ગત સાંજે 50 કિમી ઝડપથી પવન ફુંકાતા પતરા અને હોર્ડિંગ હવામાં ઉડ્યા
ખાસ-ખબર ન્યૂઝ સુરેન્દ્રનગર, તા.23
- Advertisement -
રાજ્યના હવામાન વિભાગની આગાહી મુજબ ગત સાંજે છૂટાછવાયા વિસ્તારોમાં ભારે પવન અને વરસાદે દેખા દીધી હતી. ખાસ કરીને સુરેન્દ્રનગર જિલ્લામાં ગત સાંજના સમયે અચાનક વાતાવરણમાં પલટો આવ્યો હતો અને વાદળછાયુ હવામાન થતા ભારે ગતિથી પવન ફુંકાયો હતો એટલામાં જોરદાર વરસાદ પણ ત્રાટક્યો હતો. આશરે 50 કિલોમીટર પ્રતિ ઝડપથી પવન ફુંકાતા ઝૂંપડા પતરા અને કેટલાક હોડિંગસ હવામાં ઉડ્યા હતા જેના લીધે રાહદારીઓને પણ ઇજા પામી હતી આ તરફ અનેક સ્થળો પર વૃક્ષો અને વીજપોલ પણ ધારાશાહી થવાની વિગતો સામે આવી હતી જ્યારે વીજપોલ પાડવાના લીધે કલાકો સુધી લાઈટો ગુલ થઈ હતી. જોકે વરસાદ અને વાવાઝોડાની આગાહીને લઈને સ્થાનિક તંત્ર દ્વારા હોડિંગ્સ દૂર કરવાના માટે કોઈ ખાસ પગલાં લીધા નથી જેના લીધે ભારે પવનથી હોડિંગ્સને લીધે કેટલાક લોકોને ઇજા પામી હતી. સુરેન્દ્રનગર જિલ્લાના વઢવાણ, મુળી, ચૂડા, પાટડી સહિતના વિસ્તારોમાં ભારે પવન અને વરસાદ ત્રાટક્યો હતો જે બાદ ગરમીમાં થોડા અંશે રાહત થઈ હતી પરંતુ બીજા દિવસે એટલે કે આજે ફરીથી ગરમીનું વાતાવરણ શરૂ થયું છે.
