કલા-સંસ્કૃતિને ઉજાગર કરવા માટે રાજકોટ મનપા દ્વારા રંગોળી સ્પર્ધા

રેસકોર્સ રિંગ રોડે મનપા અને મિશન સ્માર્ટ સિટી ટ્રસ્ટના સહયોગથી ભવ્ય આયોજન

વ્યક્તિગત રંગોળીમાં 5 X 5 સાઈઝની 500 અને ગ્રુપ રંગોળીમાં 5 X 15 સાઈઝની 25 રંગોળી કરવામાં આવશે

વ્યક્તિગત રંગોળીમાં માટે 92280 90895 અને ગ્રુપ રંગોળી માટે વ્હોટ્સએપ્પ નં. 96240 25808 પર રજિસ્ટ્રેશન કરવું

ખાસ-ખબર ન્યૂઝ  રાજકોટ

રાજકોટ મહાનગરપાલિકા દ્વારા આ વર્ષે પણ તા. 16 ઓક્ટોબરથી 20 ઓક્ટોબર દરમિયાન રેસકોર્ષ ખાતે સ્વચ્છ-હરિયાળું-રંગીલુ રાજકોટ દિવાળી ઉત્સવ’નું ભવ્ય આયોજન કરવામાં આવ્યું છે. ઉત્સવનો પ્રારંભ તા. 16 ઓક્ટોબરના રોજ સાંજે 5:00 વાગ્યે સાંસદ રામભાઈ મોકરીયાના હસ્તે કિશાનપરા ચોક રેસકોર્ષથી કરવામાં આવશે. જેમાં આખા રીંગરોડ ફરતે આકર્ષક થીમ બેઇઝ લાઈટિંગ ડેકોરેશન, એન્ટ્રી ગેઇટ, અને લેસર શો યોજાશે. આ ઉપરાંત 17 ઓક્ટોબરે રંગોળી સ્પર્ધા અને 18 ઓક્ટોબરે આતશબાજી યોજાશે. રેસકોર્ષ રિંગ રોડે મનપા અને મિશન સ્માર્ટ સિટી ટ્રસ્ટના સહયોગથી રંગોળી સ્પર્ધા યોજાશે. જેમાં વ્યક્તિગત અને ગ્રુપ એમ બે પ્રકારની સ્પર્ધા રહેશે. વ્યક્તિગત રંગોળીમાં પ્રથમ 11 વિજેતાને રૂ. 5,000નું ઇનામ અને ગ્રુપ રંગોળીમાં પ્રથમ ત્રણ વિજેતાને રૂ. 5,000નો પુરસ્કાર આપવામાં આવશે. આ ઉપરાંત 19 તેમજ 20 ઓક્ટોબરનાં રોજ બહુમાળી ભવન ચોક ખાતે મ્યુઝિકલ બેન્ડનું આયોજન મનપા તંત્ર દ્વારા કરાયું છે.
રંગીલા રાજકોટની કલા-સંસ્કૃતિને ઉજાગર કરવા માટે આ રંગોળી સ્પર્ધાનું આયોજન કરવામાં આવ્યું છે, જેમાં વ્યક્તિગત અને ગ્રૂપ રંગોળી એમ બે કેટેગરીમાં સ્પર્ધકો ભાગ લઈ શકશે. વ્યક્તિગત રંગોળીમાં 5 ડ્ઢ 5 સાઈઝની 500 રંગોળીઓ કરવામાં આવશે. જ્યારે ગ્રુપ રંગોળીમાં 5 ડ્ઢ 15 સાઈઝની 25 રંગોળીઓ કરવામાં આવશે. આ માટે સ્પર્ધકોએ માત્ર વ્હોટ્સએપ મેસેજ દ્વારા રજિસ્ટ્રેશન કરાવવાનું રહેશે. જેમાં પોતાનું આખું નામ, શહેરનું નામ અને ઉંમર લખીને મોકલવાની છે. વ્યક્તિગત રંગોળીનો વ્હોટ્સએપ નંબર 9228090895 અને ગ્રુપ રંગોળી માટે વ્હોટ્સએપ નંબર 9624025808 છે. ગ્રુપ રંગોળી માટે ભાગ લેનારે પોતે કરેલી સૌથી સારી 5 રંગોળીના સેમ્પલ મોકલવા ફરજિયાત છે. નોંધણી વહેલા તે પહેલાના ધોરણે કરવામાં આવશે અને આ સ્પર્ધા માટે કોઈ પણ પ્રકારની રજિસ્ટ્રેશન ફી રાખવામાં આવી નથી.

વિજેતા સ્પર્ધકોને અનેક ઇનામો
ગ્રુપ રંગોળી : પ્રથમ 3 વિજેતામાં દરેકને રૂ. 5,000નો પુરસ્કાર.
વ્યક્તિગત રંગોળી : પ્રથમ 11 વિજેતાઓમાં દરેકને રૂ. 5,000નો પુરસ્કાર.
આશ્વાસન ઇનામ : 51 રંગોળીના કલાકારોને રૂ. 1,000 આશ્વાસન ઇનામ.
લકી ડ્રો : ત્રણ લકી વિજેતાને રૂ. 5,000ની ફટાકડાની કિટ ગિફ્ટમાં આપવામાં આવશે.
સ્પર્ધામાં ભાગ લેનાર દરેક સ્પર્ધકને સર્ટિફિકેટ એનાયત કરવામાં આવશે.

રંગોળી સ્પર્ધાના મુખ્ય નિયમો
રંગોળી સ્પર્ધા 17 ઓક્ટોબરને શુક્રવારના રોજ બપોરના 4:00 કલાકે યોજાશે.
દરેક સ્પર્ધકે 3:45 કલાકે પોતાના કાઉન્ટર પર રિપોર્ટિંગ કરવાનું રહેશે.
કુલ 8 કલર (લાલ, પીળો, કાળો, લીલો, કેસરી, સફેદ, ડાર્ક બ્લૂ અને સ્કીન કલર) આપવામાં આવશે.
વ્યક્તિગત રંગોળીમાં 4 સલ (8 કલર ડ્ઢ 500 ગ્રામ) અને ગ્રુપ રંગોળીમાં 12 સલ (8 કલર ડ્ઢ 1.5 સલ) ચિરોડી કલર આપવામાં આવશે.
ચિરોડી કલર સિવાયની વસ્તુઓ (ફૂલ, કઠોળ કે અન્ય) સ્પર્ધકે લાવવાની રહેશે.
સ્પર્ધક કોઈ પણ થીમ પર રંગોળી બનાવી શકશે, પરંતુ વાદ વિવાદ થાય તેવી રંગોળી બનાવી શકાશે નહીં.
રંગોળીમાં પોતાનું નામ, ઓફિસ-દુકાનનું નામ, સોશિયલ મીડિયાની આઈ.ડી. વગેરે લખવું નહીં.
સ્પર્ધક રંગોળી કરવા માટે બીજાની મદદ લઈ શકશે.
દરેક સ્પર્ધકને ઠંડુ તથા નાસ્તો આપવામાં આવશે.
વિજેતાઓની જાહેરાત દિવાળી બાદ કરવામાં આવશે, જેમાં નિર્ણાયકોનો નિર્ણય આખરી ગણાશે.