સોના-ચાંદીના ભાવમાં ગત કેટલાક સમયમાં મોટી ઉથલ-પાથલ જોવા મળી છે. ક્યારે આ ભાવ આસમાને પહોંચ્યા તો ક્યારેક ક્રેશ થતા નજરે પડ્યા. આ વચ્ચે સોના-ચાંદીના રોકાણની સલાહ આપનારા જાણીતા લેખક રોબર્ટ કિયોસાકીએ પોતાની નવી સોશિયલ મીડિયા પોસ્ટમાં ખાસ કરીને ચાંદીના ભાવમાં આવેલા ઘટાડા વચ્ચે ખરીદીની સલાહ આપી છે. આ સાથે જ તેમણે અમેરિકન ડોલરને લઇને ચેતવણી પણ આપી દીધી છે.
‘મેં ફરીથી ચાંદી ખરીદી લીધી છે’
- Advertisement -
રોબર્ટ કિયોસાકીએ સોશિયલ મીડિયા પ્લેટફોર્મ X (પૂર્વ ટ્વિટર) પર મંગળવારે એક નવી પોસ્ટ શેર કરી છે. જેમાં તેમણે હાલમાં જ કરાયેલી પોતાની ચાંદીની ખરીદી અંગે જણાવ્યું છે. તેમણે પોતાના આ વાયરલ X પોસ્ટમાં લખ્યું કે, મેં હજુ બીજા 600 અમેરિકન સિલ્વર ઇગલ્સ ખરીદ્યા છે. આજનો સ્પોટ 82 ડોલર પ્રતિ એક ઔંસ(આશરે 2.66 તોલા) છે.’
શું હોય છે US સિલ્વર ઈગલ?
અમેરિકન સિલ્વર ઈંગલ વિશે જણાવી દઈએ તો, આ એક અમેરિકા દ્વારા જાહેર કરાયેલા સત્તાવાર સૌથી પોપ્યુલર ચાંદીનો બુલિયન સિક્કો હોય છે, જેની શરૂઆત 1986માં કરાઈ હતી. આ ઈગલ કહેવાતા સિક્કામાં 99.9 ટકા શુદ્ધ ચાંદીનો 1 ટ્રૉય ઔંસ (31.1 ગ્રામ) હોય છે. આ સિક્કાઓનો ઉપયોગ મુખ્ય રીતે ચાંદીમાં રોકાણ કરવા માટે કરવામાં આવે છે.
- Advertisement -
200 ડોલરને પાર જશે ચાંદી!
ન માત્ર ઘરેલુ, પરંતુ ઇન્ટરનેશનલ માર્કેટમાં ચાંદીના ભાવમાં ઘટાડો જોવા મળ્યો છે. ભારતમાં ગત 29 જાન્યુઆરીએ રોકેટની ગતિએ ભાગતા 1 કિલોગ્રામ ચાંદી પહેલીવાર 4 લાખને પાર નીકળી ગઈ હતી અને 4,20,048 રૂપિયાના લાઇફ ટાઈમ હાઈ લેવલે પહોંચી હતી. જોકે, મંગળવારે (10 ફેબ્રુઆરી) MCX પર આ ઘટીને 2,56,424 રૂપિયા પ્રતિ કિલોગ્રામ પર આવી ગઈ. એટલે હાઈથી ચાંદી અત્યાર સુધી 1,63,624 રૂપિયા સુધી સસ્તી થઈ ગઈ છે. Comex Silver Priceમાં પણ હાઈથી ઘણો ઘટાડો આવી ચૂક્યો છે.
એક તરફ ચાંદીના ભાવ ઘટી રહ્યા છે, તો બીજી તરફ રોબર્ટ કિયોસાકી તેને ખરીદવાનો મોકો ગણાવતા રોકાણકારોને ચાંદી ખરીદવાની સલાહ આપી રહ્યા છે. તેમણે પોતાની પોસ્ટમાં નવા ટાર્ગેટ પ્રાઇઝ આપતા લખ્યું કે, ‘હજુ પણ લાગે છે કે, 2026માં ચાંદી 200 ડોલર પ્રતિ ઔંસ અથવા તેનાથી પણ ઉપરના સ્તરે પહોંચી જશે.’
ડોલરને લઈને મોટી ચેતવણી
રોબર્ટ કિયોસાકીએ પોતાની સોશિયલ મીડિયા પોસ્ટમાં જ્યાં લોકોને ચાંદીની ખરીદીની સલાહ આપી છે, ત્યારે અમેરિકન ડોલરને લઈને મોટી ચેતવણી પણ આપી દીધી છે. તેમણે લખ્યું કે, ‘અમેરિકન ડોલર સંકટમાં છે. ફિએટ કરન્સી (નકલી ડોલર) બચાવનારાઓને સૌથી વધુ નુકસાન થશે. એટલા માટે પોતાનું ધ્યાન રાખો.’
