અહી તારા બાપનુ રાજ નથી હુ તને જોઈ લઈશ કહી ધમકી આપી
સાત કલાક કર્યા ધરણા : પ્રનગર પોલીસે ગુનો નોંધી કરી આરોપીની ધરપકડ
- Advertisement -
રાજકોટની સિવિલ હોસ્પિટલ અવારનવાર કોઈને કોઈ મુદ્દે ચર્ચાના ચકડોળે ચડતી હોય છે ત્યારે ગત રાત્રે સિનિયર અને જુનિયર તબીબ વચ્ચે દર્દીને ઇમર્જન્સી વોર્ડમાં દાખલ કરવા મુદ્દે બોલા ચાલી થઈ હતી ગઈ કાલે સાંજે
સાત વાગે ડોક્ટર ક્રિશા શિંગાળા અને સિનિયર ડોક્ટર અશ્વિન રામાણી વચ્ચે પેશન્ટનો વોડ બદલવા માટે બોલા ચાલી થઈ હતી. જ્યાં ડો.રામાણી ગરમાવો પકડીને જેમ ફાવે એમ ગાળા ગાળી કરીને લાફો ફટકાર્યો હતો. ક્રિશા
સાથે આવો બનાવ પેલા પણ બન્યો હોય આ અંગે પ્રનગર પોલીસ મથકમાં ફરિયાદ નોંધાવતા પોલીસે હુમલાખોર મેડિકલ ઓફિસરની ધરપકડ કરી ધોરણસરની કાર્યવાહી હાથ ધરી હતી.
રાજકોટના કાલાવડ રોડ ઉપર નાલંદા સોસાયટીમાં રહેતા અને રાજકોટ સિવીલ હોસ્પીટલ ખાતે મેડીસિન વિભાગમા છેલ્લા છએક માસથી રેસિડેંટ ડોક્ટર તરીકે ફરજ બજાવતા ક્રિશાબેન ડો/ઓફ નિલેશકુમાર સિંગાળા ઉ.26એ
ડોક્ટર અશ્વિન રામાણી સામે પ્રનગર પોલીસમાં નોંધાવેલી ફરિયાદમાં જણાવ્યું હતું કે ગઈકાલે મારી નોકરી ઈમરજંસી વોર્ડમા ૨૪ કલાકની શિફ્ટમાં હતી મારી નોકરી દરમીયાન સાંજના એક મોટી ઉમરના માજી સારવાર માટે
આવેલ હતા જે માજીની હાલત ગંભીર હોય તેઓને વેંટીલેટર પર રાખવા જરૂરી હોય જેથી મે અમારી સાથે ઈમરજંસી વોર્ડમા ફરજ પરના ડો.અશ્વિન રામાણીને જણાવેલ કે આ માજીને ઇમરજંસી વોડર્મા રાખવા જરૂરી છે પરંતુ આ
ડો. અશ્વીન રામાણીએ મારી વાત પર કોઈ ધ્યાન આપ્યા વિના માજીને જનરલ વોર્ડમાં સારવાર આપવાનુ જણાવેલ જેથી મે રામાણી સાહેબને ફરી વાર આ બાબતે રજુઆત કરતા તેમને સારુ ન લાગતા અચાનક ઉગ્ર થઈને મને
જેમ ફાવે તેમ બોલાચાલી કરી ગાળો આપી અને લાફો મારી દિધેલ અને કહેલ કે અહી તારા બાપનુ રાજ નથી હુ તને જોઈ લઈશ તેમ કહેલ એટલામા અમારા અન્ય સ્ટાફ તેમજ સિક્યુરીટી સ્ટાફ આવી જતા રામાણી સાહેબને
અંદર લઈ ગયેલ હતા આ સંપુર્ણ બનાવ ઇમરજંસી રૂમમા લાગેલ સી.સી.ટી.વી કેમેરામા રેકોર્ડ થયેલ છે જેથી આ અંગે ફરિયાદ નોંધાવતા પ્રનગર પોલીસે ડોક્ટર અશ્વિન રામાણીની અટકાયત કરી હતી.
અગાઉ પણ ફરિયાદ કરી હતી છતાં ડો.મોનાલી માંકડિયાએ કોઈ પગલાં લીધા ન હતા
ફરિયાદી તબીબે જણાવ્યું હતું કે અગાઉ પણ આ ડો. અશ્વિન રામાણી વિરુધ્ધ ગત તા-૦૧/૦૭/૨૦૨૬ ના રોજ સિવિલ હોસ્પીટલના સુપ્રીટેંડંટ મોનાલી માંકડિયા મારફત આર.એમ.ઓને લેખીત અરજી આપી હતી પરંતુ તે અરજી
બાબતે કોઈ કાર્યવાહી કરવામાં આવી ન હતી જેના પરિણામ સ્વરૂપે ગઈકાલે તેના ઉપર હુમલાની ઘટના બનવા પામી છે અગાઉ કરેલી ફરિયાદમાં ડોક્ટર મોનાલી માંકડિયાએ જો ત્વરિત પગલાં લીધા હોત તો ગઈકાલે આ
બનાવ બન્યો ન હોત
- Advertisement -
તબીબો સાત કલાક હડતાલ પર રહ્યા
ડો.ક્રિશા પર હુમલો થતા તબીબો વીજળીક હડતાલ ઉપર ઉતરી ગયા હતા તેમણે જણાવ્યું હતું કે મારા કલીગ સાથે પણ આવો બનાવ બન્યો છે જે ઉપર ના અધિકારી સાથે વાત કરિ હતી જેની કોઈ કાર્યવાહી થઈ ન હતી.
