Aએ ડિવિઝન પોલીસે ઘટનાસ્થળે રી ક્ધસ્ટ્રક્શન કરાવતા જાહેરમાં માફી માંગી
ખાસ-ખબર ન્યૂઝ રાજકોટ
રાજકોટના ગોંડલ રોડ ઉપર મંગળવારે રાત્રે જાહેરમાં ધમાલ મચાવી યુવક ઉપર છરીથી હુમલો કરી આતંક મચાવનાર ત્રિપુટીને એ ડિવિઝન પોલીસે રાતોરાત દબોચી લઇ કાયદાનું ભાન કરાવ્યું હતું ઘટનાસ્થળે લઇ જઈ રી ક્ધસ્ટ્રક્શન કરાવતા જ્યાં રોફ જમાવ્યો હતો ત્યાં જ ત્રિપુટીએ માફી માંગી હવે પછી ક્યારેય કાયદો હાથમાં નહિ લઈએ તેવું બોલવા મજબુર બન્યા હતા પોલીસની મહેમાનગતિ માણનાર લુખ્ખાઓ સામે પોલીસની કડક કાર્યવાહી લોકોએ પણ બિરદાવી હતી.
- Advertisement -
રાજકોટના રામનગરમાં આવેલા લોધેશ્વર સોસાયટીમાં રહેતા રવિ ભીખુભાઈ જરીયા ઉ.30 નામનો યુવક રાત્રે વિજય પ્લોટ તરફ જતો હતો ત્યારે પાછળથી અજાણ્યા ઈસમે સ્કુટરને ઠોકર મારતા જેથી યુવકે જોઈને ચલાવવાનું કહેતા શખસે તેના અન્ય સાગરીતોને બોલાવી રવિ સાથે ઝઘડો કરી ધોકા, લાકડી અને છરી વડે હુમલો કરતા જાહેર રોડ પર લોકોના ટોળા ઉમટી પડ્યા હતા હુમલાખોરો નાસી જતા ઈજાગ્રસ્ત યુવાનને સારવાર અર્થે સિવીલ હોસ્પિટલમાં ખસેડવામાં આવ્યો હતો બનાવનો વિડીયો સોશિયલ મિડીયામાં વાયરલ થતા એ ડિવીઝન પોલીસ મથકના પીઆઈ બી વી બોરીસાગર સહિતનો કાફલો દોડી ગયો હતો અને રાતોરાત જાહેરમાં હુમલો કરી તંગદિલી ફેલાવનાર કુખ્યાત આરોપી ફિરોઝ કરીમ કાથરોટિયા ઉ.20, સલીમ કરીમ કાથરોટિયા ઉ.26 અને પરેશ રમેશ વાઘેલા ઉ.19ને દબોચી લઇ આકરી સરભરા કરી કાયદાનું ભાન કરાવ્યું હતું જ્યારે કુખ્યાત ઈબ્રાહિમ ઉર્ફે ઇભલો પોલીસ પકડથી દૂર હોય તેની શોધખોળ હાથ ધરી છે ત્રણેયને ગોંડલ રોડ ઉપર જ્યાં રોફ જમાવ્યો હતો ત્યાં જ પોલીસે લઇ જઈ જાહેરમાં માફી મંગાવતા લુખ્ખાઓનું સરઘસ જોવા લોકોના ટોળા ઉમટયા હતા.
