએ ગૌરવ અજમેરા ક્યાં પ્રકારે કોન્ટ્રાક્ટ પર રાખેલા કર્મીઓનો પગાર અને પી.એફ સહિતની રકમ ખાય જાય છે તેની માહિતી જણાવી છે. આ ઉપરાંત ગૌરવ અજમેરા કોન્ટ્રાક્ટ પર રાખેલા કર્મચારીઓને ક્યાં પ્રકારે હેરાન-પરેશાન કરી શોષણ કરે છે તેની પણ વિગત જણાવી છે. ગૌરવ અજમેરાના કૌભાંડો અંગે પુરાવાઓ આપતી હજુ વધુ ઓડિયો-વીડિયો ક્લિપ ‘ખાસ-ખબર’ દ્વારા મેળવાઈ રહી છે.
જી. ડી. અજમેરા એજન્સીના ગૌરવ ધિરેન અજમેરા અને રાજકોટ મ્યુનિસિપલ કોર્પોરેશન મહેકમ વિભાગના આસિ. મેનેજર વિપુલ ઘોણીયા દ્વારા 400 જેટલા કર્મચારીઓની PF, GST, CGST, ECICની રકમમાં આશરે 15 કરોડ રૂપિયાનું કૌભાંડ તેમજ કોવિડ-19માં કોન્ટ્રાક્ટ પર ફરજ બજાવતા 120 આયુષ ડોક્ટરો પૈકી એક આયુષ ડોક્ટર દીઠ અંદાજે રૂ. 5 હજાર તફડાવી 5 કરોડ રૂપિયાના કૌભાંડ બાદ વિપુલ – ગૌરવની કૌભાંડી બેલડીનું વધુ એક ભરતી કૌભાંડ પ્રકાશમાં આવ્યું છે.
- Advertisement -
80 માર્ક્સવાળા લાયક ઉમેદવારની જગ્યાએ 75-76 માર્ક્સવાળા ગેરલાયક ઉમેદવારોની ભરતી કરવામાં આવી
જી.ડી. અજમેરા એજન્સીનાં વધુ એક કૌભાંડનો વધુ એક પુરાવો, જેમાં અજમેરા એજન્સીની મહિલા કર્મચારી સમગ્ર ભોપાળા અંગે માહિતી આપી રહી છે… સાંભળવા માટે અહીં ક્લિક કરો…
વિપુલ ઘોણીયાએ સુપીરીયર ફિલ્ડવર્કરની કાયમી ભરતીમાં લાખો રૂપિયા લઈ ગેરલાયક ઉમેદવારોને નોકરી આપી દીધી છે અને લાયક ઉમેદવારને અન્યાય કર્યો છે જે અંગે એક ઉમેદવાર મકવાણા નિકુલ રામજીભાઈએ ડેપ્યુટી કમિશનર મહેકમ શાખા, આરએમસીને ફરિયાદ પણ કરી છે જેમાં અરજદારે જણાવ્યું છે કે, 8/11/2020નાં આપેલી સુપીરીયર ફિલ્ડવર્કરની પરીક્ષામાં 80 માર્ક્સ સાથે પાસ હોવા છતાં 75-76 માર્ક્સવાળા મતલબ કે ઓછા માર્કસવાળા ઉમેદવારોની ભરતી કરી દેવામાં આવી છે. આ અન્યાય સામે ન્યાયની માંગણી કરતા અરજદારે વિવિધ પુરાવાઓ પણ અરજીમાં રજૂ કર્યા છે જે જોતા જણાય છે કે, વિપુલ ઘોણીયાએ લાખો રૂપિયાનો વહીવટ કરી સુપીરીયર ફિલ્ડવર્કરની ગેરકાયદે ભરતી કરી છે.
- Advertisement -
સુપીરીયર ફિલ્ડવર્કરની ભરતીમાં થયેલા કૌભાંડ અંગેની આ અરજી મકવાણા નિકુલ નામના ઉમેદવાર દ્વારા તા. 24/04/2021નાં રોજ કરવામાં આવી છે છતાં પણ હજુ સુધી રાજકોટ મ્યુનિસિપલ કોર્પોરેશનના આસિ. મેનેજર વિપુલ ઘોણીયા સામે કોઈ પગલાં ભરવામાં આવ્યા નથી. અલબત્ત આ કાયમી ભરતી કૌભાંડમાં અજમેરા એજન્સીના બાપ-દીકરા ગૌરવ-ધિરેનની સંડોવણી હોવા છતાં પણ આરએમસી કમિશનર બકરી બની બેઠા છે. હવે જ્યારે એક પછી એક ગૌરવ ધિરેન અજમેરા અને વિપુલ ઘોણીયાનાં કૌભાંડો બહાર આવી રહ્યા છે અને આખું તંત્ર બદનામ થઈ રહ્યું છે ત્યારે હવે રાજકોટ મ્યુનિસિપલ કોર્પોરેશનનાં અધિકારીઓ-પદાધિકારીઓ શું કાર્યવાહી કરશે એ જોવું રહ્યું.
અજમેરા એજન્સીનાં ગૌરવ ધિરેન અજમેરા અને RMCનાં વિપુલ ઘોણીયાએ કરેલા કરોડોનાં કૌભાંડ અંગે ‘ખાસ-ખબર’એ તબક્કાવાર વિવિધ અહેવાલો પ્રકાશિત કરી RMCનાં સૌથી મોટા કૌભાંડોનો પુરાવા સાથે પર્દાફાશ કર્યો છે.
બાપ-દીકરા વિપુલ અને ધિરેન ભૂખ્યા વરૂ જેવા, વિપુલ ચાલાક શિયાળ
અજમેરા અજેન્સીના ગૌરવ અજમેરા અને તેના બાપ ધિરેન અજેમરા પૈસા ભૂખ્યા છે. જેમ ભૂખ્યા વરૂ કોઈપણ પ્રાણીનો શિકાર કરી પોતાની ભૂખ સંતોષી લે છે તેમ બાપ-દીકરાની જોડી ગૌરવ-ધિરેન કોઈપણ વ્યક્તિને પોતાની એજન્સીમાં કોન્ટ્રાક્ટ પર રાખી તેના પગાર, પીએફ, જીએસટી, સીજીએસટીની રકમ તફડાવી પૈસાની ભૂખ સંતોષી લે છે. આ જ પ્રકારે આરએમસી મહેકમ વિભાગના આસિ. મેનેજર વિપુલ ઘોણીયા શિયાળ જેવી ચાલાક વૃત્તિ ધરાવે છે. વિપુલ ચાલાકીથી અનેક કૌભાંડોને અંજામ આપી રહ્યો છે અને કાયમી ભરતીથી લઈ અજમેરા એજન્સી જેવી મેનપાવર સપ્લાય કરતી એજન્સીઓ સાથે મિલીભગત કરી કરોડો રૂપિયા ઘરભેગા કરે છે.
