અંતિમ બોલ સુધી રોમાંચ! મંતરમ-ડઈં એ ભાવનગરના હાથમાંથી જીત છીનવી
ખાસ-ખબર ન્યૂઝ રાજકોટ
- Advertisement -
રંગીલા રાજકોટના રમતગમત ક્ષેત્રમાં હાલ ‘ખાસ ખબર કપ-2026’ની જ ધૂમ મચી છે. શહેરના ઐતિહાસિક માધવરાવ સિંધિયા ઇન્ટરનેશનલ ક્રિકેટ ગ્રાઉન્ડ ખાતે યોજાઈ રહેલી આ ઓલ ઈન્ડિયા રાત્રિપ્રકાશ ટેનિસ ક્રિકેટ ટૂર્નામેન્ટનો ત્રીજો દિવસ અત્યંત રોમાંચક અને યાદગાર રહ્યો હતો. મેદાન પર ખેલાડીઓએ બેટિંગનો તોફાન મચાવતા ચોગ્ગા-છગ્ગાની રમઝટ બોલાવી, જેના પરિણામે સમગ્ર સ્ટેડિયમ તાળીઓના ગડગડાટથી ગુંજી ઉઠ્યું હતું. ટૂર્નામેન્ટને વધુ આકર્ષક બનાવવા માટે આયોજકો દ્વારા આંતરરાષ્ટ્રીય સ્તરની જાયન્ટ સ્ક્રીન અને લાઈવ ડિજિટલ સ્કોરિંગની વ્યવસ્થા કરવામાં આવી છે, જેના કારણે પ્રેક્ષકોને મેચ જોવાનો એક નવીન અને આનંદદાયક અનુભવ મળી રહ્યો છે. દરેક ‘પ્લેયર ઓફ ધ મેચ’ને ખાસ ખબર, વી.એન.એસ. પરફ્યુમ, આઈ.કે. સિલેક્શન અને જાફરી ટી દ્વારા આકર્ષક ઇનામો અને ટ્રોફી એનાયત કરવામાં આવે છે.
રાજકોટના માધવરાવ સિંધિયા ઇન્ટરનેશનલ ક્રિકેટ ગ્રાઉન્ડમાં ખેલાડીઓનું શાનદાર પ્રદર્શન
દિવસની પ્રથમ મેચમાં ભાવનગરની ટીમે આક્રમક શરૂઆત સાથે પ્રભાવશાળી પ્રદર્શન કર્યું હતું. નીલેશના શાનદાર 41 રન અને પ્રતાપના સહકારથી ટીમે મજબૂત સ્કોર ઉભો કર્યો હતો. જવાબમાં ભંડારિયાની ટીમ દબાણમાં આવી ગઈ હતી અને યોગ્ય પ્રતિસ્પર્ધા આપી શકી નહોતી. ભાવનગરના રાહુલ પરમારે ઘાતક બોલિંગ કરતાં 5 વિકેટ ઝડપી મેચને એકતરફી બનાવી દીધી હતી, જેના બદલ તેમને ‘પ્લેયર ઓફ ધ મેચ’ જાહેર કરવામાં આવ્યા હતા. બીજી મેચમાં મંતરમ-ડઈંના વિવેક કાપડીએ ધમાકેદાર બેટિંગ કરી હતી. તેમણે માત્ર 19 બોલમાં 6 આકાશી છગ્ગા અને 1 ચોગ્ગાની મદદથી 49 રન ફટકાર્યા હતા. તેમની આ તોફાની ઇનિંગના કારણે મંતરમ-ડઈંએ લક્ષ્યાંક 6 વિકેટ ગુમાવીને સરળતાથી હાંસલ કર્યો અને આગામી રાઉન્ડમાં પ્રવેશ કર્યો. સૌરાષ્ટ્રની લોકપ્રિય ટીમો સત્તાધાર ઉઇં કેમ્પ અને છબીલા-ડઈં વચ્ચેનો મુકાબલો પણ ભારે રોમાંચક રહ્યો હતો. સત્તાધાર કેમ્પ તરફથી હરદીપસિંહ ઝાલાએ 28 રનની આક્રમક ઇનિંગ રમી ટીમને સન્માનજનક સ્કોર સુધી પહોંચાડી હતી. ત્યારબાદ બોલરોના શિસ્તબદ્ધ પ્રદર્શનથી છબીલા-ડઈંને નિયંત્રણમાં રાખવામાં સફળતા મળી હતી. હરદીપસિંહ ઝાલાને ‘પ્લેયર ઓફ ધ મેચ’ જાહેર કરવામાં આવ્યા હતા. દિવસનો અંતિમ મુકાબલો સૌથી વધુ ઉત્કંઠાભર્યો સાબિત થયો હતો. મંતરમ-ડઈંએ પ્રથમ બેટિંગ કરતાં 70 રન બનાવ્યા હતા. જવાબમાં ભાવનગરની ટીમે અંતિમ બોલ સુધી જોરદાર લડત આપી હતી, પરંતુ માત્ર 2 રનથી પરાજય સ્વીકારવો પડ્યો હતો. મંતરમ-ડઈંના સાગરે 3 મહત્વપૂર્ણ વિકેટ લઈને મેચનું પલડું પોતાની ટીમ તરફ ઝુકાવ્યું હતું અને તેમને ‘પ્લેયર ઓફ ધ મેચ’નો એવોર્ડ મળ્યો હતો.
