કોલકાતામાં TMC ઑફિસનું ડિમોલિશન
બંગાળમાં ચૂંટણી બાદ હિંસા, સુરક્ષા દળો પર ફાયરિંગ: 5 ઘાયલ, 24 કલાકમાં 4 હત્યા, જેમાં ભાજપ અને TMCના 2-2 કાર્યકર
- Advertisement -
ખાસ-ખબર ન્યૂઝ નવી દિલ્હી
પશ્ર્ચિમ બંગાળમાં ચૂંટણી પછી હિંસાની ઘટનાઓ શરૂ થઈ ગઈ છે. નોર્થ 24 પરગના જિલ્લાના સંદેશખાલીના બામનઘેરી વિસ્તારમાં બુધવારે રાત્રે પેટ્રોલિંગ કરી રહેલી પોલીસ અને કેન્દ્રીય દળો પર હુમલો થયો. ઉપદ્રવીઓએ ફાયરિંગ કર્યું, જેમાં પાંચ સુરક્ષાકર્મીઓ ઘાયલ થયા હતા. બધાને મીનાખા ગ્રામીણ હોસ્પિટલમાં લઈ જવામાં આવ્યા હતા અને બાદમાં કોલકાતાની હોસ્પિટલોમાં રિફર કરવામાં આવ્યા હતા.
ઘાયલોમાં નજાટ પોલીસ સ્ટેશનના ઓફિસર ઇન-ચાર્જ, એક કોન્સ્ટેબલ, એક મહિલા પોલીસકર્મી અને કેન્દ્રીય દળોના બે જવાનોનો સમાવેશ થાય છે. રાજ્યમાં છેલ્લા 24 કલાક દરમિયાન અલગ-અલગ જગ્યાએ 4 લોકોની હત્યા કરી દેવામાં આવી. આમાં ભાજપ અને ઝખઈના 2-2 કાર્યકર્તાઓ છે. ભાજપે ઉત્તર 24 પરગનાના ન્યૂ ટાઉન અને હાવડાના ઉદય નારાયણપુરમાં તેના બે કાર્યકર્તાઓની હત્યાનો આરોપ ઝખઈ પર લગાવ્યો છે. ઝખઈએ પણ આરોપ લગાવ્યો છે કે કોલકાતાના બેલેઘાટા અને બીરભૂમના નાનૂરમાં તેના બે પાર્ટી સભ્યોની હત્યા કરી દેવામાં આવી. તપાસ દરમિયાન, સુરક્ષા એજન્સીઓએ ઘટનાસ્થળેથી બોમ્બ ભરેલી એક બેગ પણ જપ્ત કરી હતી.
કોલકાતાના ન્યુ માર્કેટમાં ટોળાએ હોબાળો કર્યો અને બુલડોઝરથી ટીએમસી પાર્ટી ઓફિસ તોડી પાડી. ઉપદ્રવીઓએ નજીકની દુકાનોને પણ નુકસાન પહોંચાડ્યું. ઘટનાનો વીડિયો શેર કરતા, ટીએમસીએ ડ પર લખ્યું- ભાજપનું ‘પરિવર્તન’ આવી ગયું છે, અને તે બુલડોઝર લઈને આવ્યું છે.
