ખાસ-ખબર ન્યૂઝ જૂનાગઢ
જૂનાગઢ જિલ્લા રોજગાર વિનિમય કચેરી દ્વારા રોજગાર ઇચ્છુકોને રોજગારી પ્રાપ્ત થાય તેવા હેતુસર ભરતી મેળાનું આયોજન કરવામાં આવ્યું છે. ખાનગી ક્ષેત્રના અગ્રગણ્ય એકમ ઉષા બ્રેકો પ્રા.લી.(ઉડનખટોલા), ધ ફર્ન લિયો રીસોર્ટ એન્ડ ક્લબ(વાસ સુંદર ઓર્ગેનાઇઝર), તથા સવાણી હેરીટેજ કંઝર્વેશન પ્રા.લી.( ઉપરકોટ) એકમમાં ભરતી હેતુ ખાલી પડેલ માર્કેટીંગ એક્ઝ્યુકેટીવ, રીટેઇલ સ્ટોર પર્સન, આસી.ફ્રન્ટ ઓફિસ મેનેજર, સેલ્સ મેનેજર/એક્ઝ્યુકેટીવ, ફ્રંટ ઓફિસ અટેન્ડેન્ટ, હાઉસ કિપીંગ સ્ટાફ, સીસીટીવિ ઓપરેટર, ડિઝીટલ માર્કેટીંગ એક્ઝ્યુકેટીવ, ઇલેક્ટ્રીક એન્જીનિયર, પ્લમ્બર ની જગ્યાઓ માટે 18 થી 35 વર્ષની વયમર્યાદા તેમજ હોટેલ મેનેજમેન્ટ સ્નાતક /ડિપ્લોમા ઇન ઇલેક્ટ્રીકલ, આઇ.ટી.આઇ. પ્લમ્બર, એચ.એસ.સી કે સ્નાતકની શૈક્ષણિક લાયકાત ધરાવનાર માટે ભરતી મેળો યોજાશે.
ભરતીમેળામાં ભાગ લેવા રોજગાર ઇચ્છુકોએ ઉપરકોર્ટ કિલ્લો ખાતે તા.25/10/2024ના રોજ સવારે 11:00 કલાકે શૈક્ષણિક લાયકાતનાં પ્રમાણપત્રો તેમજ જરૂરી દસ્તાવેજો સાથે ઉપસ્થિત થવાનું રહેશે.વધુ માહિતી અને માર્ગદર્શન માટે કચેરી સમય દરમિયાન ટેલીફોન નંબર 0285-2620139 પણ સંપર્ક કરી શકાશે.
