બ્રિટનમાં એર ટ્રાફિક કંટ્રોલ સિસ્ટમમાં ખામીઃ 1000 ફલાઇટ્સ રદ્દ કરાઈ

બ્રિટિશ એરવેઝ અને ઇઝીજેટ સહિત 5થી વધુ એરલાઇન્સને અસર

બ્રિટનમાં એર ટ્રાફિક કંટ્રોલ સિસ્ટમમાં સર્જાયેલી ટેકનિકલ ખામીને કારણે મંગળવારે ૧૦૦૦ ફ્લાઇટ્સ રદ કરવામાં આવી. ફ્લાઈટ મોનિટરિંગ વેબસાઇટ ફ્લાઇટરડાર૨૪એ આ માહિતી આપી. બ્રિટનની નેશનલ એર ટ્રાફિક સર્વિસે જણાવ્યું કે આ સમસ્યા ફ્લાઇટ્સના ટેકઓફ પર અસર કરી રહી હતી. ફ્લાઇટ સિસ્ટમ ધીમે ધીમે સામાન્ય થઈ રહી છે. ફ્લાઇટરડાર૨૪એ X પર જણાવ્યું કે બ્રિટિશ એરવેઝ, ઈઝી જેટ, KLM અને સહિત એરલાઇન્સની ફ્લાઇટ્સ પ્રભાવિત થઈ છે. લંડનના હીથ્રો, સ્ટેનસ્ટેડ અને સિટી એરપોર્ટની સાથે જ મેન્ચેસ્ટર, બર્મિંગહામ, સ્કોટલેન્ડ અને બ્રિટનના અન્ય એરપોર્ટ્સની પણ કેટલીક ફ્લાઇટ્સ પ્રભાવિત થઈ છે. બજેટ એરલાઇન ઇઝીજેટે જણાવ્યું કે તેની કેટલીક ફ્લાઇટ્સ ઓપરેટ થઈ શકી નહીં. કંપનીના જણાવ્યા અનુસાર, સિસ્ટમમાં ખામીને કારણે સમગ્ર યુરોપમાં તેની ફ્લાઇટ્સમાં વિલંબ થયો. હીથ્રો એરપોર્ટની વેબસાઇટ પર મંગળવારે યુરોપના અલગ-અલગ શહેરો માટે જતી ઘણી શોર્ટ-હોલ ફ્લાઇટ્સ રદ અથવા મોડી દર્શાવવામાં આવી હતી. જોકે, એરપોર્ટ પર આવતી ફ્લાઇટ્સ પર તેની અસર જોવા મળી ન હતી. હજુ સુધી એ સ્પષ્ટ થયું નથી કે એર ટ્રાફિક કંટોલ સિસ્ટમમાં ટેકનિકલ ખામી કયા કારણોસર રયાનએર એરલાઇને એર ટ્રાફિક સર્વિસ NATS ના CEO માર્ટિન રોલ્ફ પાસેથી રાજીનામું માંગ્યું છે. કંપનીના જણાવ્યા અનુસાર, સિસ્ટમ ફેલ થવાને કારણે તેના ૬૫ હજારથી વધુ મુસાફરો પ્રભાવિત થયા હતા. રયાનએરના COO નીલ મેકમોહને જણાવ્યું હતું કે ૨૦૨૩ માં NATS ની મોટી સિસ્ટમ ફેલ થયાના ત્રણ વર્ષ પછી પણ પરિસ્થિતિ બદલાઈ નથી. તેમણે કહ્યું કે આજે મુસાફરોને ૮ કલાક સુધીનો વિલંબ સહન કરવો પડ્યો, જેનું કારણ NATS ની મહત્વપૂર્ણ એર ટ્રાફિક કંટ્રોલ સિસ્ટમનું ફેલ થવું છે.