લોકસભામાં બંધારણમાં 131મું સુધારા બિલ પસાર થવામાં નિષ્ફળ: આ હાર બાદ વિપક્ષે તેને મોટી જીત ગણાવી જ્યારે ભાજપે દેશવ્યાપી વિરોધ પ્રદર્શન કરવાનો નિર્ણય લીધો
ખાસ-ખબર ન્યૂઝ નવી દિલ્હી
- Advertisement -
શુક્રવારે લોકસભામાં બંધારણમાં 131મો સુધારો બિલ પસાર થવામાં નિષ્ફળ ગયો. મતદાન દરમિયાન, 298 સાંસદોએ બિલના પક્ષમાં મતદાન કર્યું, જ્યારે 230 સાંસદોએ તેની વિરુદ્ધ મતદાન કર્યું. 21 કલાકની ચર્ચા પછી મતદાન થયું. લોકસભામાં હાજર 528 સાંસદોએ પોતાનો મત આપ્યો, જેમાં 298 સાંસદોએ પક્ષમાં અને 230 સાંસદોએ વિરોધમાં મતદાન કર્યું. બિલ પસાર કરવા માટે બે તૃતીયાંશ બહુમતી જરૂરી હતી. હાર બાદ, વિપક્ષે તેને મોટી જીત ગણાવી, જ્યારે ભાજપે શનિવારે દેશવ્યાપી વિરોધ પ્રદર્શન કરવાનો નિર્ણય લીધો છે.
એનડીએના બાકીના પક્ષો પણ આ વિરોધ પ્રદર્શનમાં ભાગ લેશે. લોકસભામાં મહિલા અનામત સુધારા બિલની હાર માટે અમિત શાહે કોંગ્રેસ અને ટીએમસી પર નિશાન સાધ્યું. અમિત શાહે ડ પર લખ્યું, આજે લોકસભામાં એક ખૂબ જ વિચિત્ર દ્રશ્ર્ય જોવા મળ્યું. કોંગ્રેસ, ટીએમસી, ડીએમકે અને સમાજવાદી પાર્ટીએ નારી શક્તિ વંદન કાયદા માટે જરૂરી બંધારણીય સુધારા બિલ પસાર થતું અટકાવ્યું. મહિલાઓને 33% અનામત આપતા બિલની હાર, અને ત્યારબાદ ઉજવણી અને તેના માટે ઉત્સાહ, ખરેખર નિદનીય અને કલ્પના બહાર છે.
અમિત શાહે કહ્યું કે હવે દેશની મહિલાઓને લોકસભા અને વિધાનસભાઓમાં 33% અનામત મળી શકશે નહીં જે તેમને મળવાની હતી. કોંગ્રેસ અને તેના સાથી પક્ષોએ વારંવાર આવું કર્યું છે. તેમની વિચારસરણી ન તો મહિલાઓના હિતમાં છે કે ન તો દેશના હિતમાં. તેમણે કહ્યું, હું તેમને કહેવા માંગુ છું કે મહિલા શક્તિનું આ અપમાન અહીં અટકશે નહીં; તે ખૂબ દૂર સુધી જશે. વિપક્ષને માત્ર 2029ની લોકસભા ચૂંટણીમાં જ નહીં, પરંતુ દરેક સ્તરે, દરેક ચૂંટણીમાં અને દરેક જગ્યાએ ‘મહિલાઓના ક્રોધ’નો સામનો કરવો પડશે.
કોંગ્રેસ, ટીએમસી, ડીએમકે અને સમાજવાદી પાર્ટીએ નારી શક્તિ વંદન કાયદા માટે જરૂરી બંધારણીય સુધારા બિલ પસાર થવાથી અટકાવ્યું. મહિલાઓને 33% અનામત આપતા બિલની હાર, ઉજવણી અને ઉલ્લાસ ખરેખર નિદનીય અને કલ્પના બહાર છે.
આ દરમિયાન, કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ એક ડ-પોસ્ટમાં લખ્યું, મોદી-શાહે દેશની અડધી વસ્તીને સીમાંકન લાદવા માટે ઢાલ તરીકે ઉપયોગ કરવાનો પ્રયાસ કર્યો અને દેશના લોકશાહી, બંધારણ અને સંઘવાદને નુકસાન પહોંચાડવાનો ઘૃણાસ્પદ પ્રયાસ કર્યો. સંયુક્ત વિપક્ષ, ‘ભારત’ ને તેમની ચાલાકીનો ખ્યાલ આવ્યો, અને બંધારણીય સુધારા બિલનો પરાજય થયો. અમે તમામ વિપક્ષી પક્ષોના નેતાઓનો હૃદયપૂર્વક આભાર વ્યક્ત કરીએ છીએ.
