તમિલનાડુમાં 9 પોલીસકર્મીને ફાંસીની સજા ફટકારતી કોર્ટ..

6 વર્ષ પહેલાં કસ્ટડીમાં મૃત્યુ થયું; કોર્ટે ‘રેયરેસ્ટ ઓફ રેયર’ ગણાવ્યું

ખાસ-ખબર ન્યૂઝ રાજકોટ

તમિલનાડુની મદુરાઈ કોર્ટે સથાનકુલમ કસ્ટોડિયલ ડેથ કેસમાં 9 પોલીસકર્મીઓને મૃત્યુદંડની સજા સંભળાવી છે. કોર્ટે તેને ’રેરેસ્ટ ઓફ રેર’ (અતિ દુર્લભ) ગણાવતા અત્યંત ક્રૂરતા અને સત્તાના દુરુપયોગનો મામલો ગણાવ્યો.
આ મામલો 2020માં પિતા-પુત્રના કસ્ટડીમાં થયેલા મૃત્યુ સાથે સંબંધિત છે. છ વર્ષ ચાલેલી સુનાવણી બાદ ફર્સ્ટ એડિશનલ ડિસ્ટ્રિક્ટ એન્ડ સેશન્સ જજ જી. મુથુકુમારને તમામ આરોપીઓને હત્યા અને અન્ય કલમો હેઠળ દોષિત ઠેરવ્યા હતા.
કોર્ટે ઈઇઈંની દલીલ સ્વીકારી કે કસ્ટડીમાં આપવામાં આવેલી યાતના સુનિયોજિત હતી. આખી રાત ટોર્ચર કરવામાં આવ્યું, તેથી મહત્તમ સજા આપવામાં આવી.
વાસ્તવમાં, આ મામલો 19 જૂન 2020નો છે. પોલીસે વેપારી પી. જયરાજ (59) અને તેમના પુત્ર જે. બેનિક્સ (31)ને લોકડાઉન દરમિયાન દુકાન ખુલ્લી રાખવાના આરોપમાં કસ્ટડીમાં લીધા હતા. બંનેને સથાનકુલમ પોલીસ સ્ટેશન લઈ જવામાં આવ્યા અને પછી ન્યાયિક કસ્ટડીમાં મોકલવામાં આવ્યા, જ્યાં થોડા જ દિવસોમાં તેમનું મૃત્યુ થયું હતુ.
પરિજનોએ આરોપ લગાવ્યો હતો કે પોલીસ સ્ટેશનમાં આખી રાત બંને સાથે મારપીટ કરવામાં આવી હતી. તેમના શરીર પર ગંભીર ઈજાના નિશાન અને લોહી વહેવાના સંકેતો મળ્યા હતા.
મદ્રાસ હાઈકોર્ટના નિર્દેશ પર તપાસ રાજ્યની ઈઇ-ઈઈંઉ પાસેથી લઈને ઈઇઈંને સોંપવામાં આવી. એજન્સીએ એક ઇન્સ્પેક્ટર, બે સબ-ઇન્સ્પેક્ટર અને અન્ય પોલીસકર્મીઓ સહિત 10 આરોપીઓની ધરપકડ કરી તેમના વિરુદ્ધ હત્યાનો કેસ દાખલ કર્યો. તપાસ દરમિયાન એક મહિલા કોન્સ્ટેબલે નિવેદન આપ્યું કે પિતા-પુત્રને આખી રાત માર મારવામાં આવ્યો હતો અને પોલીસ સ્ટેશનમાં ટેબલ અને લાકડીઓ પર લોહીના નિશાન હતા. આ જુબાની કેસમાં મહત્વપૂર્ણ પુરાવો બની.
તપાસમાં એ પણ સામે આવ્યું કે સથાનકુલમ પોલીસ સ્ટેશનના ઈઈઝટ ફૂટેજ સુરક્ષિત રાખવામાં આવ્યા ન હતા. રેકોર્ડિંગ દરરોજ આપમેળે ડિલીટ થઈ જતું હતું, જેના કારણે મહત્વપૂર્ણ પુરાવા મળી શક્યા નહીં. આ 9 પોલીસકર્મીઓને સજા દોષિત ઠેરવવામાં આવેલા પોલીસકર્મીઓમાં ઇન્સ્પેક્ટર એસ. શ્રીધર, સબ-ઇન્સ્પેક્ટર પી. રઘુ ગણેશ અને કે. બાલકૃષ્ણન, હેડ કોન્સ્ટેબલ એસ. મુરુગન અને એ. સમદુરાઈ, તથા કોન્સ્ટેબલ એમ. મુથુરાજ, એસ. ચેલદુરાઈ, એક્સ. થોમસ ફ્રાન્સિસ અને એસ. વેલુમુથુનો સમાવેશ થાય છે. આ કેસમાં 10મા આરોપી સ્પેશિયલ સબ-ઇન્સ્પેક્ટર પૌલદુરાઈનું ટ્રાયલ દરમિયાન કોવિડથી મૃત્યુ થયું હતું.