દેશભરમાં સવારે ધ્વજવંદન રાષ્ટ્રીય ગાન થતું હશે તે વેળાએ શ્રી હરિકોટાથી ઈઓએસ – 8 ઉપગ્રહ અવકાશમાં મોકલાશે
ખાસ-ખબર ન્યૂઝ નવી દિલ્હી, તા.9
ભારત તમામ ક્ષેત્રે વિશ્વમાં ડંકો વગાડી રહ્યું છે. ભારતીય અવકાશ એજન્સી ઈસરોએ ગયા વર્ષે ચંદ્રયાન-3ને ચંદ્રના દક્ષિણ ધ્રુવ પર ઉતારીને વિશ્ર્વને ચોંકાવી દીધું હતું. આવું કરનાર ભારત વિશ્વનો પ્રથમ દેશ બની ગયો છે. આ મિશન પછી ISRO અવકાશ સંબંધિત તમામ રહસ્યોને ઉકેલવા માટે મિશન શરૂ કરી રહ્યું છે. ઈસરોએ જણાવ્યું હતું કે, ઈઓએસ-8 ઉપગ્રહ આંધ્ર પ્રદેશના શ્રીહરિકોટાથી 15 ઓગસ્ટ પર લોન્ચ કરવામાં આવશે. ભારતીય અવકાશ એજન્સીએ જણાવ્યું હતું કે, EOS-08 માઇક્રોસેટેલાઇટ 15 ઓગસ્ટ 2024 ના રોજ સવારે 9:17 વાગ્યે શ્રી હરિકોટાથી લોન્ચ કરવામાં આવશે. આ ઉપગ્રહ SSLV વિકાસ પ્રોજેક્ટ હેઠળ આવે છે અને તે ભારતીય ઉદ્યોગ અને ન્યૂસ્પેસ ઇન્ડિયા લિમિટેડ (NSIL) દ્વારા સંચાલિત એક મિશન છે. આવનારા વર્ષોમાં આવા ઘણા મિશન લોન્ચ થવાના છે, જેમાં માનવોને અવકાશમાં મોકલવા અને ઇન્ટરનેશનલ સ્પેસ સેન્ટરનો સમાવેશ થાય છે. આ દરમિયાન ઈસરોએ બુધવારે મહત્વની માહિતી આપી હતી.
- Advertisement -
ભારતીય અંતરિક્ષ એજન્સી 15મી ઓગસ્ટે દેશવાસીઓને એક ખાસ ભેટ આપવા જઈ રહી છે. ઈસરોએ કહ્યું કે તે 15 ઓગસ્ટે આંધ્ર પ્રદેશના શ્રીહરિકોટાથી EOS-8 સેટેલાઇટ લોન્ચ કરશે. આ મિશનના ઉદ્દેશ્યમાં દેશ અને સમગ્ર વિશ્વમાં આપત્તિઓનું નિરીક્ષણ અને ચેતવણીનો સમાવેશ થાય છે. EOS-8 પાસે ત્રણ પેલોડ છે – ઇલેક્ટ્રો ઓપ્ટિકલ ઇન્ફ્રારેડ પેલોડ (EOIR), ગ્લોબલ નેવિગેશન સેટેલાઇટ સિસ્ટમ-રિફ્લેકમેટ્રી પેલોડ (GNSS-R), અને SiC UV ડોસીમીટર. ISRO એ જણાવ્યું હતું કે SSLV-D3/IBL-358 લોન્ચ વ્હીકલ સાથે સેટેલાઇટ ઇન્ટરફેસ છે.
તેમાં મિડ-વેવ IR (MIR) અને લોંગ-વેવ ઈંછ ((LWIR))બેન્ડ છે. તે EOIR દિવસ અને રાત્રિ દરમિયાન મધ્ય અને લાંબા તરંગની ઇન્ફ્રારેડ છબીઓ લેવાની સંપૂર્ણ ક્ષમતા ધરાવે છે. ઈસરોએ કહ્યું કે મિશનનો ઉદ્દેશ્ય દેશ અને દુનિયાને આપત્તિની ચેતવણી આપવાનો છે.
