કેરળમાં નેશનલ માસ્ટર્સ એથ્લેટિક્સ સ્પર્ધામાં વૃદ્ધ ખેડૂતે સિલ્વર અને પુત્રીએ ગોલ્ડ મેડલ મેળવ્યા
ખાસ-ખબર ન્યૂઝ સુરેન્દ્રનગર, તા.15
સુરેન્દ્રનગરના સરસ્વતી ક્ધયા વિદ્યાલયના 50 વર્ષીય પીટી શિક્ષકે 88 વર્ષના ખેડૂત પિતા સાથે નેશનલ માસ્ટર એથલેટીકસ સ્પર્ધા કેરળ ખાતે યોજાઇ હતી તેમાં ભાગ લીધો હતો.જેમાં ઉતકૃષ્ટ રમતના પ્રદર્શન સાથે પિતાએ સિલ્વરઅને દિકરીએ સતત પાંચમી વાર હેમરથ્રો રમતમાં ગોલ્ડ મેળવી રેકોર્ડ બનાવવા સાથે ઇતિહાસમાં પોતાનુ નામ નોંધાવ્યું છે. આ અંગે લાછુબેન પરમારે જણાવ્યું કે રમતગમતમાં મારા પિતા મારી પ્રેરણા છે. તેઓ 88 વર્ષે પણ રમત ગમતમાં સક્રિય ભાગ લે છે મનમાં નિશ્ચય કરો કે રમવુ છે તો ઉમર માત્ર આંકડો છે. તાજેતરમાં કેરળ રાજ્યના ત્રિસુર ખાતે નેશનલ માસ્ટર્શ એથલેટીકસ સ્પર્ધાનુ આયોજન કરવામાં આવ્યુ હતુ.જેમાં ભારતભરમાંથી સિનિયર સિટીઝન ખેલાડીઓએ ભાગ લીધો હતો.જેમાં મૂળ જુનાગઢ જિલ્લાના ગોતાળા ગામના ખેડૂત 88 વર્ષીય મસરીભાઇ કાળાભાઇ પરમાર તથા તેમના 50 વર્ષના પુત્રી મૂળ જૂનાગઢ જિલ્લાના માળીયા હાટીના તાલુકાના અને હાલ સુરેન્દ્રનગર જિલ્લાની વઢવાણ સરસ્વતી ક્ધયા વિદ્યાલયમાં પીટી શિક્ષક લાછુબેન પરમારે ભાગ લીધો હતો.
