એશિયન ગેમ્સ ટ્રેપ શૂટિંગમાં નીરુને ગોલ્ડ

મહિલાઓની ઇવેન્ટમાં પ્રથમ ભારતીય વિજેતા, ભારતના 47 મેડલ થયા

ભારતે એશિયન ગેમ્સમાં પાંચમો ગોલ્ડ મેડલ જીતી લીધો છે. નિશાનેબાજ નીરૂ ઢાંડાએ મંગળવારે વુમન્સ ટ્રેપ ઇવેન્ટમાં ગોલ્ડ મેડલ જીત્યો. તે આ ઇવેન્ટમાં ગોલ્ડ જીતનારી પ્રથમ ભારતીય મહિલા બની ગઈ છે. ૨૬ વર્ષની નીરૂએ ફાઇનલમાં ૩૦ માંથી ૨૮ નિશાના ટાર્ગેટ પર લગાવ્યા. તેણે ટીમ ઇવેન્ટમાં ભારતને સિલ્વર મેડલ અપાવ્યો. ટીમમાં આશિમા અહલાવત અને મનીષા કીર પણ સામેલ રહી. ગોલ્ડ ચીને જીત્યો. આ સિવાય, બોક્સિંગમાં નરેન્દરે બ્રોન્ઝ અપાવ્યો. ભારતના ૨ બોક્સર પરવીન હુડ્ડા અને અંકુશ પંઘાલ પણ ફાઇનલમાં પહોંચી ગયા છે. ભારતે અત્યાર સુધી ૫ ગોલ્ડ સહિત ૪૭ મેડલ જીત્યા છે. આજે ભારત મેડલની હાફ સેન્ચુરી પૂરી કરી શકે છે. ભારતને બીજો ગોલ્ડ મેડલ અપાવ્યો છે.
પહેલો ગોલ્ડ પિસ્તોલ શૂટિંગના મિક્સ્ડ ઇવેન્ટમાં આવ્યો. આ પહેલા ૮ સિલ્વર અને ૪ બ્રોન્ઝ મેડલ અપાવી ચૂક્યા છે. શૂટિંગમાં અત્યાર સુધી ૧૪ મેડલ આવી ચૂક્યા છે. પુરુષોના ટ્રેપ વ્યક્તિગત ફાઇનલમાં કુવૈતના ખાલિદ અલમુધાફે ગોલ્ડ મેડલ જીત્યો. તેણે ૨૬નો ગેમ્સ રેકોર્ડ સ્કોર બનાવ્યો. ચીની તાઇપેના યાંગ કુન-પાઇએ ૨૫ સ્કોર સાથે સિલ્વર મેડલ જીત્યો, જ્યારે ચીનના છી યિંગે ૨૦ સ્કોર સાથે બ્રોન્ઝ મેડલ પોતાના નામે કર્યો. ભારતનો શપથ ભારદ્વાજ પુરુષોના ટ્રેપ ફાઇનલમાં ૧૦ શોટ બાદ બહાર થયો. તેણે પહેલા ૧૦ શોટમાં ૭ નિશાના લગાવ્યા અને આઠમા સ્થાને રહ્યો. ૧૦ શોટ બાદ શપથ અને અલીશેર એસલ્બાયેવનો સ્કોર સરખો હતો. ક્વોલિફિકેશનમાં આઠમા સ્થાને રહેવાના કારણે શપથ ટાઇ-બ્રેકરમાં બહાર થઈ ગયો. આ ભારતનો એશિયન ગેમ્સ ૨૦૨૬માં પાંચમો ગોલ્ડ છે. આ વ્યક્તિગત સ્પર્ધાનો પહેલો ગોલ્ડ છે.