વીકલી ટ્રેડિંગના છેલ્લા દિવસે સેન્સેક્સ-નિફ્ટીમાં તેજી. રૂપિયો મજબૂત અને અમેરિકા-ઈરાન યુદ્ધના અંતના સંકેતથી બજારને ટેકો મળ્યો. સોનું-ચાંદી સસ્તા થતા ખરીદીનો માહોલ. જોકે ક્રૂડ 105 ડોલરે પહોંચતા મોંઘવારીનું જોખમ વધ્યું.
સેન્સેક્સ-નિફ્ટીની શું છે સ્થિતિ?
- Advertisement -
સેન્સેક્સની વાત કરીએ તો ગત રોજના જૂના ક્લૉઝિંગ 75183.36 થી આજે કુલ સેન્સેક્સ 627 પોઇન્ટનો ઉછાળો દર્શાવી રહ્યો છે. આજનું સેન્સેક્સનું હાઇ 75810 પોઈન્ટ રહ્યું હતું. હાલમાં સેન્સેક્સ 75718.59 પર ટ્રેડ થઇ રહ્યો છે. જ્યારે નિફ્ટીની વાત કરીએ તો જે ગઇકાલે 23654 પર બંધ થઇ હતી તે આજે 23807 પર ટ્રેડ થઇ રહી છે. જે કુલ 181 પોઈન્ટનો ઉછાળો દર્શાવે છે.
સોનું-ચાંદી સસ્તાં થયા
ચાંદી જે ગઇકાલે વાયદા બજારમાં 274883 પર બંધ થઇ હતી તે આજે 272016 રૂપિયા સુધી તૂટી હતી. જે કુલ 2867 રૂપિયાનો કુલ ઘટાડો દર્શાવે છે. જ્યારે સોનું જે ગઈકાલે 159606 રૂપિયાએ બંધ થયું હતું તે આજે 158816 રૂપિયા સુધી ગગડ્યું હતું જે કુલ 719 રૂપિયાનો ઘટાડો દર્શાવે છે.
- Advertisement -
ક્રૂડ ઓઈલમાં તેજી તો ડૉલર સામે રૂપિયો મજબૂત
બીજી બાજુ ક્રૂડ ઓઈલમાં આજે ફરી તેજી જોવા મળી રહી છે. ગઇકાલે બ્રેન્ટ ક્રૂડ ઓઈલ ગગડીને 102 ડૉલરે આવી ગયું હતું. જોકે આજે ફરી તે 105 ડૉલરની આજુબાજુ ટ્રેડ થઇ રહ્યો છે. મોંઘવારી માટે આ ફરી એકવાર ખતરો મનાય છે. જ્યારે ડૉલર સામે રૂપિયો મજબૂત થતો દેખાઈ રહ્યો છે. ગઈકાલે ડૉલર સામે રૂપિયો 96.10ની સપાટીએ ક્લૉઝ થયો હતો. જ્યારે આજે રૂપિયો 95.71 રૂપિયા સુધી મજબૂત થઇ ગયો છે. એટલે કે ડૉલર સામે રૂપિયાની વેલ્યૂ 0.40 પૈસા જેટલી મજબૂત થઇ છે. એક સમયે ડૉલર સામે રૂપિયો 96.97ના લેવલે પહોંચી ગયો હતો. જેમાં બે દિવસમાં રૂપિયામાં ફરી રિકવરી દેખાઇ રહી છે.