- Advertisement -
મહાનુભાવોની ગરિમામય ઉપસ્થિતિ
ટૂર્નામેન્ટના ત્રીજા દિવસે રાજકીય અને સામાજિક ક્ષેત્રના અગ્રણીઓની ઉપસ્થિતિએ ખેલાડીઓનો ઉત્સાહ વધાર્યો હતો. ફિટ ફર્સ્ટ જિમના વિવેકભાઇ અંકલેશ્વરીયા, લેટ્સ ફીટ જિમના વિવેકભાઈ સહપરિવાર, એડવોકેટ કિરીટભાઇ નકુમ, એડવોકેટ હિમાંશુ પારેખ, સીઆઈડી ક્રાઈમના પીઆઇ રવિ બારોટ, પંચનાથ ટ્રસ્ટના દેવાંગભાઇ માંકડ, કોઠારિયાના જયદીપસિંહ જાડેજા, મનોજભાઇ ડોડીયા, યોગીરાજભાઇ ડોડીયા, રૂપેશભાઇ ડોડીયા, સ્વયં ડોડીયા, જયદીપભાઇ ગોલેતર, રવિભાઇ સિંધવ, કોર મોબાઇલના શ્યામભાઇ અને પાર્થરાજ ડોડીયા સહિતના પ્રતિષ્ઠિત મહાનુભાવોએ પણ ઉપસ્થિતિ નોંધાવી હતી તેમજ તેમનું પુષ્પગુચ્છથી ઉષ્માભર્યું સ્વાગત કરવામાં આવ્યું હતું. ‘ખાસ ખબર’ના ખઉ પરેશભાઈ ડોડિયા અને તેમની ટીમ રાજુ કીકાણી, રાજભા પરમાર, દિપકભાઈ સાપરીયા, લખનભાઈ સોમૈયા (ક.ઊં.સ્ટાર), રજની પટેલ (ડાયરેક્ટર ખાસ ખબર), ગીજાભાઇ પરમાર, સમીર દોશી, ધર્મેશ જોશી, (ડાયરેક્ટર ખાસ ખબર), દિપક ચંદારાણા દ્વારા આ સમગ્ર ટુર્નામેન્ટને સફળ બનાવા માટે જહેમત ઉઠાવી રહ્યા છે.
ત્રીજા દિવસના ચાર મેચના પરિણામ
1. ગુજરાત-XI ભાવનગર Vs આશીર્વાદ-XI ભંડારિયા
પરિણામ: ગુજરાત-XI ભાવનગરનો વિજય.
મુખ્ય પ્રદર્શન: નીલેશ: 41 રન (બેટિંગ).
રાહુલ પરમાર: 5 વિકેટ ઝડપીને વિરોધી ટીમને હરાવી.
પ્લેયર ઓફ ધ મેચ: રાહુલ પરમાર.
2. આશાપુરા પડવલા Vs મંતરમ-XI
પરિણામ: મંતરમ-XIનો વિજય (6 વિકેટ બાકી રાખીને).
મુખ્ય પ્રદર્શન: વિવેક કાપડી: 19 બોલમાં 49 રન (6 છગ્ગા, 1 ચોગ્ગો).
વિશેષ: આ જીત સાથે મંતરમ-XI એ આગામી રાઉન્ડમાં પ્રવેશ કર્યો.
3. સત્તાધાર DH કેમ્પ Vs છબીલા-XI
પરિણામ: સત્તાધાર DH કેમ્પનો વિજય.
મુખ્ય પ્રદર્શન: હરદીપસિંહ ઝાલા (રૂપા ઝાલા): 28 રન
પ્લેયર ઓફ ધ મેચ: હરદીપસિંહ ઝાલા.
4. મંતરમ-XI રાજકોટ Vs ગુજરાત-XI ભાવનગર
પરિણામ: મંતરમ-ડઈંનો 2 રનથી રોમાંચક વિજય.
મુખ્ય સ્કોર: મંતરમ-XIએ 70 રન બનાવ્યા હતા.
મુખ્ય પ્રદર્શન: સાગર: 3 મહત્વની વિકેટ ઝડપી.
પ્લેયર ઓફ ધ મેચ: સાગર.
