પત્ની સાથે આડા સંબંધ ધરાવતા શખ્સની પાઇપ ફટકારી, ગળામાં કુહાડી ઝીંકી હત્યા

ગુંદાસરામાં હત્યા નિપજાવી, લાશના હાથ-પગ બાંધી લાશ નારણકા પાસે ફેંકી દીધી 

કઈઇએ કોટડાસાંગાણીની હત્યાનો ભેદ ઉકેલી નાખી હત્યારા દંપતીની કરી ધરપકડ

ખાસ-ખબર ન્યૂઝ રાજકોટ

રાજકોટ જિલ્લાના કોટડાસાંગાણીના નારણકા ચોકડી પાસેથી શનિવારે મળેલ હત્યા કરાયેલ લાશનો પોલીસે ભેદ ઉકેલી નાખ્યો છે પત્ની સાથે આડા સબંધ ધરાવતાં શખ્સને દંપતીએ જ મોતને ઘાટ ઉતારી દઈ લાશ કારમાં નાખી નારણકા પાસે ફેંકી દીધી હોય સીસીટીવી આધારે રૂરલ એલસીબીની ટીમે હત્યારા દંપતીની ધરપકડ કરી ધોરણસરની કાર્યવાહી હાથ ધરી છે.
ગઈ તા.9ને શનિવારે બપોરે કોટડાસાંગાણીના નારણકા ગામ તરફ જતા રોડ પર ફોરેસ્ટની વીડીમાંથી અજાણ્યા યુવકની હત્યા કરાયેલી લાશ મળી આવી હતી આ યુવકને ગળાના ભાગે કોઇ અજાણ્યા શખ્સો દ્રારા તિક્ષ્ણ હથીયારના ઘા ઝીકી મૃતકના હાથ તથા પગ દોરીથી બાંધી નારણકા ગામની ફોરેસ્ટની વીડીમા રોડને કાંઠે ફેંકી નાસી છૂટ્યા હોય આ અંગે નારણકા ગામના સરપંચ જીવણભાઇ મંગાભાઇ વાળાએ કંટ્રોલમાં જાણ કરતા પોલીસ કાફલો દોડી ગયો હતો અને સરપંચની ફરીયાદ પરથી અજાણ્યા આરોપીઓ વિરૂધ્ધ કોટડાસાંગાણી પોલીસ મથકમાં હત્યાની કલમ હેઠળ ગુનો નોંધવામાં આવ્યો હતો.
બનાવની ગંભીરતા ધ્યાને લઇ રાજકોટ એસપી વિજયસિંહ ગુર્જર દ્વારા તુરંત હત્યાનો ભેદ ઉકેલવા આપેલી સૂચના અન્વયે ડીવાયએસપી વિજય વ્યાસના માર્ગદર્શન હેઠળ એલસીબી પીઆઈ જે.પી.રાવની રાહબરીમાં પીએસઆઇ એચ.સી.ગોહિલ, કે.એમ. ચાવડા, આર.વી.ભીમાણી અને પી.એન.ભરવાડ સહિતની અલગ અલગ ટીમો બનાવી સી.સી.ટી.વી. ફુટેજ આધારે તપાસ શરુ કરવામાં આવી હતી દરમ્યાન નારણકા ગામની ચોકડીએ લાગેલ સી.સી.ટી.વીમા એક શંકાસ્પદ સફેદ કલરની ગાડી આવતી તથા થોડી જ વારમા પરત જતી જોવામા આવતી હોય જે ગાડીના રૂટ ચેક કરતા આ ગાડી શાપરમા લાગેલ સી.સી.ટી.વી.માં આવતી જોવા મળેલ અને ૠઉં-03-એલઆર-5313 હોવાનું સામે આવતાં આ કારના માલિક અંગે માહીતી મેળવતા આ કાર લોધિકાના પાળ પીપળીયા ગામે આવેલ આદર્શ સોસાયટીમાં રહેતા સુરેન્દ્ર શ્યામબિહારી પ્રસાદની હોવાની માહીતી મળતા તેના મોબાઇલ નંબર આધારે લોકેશન ટ્રેસ કરતા હાલ તે ગોંડલના ગુંદાસરા ગામે હરસિધ્ધી સોસાયટી રીબડા રેલ્વે સ્ટેશન પાસે રહેતો હોવાની માહીતી મળતા પોલીસે દોડી જઈ સુરેન્દ્ર શ્યામબિહારી પ્રસાદને સકંજામાં લઇ પુછપરછ કરતા તેણે ચોંકાવનારી કબૂલાત આપી હતી તેણે કહ્યું હતું કે પત્ની રીટા પ્રસાદને મૃતક વિજયદાસ વસંતદાસ દુધરેજીયા સાથે બે વર્ષથી પ્રેમ સબંધ હોય અને તે અંગેની જાણ પોતાને થઇ જતા પોતે પત્નીને ઠપકો આપી આદર્શ સોસાયટી પાળ પીપળીયાથી હરસિધ્ધી સોસાયટી ગુંદાસરા ગામ ખાતે મકાન ફેરવી નાખ્યું હતું તેમ છતા વિજય પોતાની પત્નીને તેની સાથે સબંધ રાખવા અને મોબાઇલ પર વાત કરવા ધમકાવતો હતો પત્નીને બીજો મોબાઇલ આપી ગયો હતો અને ગત તા.08 ના બપોરે પોતે પોતાના ઘરે જતા પત્ની આ વિજય સાથે મોબાઇલ પર વાત કરતી હોય તે અંગે ખ્યાલ આવી જતા પોતે પત્નીને ઠપકો આપ્યો હતો અને પતિ પત્ની બન્નેએ મળી વિજયને રાત્રીના સમયે બોલાવી તેની હત્યા નિપજાવવાનું કાવત્રુ ઘડ્યું હતું. જેમા પોતે પત્નીને આ વિજયને રાતના મારો પતિ નોકરી પર જવાનો છે તેમ કહી વિજયને પોતાના ઘરે મળવા બોલાવવા જણાવતા પત્નીએ વિજયને મોડી રાતના મળવા બોલાવતા વિજય રાતના અઢી ત્રણ વાગ્યાના સમયે રિટાને મળવા આવતા પોતે આ વિજયને માથાના ભાગે સ્ટીલના પાઈપથી માર મારતા તે પડી જતા પોતે તથા પત્નીએ દોરી વડે તેના હાથ પગ બાંધી પોતાની સ્વીફટ ગાડીની ડેકીમાં નાખી નારણકા ગામ નજીક રોડની સાઇડમાં ફેકી દઇ પોતે વિજયના ગળાના ભાગે કુહાડી મારી દેતા તે મરણ ગયેલ હોવાની કબૂલાત આપી હતી આથી મૃતકનું નામ વિજયદાસ વસંતદાસ દુધરેજીયા હોવાનું જાણવા મળ્યું હતું જેથી પોલીસે આરોપી મૂળ યુપીના હાલ ગુંદાસરા ગામે રહેતા સુરેન્દ્ર શ્યામબિહારી પ્રસાદ ઉ.46 અને તેની પત્ની રીટા સુરેન્દ્ર પ્રસાદ ઉ.40ની ધરપકડ કરી કોટડા સાંગાણી પોલીસને સોંપવામાં આવ્યાં હતાં.