ટ્રમ્પે કહ્યું- પરમાણુ કાર્યક્રમ પર સહમતિ, ઈરાને ફગાવી
ઇઝરાયલી હુમલાઓથી લેબનોનમાં ગંભીર સ્વાસ્થ્ય સંકટ: ઠઇંઘની ચેતવણી
ખાસ-ખબર ન્યૂઝ નવી દિલ્હી, તા.30
અમેરિકા અને ઈરાન વચ્ચે પ્રસ્તાવિત 60 દિવસના યુદ્ધવિરામ કરારની શરતોમાં ઈરાન માટે 300 અબજ ડોલર એટલે કે લગભગ 25 લાખ કરોડ રૂપિયાના ભંડોળ અને અમેરિકી કંપનીઓના રોકાણનો પ્રસ્તાવ સામેલ છે. ન્યૂયોર્ક ટાઈમ્સના રિપોર્ટ અનુસાર, એક ઈરાની અધિકારીએ તેને રિક્ધસ્ટ્રક્શન પ્રોગ્રામ ગણાવ્યો. તેમણે કહ્યું કે અંતિમ કરાર પર હસ્તાક્ષર થયા પછી ઈરાનને આ આર્થિક મદદ આપવાનું વચન આપવામાં આવશે.
બીજી તરફ, અમેરિકી રાષ્ટ્રપતિ ડોનાલ્ડ ટ્રમ્પે દાવો કર્યો છે કે બંને પક્ષો પરમાણુ કાર્યક્રમ પર સહમતિની નજીક પહોંચી ગયા છે. ઈરાન પરમાણુ હથિયારો બનાવશે નહીં અને તેના એનરિચ્ડ યુરેનિયમને નષ્ટ કરવામાં આવશે. જોકે, ઈરાનના વિદેશ મંત્રાલયના પ્રવક્તા ઈસ્માઈલ બઘાઈએ આ દાવાને નકારી કાઢ્યો છે. તેમણે કહ્યું કે પરમાણુ મુદ્દે કોઈ વાતચીત થઈ રહી નથી. આ ઉપરાંત, ઈરાનની ફાર્સ ન્યૂઝ એજન્સીએ પણ સૂત્રોને ટાંકીને જણાવ્યું કે કરારના ડ્રાફ્ટમાં પરમાણુ સામગ્રીને નષ્ટ કરવા જેવી કોઈ શરત સામેલ નથી.
વિશ્વ આરોગ્ય સંસ્થા એટલે કે ઠઇંઘ એ પણ ચેતવણી આપી છે કે વધતી લશ્કરી કાર્યવાહી લેબનાનના લોકો માટે ગંભીર આરોગ્ય સંકટ ઊભું કરી રહી છે. ઠઇંઘ અનુસાર, યુદ્ધવિરામ લાગુ થયા પછી લેબનાનમાં આરોગ્ય કેન્દ્રો પર 27 હુમલાઓની જાણ કરવામાં આવી છે. આ હુમલાઓમાં 25 લોકોના મોત થયા છે અને 42 લોકો ઘાયલ થયા છે. સંસ્થાએ જણાવ્યું કે અત્યાર સુધીમાં 16 હોસ્પિટલો અને 13 પ્રાથમિક આરોગ્ય કેન્દ્રો હુમલાઓમાં નુકસાન પામ્યા છે.
શાંતિની વાતો વચ્ચે અમેરિકાની મોટી કાર્યવાહી, 1 અબજ ડોલરના ક્રિપ્ટો ફંડ જપ્ત કરતાં ઈરાન સંકટમાં
અમેરિકાએ ઇરાન વિરુદ્ધ આર્થિક દબાણ અભિયાનને વધુ તેજ કરી દીધું છે. વોશિંગ્ટને તેહરાનને મોટો આર્થિક ઝટકો આપતાં ઇરાન સાથે જોડાયેલા આશરે 1 અબજ ડોલરના (રૂપિયા 8000 કરોડથી વધુ) ક્રિપ્ટોકરન્સી ફંડ જપ્ત કરી લીધા હોવાનો દાવો કર્યો છે. અમેરિકી ટ્રેઝરી સેક્રેટરી સ્કોટ બેસેન્ટના જણાવ્યા અનુસાર, આ કાર્યવાહી અમેરિકાના ઓપરેશન ઇકોનોમિક ફ્યુરી અભિયાન હેઠળ કરવામાં આવી છે, જેનો મુખ્ય હેતુ ઇરાનની નાણાકીય શક્તિને તોડી પાડવાનો છે. ફોક્સ બિઝનેસના એક કાર્યક્રમમાં વાતચીત દરમિયાન ટ્રેઝરી સેક્રેટરી સ્કોટ બેસેન્ટિએ જણાવ્યું કે, અમે ઇરાનના આશરે એક અબજ ડોલરના ક્રિપ્ટો ફંડને ફ્રીઝ કરી દીધા છે અને સીધા તેમના ડિજિટલ વોલેટ્સ પર કબજો મેળવી લીધો છે. તેમણે દાવો કર્યો કે, તાજેતરના અઠવાડિયામાં કરવામાં આવેલી સૈન્ય કાર્યવાહી અને આર્થિક પ્રતિબંધોએ ઇરાનને ગંભીર નાણાકીય સંકટમાં ધકેલી દીધું છે.
ઇરાનમાં મોંઘવારી આસમાને
બેસેન્ટના મતે, છેલ્લા 5 થી 6 અઠવાડિયામાં અમેરિકી સૈન્ય અભિયાન અને આર્થિક દબાણે ઇરાનની કમર તોડી નાખી છે. દેશની આર્થિક સ્થિતિ એટલી હદે વણસી ગઈ છે કે ઇરાનના સૈન્ય અને સુરક્ષા કર્મચારીઓને સમયસર પગાર પણ મળી રહ્યો નથી. આ સાથે જ ત્યાં મોંઘવારી આસમાને પહોંચી છે અને સરકારને લોકો માટે ફૂડ વાઉચર જેવી યોજનાઓ શરૂ કરવાની ફરજ પડી છે.
