કોંગોમાં નાવમાં આગ લાગતા પલટી : 50 લોકોના મોત
અનેક યાત્રીઓ ડૂબ્યા, દાઝવાથી ઘાયલ થયા : સેેંકડો લોકો લાપતા બન્યા
- Advertisement -
આ ઘટના ત્યારે બની જ્યારે એક મહિલા બોટ પર રસોઈ બનાવી રહી હતી. બોટમાં આગ લાગ્યા પછી, મહિલાઓ અને બાળકો સહિત ઘણા લોકો નદીમાં કૂદી પડ્યા
ગુમ થયેલા લોકોની શોધ ચાલુ છે
રેડ ક્રોસ અને સ્થાનિક સરકારી અધિકારીઓ મદદ કરી રહ્યા છે. દુર્ઘટના બાદ બચાવ ટીમો ગુમ થયેલા લોકોને શોધી રહી છે. અધિકારી કોમ્પેટેન્ટ લોયોકોએ એસોસિએટેડ પ્રેસ ન્યૂઝ એજન્સીને જણાવ્યું હતું કે, મોટરવાળી લાકડાની હોડી લગભગ 400 મુસાફરોને લઈ જઈ રહી હતી ત્યારે તેમાં આગ લાગી ગઈ અને મ્બાન્ડાકા શહેર નજીક એક મોટો અકસ્માત સર્જાયો.
- Advertisement -
અધિકારીએ શું કહ્યું?
અધિકારી લોયોકોએ જણાવ્યું હતું કે એચબી કોંગોલો નામની બોટ માટનકુમુ બંદરથી બોલોમ્બા વિસ્તાર માટે રવાના થઈ હતી. તેમણે જણાવ્યું હતું કે અકસ્માતમાં બચાવી લેવામાં આવેલા લગભગ 100 લોકોને મ્બાન્ડાકા ટાઉન હોલ ખાતેના કામચલાઉ આશ્રયસ્થાનમાં લઈ જવામાં આવ્યા છે. ઘાયલોને સ્થાનિક હોસ્પિટલોમાં દાખલ કરવામાં આવ્યા છે.
આના કારણે આગ લાગી
જયારે સેંકડો લોકો લાપતા થયા છે. આ અંગેની વિગત મુજબ કોંગોમાં એક નાવ અકસ્માત મ્બાંદાકા શહેર પાસે કોંગો નદીમાં થયો હતો. આ દરમિયાન નાવમાં આગ લાગી હતી. અને પલટી ગઇ હતી. યાત્રીઓ ડૂબતી નાવથી બચવા નદીમાં કુદી ગયા હતા પરંતુ કેટલાક લોકો ડૂબી ગયા હતા કારણ કે તેઓને તરતા ન્હોતું આવડતું.
100થી વધુ લોકોને બચાવી લેવાયા હતા. જેમાંથી અનેક લોકો દાઝી જવાથી ગંભીર ઘાયલ થયા હતા. રાહત કાર્ય ચાલુ છે, જેમાં રેડક્રોસ અને સ્થાનિક પ્રશાસનની ટીમ સામેલ છે.
