વોર્ડ નંબર-7ની શોભા વધારતો કચરાનો ઢગલો

સ્વચ્છતા અભિયાનના મોટા-મોટા બણગા ફુંકતા સત્તાધીશોના રાજમાં શહેરના એસ્ટ્રોન ચોકમાં ગંદકીના ગંજ જોવા મળ્યા હતા. શહેરમાં ઠેક- ઠેકાણે સ્વચ્છતા ઝુંબેશ અભિયાન હાથ ધરવામાં આવે છે. ત્યારે શું માત્ર ફોટા પડાવવા પૂરતી જ રોડ- રસ્તાની સાફ-સફાઈ કરવામાં આવતી તેવું લાગી રહ્યું છે. અહીં એક બાજુ હોસ્પિટલ આવેલી છે તો બાજુમાં જ કચરાના ઢગલા નજરે પડી રહ્યા છે. આમ, ગંદકીના કારણે લોકોના સ્વાસ્થ્ય સાથે પણ ચેડા થઈ રહ્યા છે અને રોગચાળો ફેલાવવાનો ભય પણ રહે છે. શહેરના મેઇન-મેઇન રોડ, રસ્તા અને વિસ્તારોમાં સફાઈ માત્ર નામ પૂરતી જ કરવામાં આવે છે. પણ શહેરના મેઇન વિસ્તાર એસ્ટ્રોન ચોકની ગંદકી શા માટે તંત્રને દેખાતી નથી.