દિપક બહુકીયાની વિસ્ફોટક બેટિંગ: માત્ર 17 બોલમાં 62 રન ફટકારી કેશવ કેમ્પના બોલરોને ધોઈ નાખ્યા : બાલાજી ક્લબ-છ9 ટીમની પ્રી-ક્વાર્ટર ફાઇનલમાં
11મા દિવસના 4 મેચના પરિણામ
- Advertisement -
બાલાજી ક્લબ રાજકોટ Vs જેન્યુઈન-XI મોરબી
ટૂર્નામેન્ટની મહત્વની મેચમાં બાલાજી ક્લબના સ્ટાર પ્લેયર શૌર્ય સાણંદિયાએ બોલિંગમાં તરખાટ મચાવ્યો હતો. તેમણે માત્ર 18 રન આપીને 5 મહત્વની વિકેટો (પંજો) ઝડપી લઈને મોરબીની ટીમને 39 રન પર જ ધરાશાયી કરી દીધી હતી. બાલાજી ક્લબે આ મેચ જીતી લઈને પ્રી-ક્વાર્ટર ફાઇનલમાં સ્થાન મેળવ્યું હતું. શૌર્ય સાણંદિયાને શાનદાર ઓલરાઉન્ડર પ્રદર્શન માટે ‘પ્લેયર ઓફ ધ મેચ’ એવોર્ડ અપાયો હતો.
બાલાજી ક્લબ રાજકોટ Vs જય ગુરુદેવ ઇલેવન
- Advertisement -
દિવસની પ્રથમ મેચમાં બાલાજી ક્લબે નિર્ધારિત 10 ઓવરમાં 129 રનનો જંગી સ્કોર ખડક્યો હતો. સૂર્ય સાનંદ અને શકીલ સંજાદની આક્રમક બેટિંગ સામે જય ગુરુદેવ ઇલેવનની ટીમ 104 રન જ બનાવી શકી હતી. ઓલરાઉન્ડર દેખાવ બદલ સૂર્ય સાનંદને ‘મેન ઓફ ધ મેચ’ જાહેર કરાયો હતો.
રામદેવ XI Vs મયૂર XI ગોરાણા
પોરબંદરની મયૂર ઇલેવન ગોરાણાએ પ્રથમ બેટિંગ કરતા વસીમ બલોચના 35 રનની મદદથી 94 રન બનાવ્યા હતા. જવાબમાં રામદેવ ઇલેવન તરફથી રવિ મકવાણા અને નીલેશ રાજપૂતે અંતિમ ઓવરોમાં ચોગ્ગા-છગ્ગાની રમઝટ બોલાવીને ટીમને વિજય અપાવ્યો હતો. સાગરને તેની ધારદાર બોલિંગ બદલ ‘પ્લેયર ઓફ ધ મેચ’ આપવામાં આવ્યો હતો.
રામદેવ XI Vs માર્વેલ-A
દિવસની અંતિમ મેચમાં રામદેવ ઇલેવને 111 રન બનાવ્યા હતા. લક્ષ્યાંકનો પીછો કરવા ઉતરેલી માર્વેલ-અની ટીમે છેલ્લી ઓવર સુધી લડત આપી હતી, પરંતુ રામદેવ ઇલેવને માત્ર 1 રનથી રોમાંચક વિજય મેળવ્યો હતો. નીરવ રામાણીને તેના શાનદાર પ્રદર્શન બદલ ‘મેન ઓફ ધ મેચ’ એવોર્ડથી નવાજવામાં આવ્યો હતો.
12મા દિવસના 4 મેચના પરિણામ
એકતા XI Vs કેશવ કેમ્પ
આ મેચમાં એકતા ઇલેવને ટોસ જીતીને પ્રથમ બેટિંગ પસંદ કરી ટૂર્નામેન્ટનો અત્યાર સુધીનો સૌથી વધુ સ્કોર 207 રન બનાવ્યો હતો. દિપક બહુકીયાએ માત્ર 17 બોલમાં 62 રન ફટકારીને મેદાનના ચારેય ખૂણે છગ્ગા ફટકાર્યા હતા. કેશવ કેમ્પની ટીમ આ રન ચેઝમાં માત્ર 57 રન જ બનાવી શકી હતી. દિપક બહુકીયાને તેમના વિસ્ફોટક પ્રદર્શન માટે ‘પ્લેયર ઓફ ધ મેચ’ એવોર્ડ અપાયો હતો.
R9 Vs સી.એસ.કે. લાયન્સ
પ્રથમ બેટિંગ કરતા છ9 એ 10 ઓવરમાં 97 રન બનાવ્યા હતા. લક્ષ્યાંકનો પીછો કરવા ઉતરેલી સી.એસ.કે. લાયન્સ તરફથી અભિષેકે 39 રન બનાવી જીતની આશા જગાડી હતી, પરંતુ છેલ્લી ઓવરમાં 10 રનની જરૂર હોવા છતાં રાજબા પરમારની શાનદાર બોલિંગને કારણે ટીમ 2 રન ટૂંકી પડી હતી. રાજબા પરમારને ‘મેન ઓફ ધ મેચ’ જાહેર કરવામાં આવ્યા હતા.
સંત કૃપા XI Vs એકતા XI
સંત કૃપા ઇલેવને પ્રથમ બેટિંગ કરતા માત્ર 68 રન બનાવ્યા હતા. એકતા ઇલેવનના ઓપનર બેટ્સમેન જાફર તલસાણીયાએ માત્ર 18 બોલમાં 49 રનની આક્રમક ઇનિંગ રમીને પાંચમી ઓવરમાં જ ટીમને વિજય અપાવ્યો હતો. જાફરને શાનદાર બેટિંગ બદલ ‘પ્લેયર ઓફ ધ મેચ’ એવોર્ડથી નવાજવામાં આવ્યો હતો.
પવનપુત્ર XI Vs માર્વેલ-B
પવનપુત્ર ઇલેવને લડાયક બેટિંગ કરતા 87 રન બનાવ્યા હતા. માર્વેલ-ઇ એ આ લક્ષ્યાંકને સંયમપૂર્વક બેટિંગ કરીને હાંસલ કરી લીધો હતો અને પ્રી-ક્વાર્ટર ફાઇનલમાં પોતાની જગ્યા બનાવી હતી. મીત પુરોહિતને તેમના ઓલરાઉન્ડર દેખાવ બદલ ‘મેન ઓફ ધ મેચ’ એવોર્ડ મળ્યો હતો.