ડો.ક્રિશાના પિતાનું કહેવું છેકે આવો બનાવ કોઈ પણ ડો.મહિલા સાથે આવો બનાવ ના બને તે માટે અત્યારે સ્ટુડન્ટ અને ડોક્ટર મળીને ડોકટર રામાણીને હટાવો સિવિલ બચાવો અને હનુમાન ચાલીસા ગાયને હડતાલ કરી હતી
સાત કલાક હડતાલ ચાલુ બાદ મામલો થાળે પડ્યો હતો.
ડો.મોનાલી માંકડિયાની હકાલપટ્ટી : અધિક્ષક તરીકે ડો. કમલ ડોડીયાની નિમણુંક
સિવિલ હોસ્પિટલમાં એક તરફી શાસન ચલાવતા ડોક્ટર મોનાલી માંકડિયા સામે અગાઉ પણ ટેન્ડર સહિતના મુદ્દે અનેક આક્ષેપો થઇ ચુક્યા છે તેમને સત્તા સોંપ્યા પછીથી જ તેઓ વારંવાર વિવાદમાં આવતા હતા અને અંતે
તેમની જોહુકમી સામે સરકારે પગલાં લીધા હોય તેમ તેમને અધિક્ષક પદેથી હટાવવાનો નિર્ણય લીધો છે ડોક્ટર પર ડોકટરે કરેલા હુમલાની ઘટનાના ઘેરા પ્રત્યાઘાતો પડ્યા હોય તે મદોક્તર મોનાલી માંકડિયાને તાત્કાલિક
ધોરણે અધિક્ષક પદેથી હટાવી તેમાં સ્થાને ડોક્ટર કમલ ડોડીયાની નિમણુંક કરવામાં આવી છે હવેથી સિવિલ સુપ્રિટેન્ડેન્ટ તરીકે ડોક્ટર કમલ ડોડીયા કાર્યરત રહેશે.
સિવિલમાં તૈનાત એક્સ આર્મીમેન (સિક્યુરિટી)ની પણ દાદાગીરી
ઈમરજન્સી વિભાગમાં સિક્યુરીટી હોવા છતા મહિલા ડોક્ટરને ફડાકો મારી દીધો છે આ ઘટનાને પગલે સુરક્ષા વ્યવસ્થા સામે અનેક સવાલો ઉભા થયા છે એક બાજુ મીડિયાને સિવિલ હોસ્પિટલના વોર્ડમાં નહીં જવા સૂચના
આપવામાં આવે છે મીડિયાને નહીં જવા દઈ પોતાનિ ગેરરીતિ છુપાવવા માગે છે કરોડો રૂપિયાના કોન્ટ્રાકટના નામે સિક્યુરિટી એજન્સી દ્વારા એક્સ આર્મીમેનને સુરક્ષા માટે તૈનાત કરવામાં આવ્યા છે પરંતુ આ સિક્યુરિટી જવાનો
જાણે પોતે જ સર્વે સર્વા હોય તેમ દાખલ દર્દીના સગા સંબંધીઓ ઉપર જોહુકમી ચલાવતા હોય છે તેમની કામગીરી માત્ર વ્યવસ્થા સંભાળવાની જ હોય છે પરંતુ આ સિક્યુરિટી જવાનો તો પોતે જ જાણે કાયદાના રખેવાળ હોય
તેવું ખરાબ વર્તન કરતા હોય છે આવી માયકાંગલી સિક્યુરિટી સામે પણ કડક પગલાં લેવાની તાતી જરૂરિયાત ઉભી થઇ છે.
તપાસ ચાલુ છે : ડો.દુશરાનો લૂલો બચાવ કરતો જવાબ રિપીટ
રાજકોટ સિવિલ હોસ્પિટલમાં અનેક ગેરરીતિઓ ચાલી રહી છે તે પછી દવાના ટેન્ડરની હોય કે સિક્યુરિટીની લોલંલોલની કે પછી દર્દીઓના વહન માટે મુકાયેલી ઈ-રિક્ષાની તમામ વ્યવસ્થા જાળવવા અને ખામીઓ દૂર કરવા માટે
આરએમઓને જવાબદારી સોંપવામાં આવતી હોય છે પરંતુ ડોક્ટર આરએમઓ દુશરાએ દર વખતની જેમ આ વખતે પણ હાથ ઉંચા કરી દીધા હતા ગઈકાલે મહિલા તબીબ પર થયેલા હુમલાની ઘટના બાદ ડોક્ટર દુશરાએ હર
હમેશની જેમ તપાસ ચાલુ છે તેવો લૂલો બચાવ કરતો જવાબ રિપીટ કર્યો હતો.
